一直都好想清點下自己嘅肉肉，無奈一路買一路買，多到有時間上盆都冇時間影相。新年淘佬放大假，終於有時間搞掂啲肉肉名牌同影下相 於是就有以下呢個
~偽多肉圖鑑~
分類全係方便自己，請勿見怪
首先show off 下啲肉錦
~石子的偽多肉圖鑑：肉錦~
虹之玉錦
新手必備。天台四季全露養都冇問題，非常好養。但對光照需求更高，室內未必能種得靚。
白熊 （熊童子白錦）
需要較多光照，先會有粉紅指甲。夏天要控水、遮陽。我之前嗰棵夏天甩葉仙遊咗，（水份太多），今年會嚴陣以待！
白熊、拉絲錦
錦好幼，好似一條條絲線咁，就黎要用放大鏡睇。
佛珠錦
秋冬生長快速。耐陰，喜水。
鈴鐺錦
今年夏初由無根砍頭苗養到而家，徒咗嘅地方爆側芽啦
皮氏錦
都係今年夏初由無根砍頭苗養到而家。比鈴鐺錦耐曬。
美杏錦
都係今年夏初由無根砍頭苗養到而家 （套餐黎）。夏天遮陽，秋冬露養。
寶草錦
十二卷嘅錦黎講應該係最普通嘅？一開始入嗰棵放天台養，結果溶咗（落雨加天熱嘅關係），之後又入兩棵，放屋企，錦較多嘅又仙遊咗... 之後控水，保住另一棵。秋天時攞去天台，發現徒長，想趁呢個時節曬多啲。不過呢排又開始落雨...
兔耳錦
今年新入品種 同普通兔兔一樣咁護養
青鎖龍錦
都係今年秋新入品種金，感覺還算粗生
愛之蔓錦
係球根黎。夏天生長迅速，天氣凍就會半休眠，生得勁慢。
白雪姬錦
新入品種。秋冬露養，生得好快。
除咗虹之玉錦，其他全部係淘返黎，唔貴架
未有淘佬acc嘅花友不防考慮下 |
顯身卡
