石子的多肉露養記

~石子的偽多肉圖鑑：錦類~ #223樓
~石子的偽多肉圖鑑：護盆草~ #252樓
2019年渡夏準備   #257樓


眨下眼，就差唔多兩年啦冇上黎啦！呢兩年對我黎講，真係發咗好多事，可以話人生大事都係喺呢段時間完成咗XD

自從上年春天知道自己有咗，就話俾自己聽唔可以再喺屋企養肉啦，已經唔夠位啦，窗台要讓俾呀B換片用 (嗰時啲肉肉已經多到霸埋窗台附近嘅地下)。講真係有啲唔開心，但塞翁失馬啊! 就係因為有咗B，我決定攞哂啲肉肉返娘家天台露養，改哂土種，經歷炎夏至今，棵棵都好健壯又肥美，真係好開心。

回想嗰時大住個肚，一星期一日咁幾盆幾盆攞返去天台，又搬泥又買盆，炎炎夏日坐住張矮凳喺度上盆。幾乎教學上話唔好做嘅嘢，我都試過。例如夏天換盆、夏天搞杆插葉插、泥土未曬乾又重用、肉肉未修根又上盆... 因為露天關喺嘛，有時趕天黑前要搞掂，有時見快落雨又拿拿聲趕收擋，都冇閒情好似初初學種肉咁姿整。但有幾樣我係一定會堅持啦！就係夏天會遮陽，連續落雨會遮雨，泥土主要用顆粒。咁除咗體會到多肉生命能有幾頑強，都叫做儲到一啲經驗值XDD 同埋真係唔可以一本通書讀到老，我啲肉肉生喺咁曬嘅環境下以顆粒土種，真係要日日淋水! 喺呢度都要感謝我媽，日日幫我淋水，夏天嗰時又幫我拉遮陽遮雨用嘅波波紙 (係呀，我廢物利用><)。啲肉肉生到咁大，最大功勞都係佢。

而家啲肉多到呢，我都唔好意思再買囉... 始終天台係公家架嘛！





















仲有啲未整理好...
而家就咁睇，我都算喺個小富戶啦XDD

有天台曬肉真好

powergun 發表於 2018-3-24 21:49
有天台曬肉真好

歡迎根大光臨～ 係呀，光照一定夠️️️

堅持自己喜歡的事   加油 ~

辛苦了，加油。

謝謝大家

天氣好熱啊...
之前天氣涼嗰時翻盆嘅肉肉喺波波紙嘅遮擋下，暫時仲幾好，除咗花月夜開始化水之外...
今日終於可以有時間同肉肉插名牌️️




呢棵係因為個名而買，祈望我粒豆都可以歡歡樂樂
生完嗰時去睇佢，就黎枯乾咁，翻盆後精神好多


應該係達摩...寫錯字
買嘅時候係夏天，上盆嘅時候係夏天... 我生之前佢枯淨幾支幹，好彩冇放棄佢，入秋就生返啲葉出黎。


新玉綴係我一開始種嘅兩盆多肉之一，真係唔係幾長進，一係徒長，一係曬乾，仲仍然摸索緊佢需要嘅日照量～


淘佬咗一大棵，越生越大，分咗幾盆。其他遲啲試下放上網買，賺下奶粉錢



普貨一纙纙～～好好生養～～


五蚊店買嘅一盆，都好好生養，分咗勁多小盆，或者秋天同大家分享


呢款花墟買返黎就一塊塊葉甩出黎，攞去葉插，好幾個月先慢慢出芽出根。呢棵係葉插中生長得最快。


今日壓續出場嘅係跟咗我兩年嘅白牡丹，由葉片到而家咁大棵，好有成功感!

今日Post 住咁多先，遲下繼續，而家湊b 去

little_stone 發表於 2018-5-2 15:59
天氣好熱啊...
之前天氣涼嗰時翻盆嘅肉肉喺波波紙嘅遮擋下，暫時仲幾好，除咗花月夜開始化水之外...
今日終 ...

加油～～

BenLau 發表於 2018-5-3 00:33
加油～～

謝謝大大支持

粒豆終於瞓咗，好攰啊... 睇返啲肉照調整下心情
唔知有冇花友同我一樣，鐘意買拼盆，然後分開黎養？我覺得拼盆都幾抵玩，尤其fun fun 同以前日x城嗰啲
以下肉肉就由拼盆而來，所以唔確定啲名，希望各位達人指點一下：



初初以為係黃麗，種種下又唔多似


呢個係藍石蓮？


呢個係姬秋麗？完全唔記得係點黎 我生之前佢好似仲係綠色...唔記得啦

薄雪萬年草就黎爆盆啦！

好大嘅一盆


當初花墟買返來，水種種種下又徒長又死死地咁，一攞去露養就咁暴生勁多


好天曬落雨淋，介質係石仔俱多，夏天冇遮陽，係野草級多肉，同蕾絲公主有得揮

梅雨季黎啦！
香港又濕又焗，多肉渡春都係一個挑戰，希望全員平安啦

爆盆啦啦啦啦啦～

碰碰香冬天勁甩葉，一個春天就生滿盆。
不過其實碰碰香算係多肉嗎？


波尼亞萬年草，初春先種幾支條，而家生到勁鬼多



然後有勁多葉插

即將同大家分享️️

仲想問級住d乜，睇真原來係蛋盒

xx_Luca 發表於 2018-5-12 23:16
仲想問級住d乜，睇真原來係蛋盒

係呀，冇哂雞蛋殼，索性就咁用蛋盒
反正有打孔都疏到水

大晴天️️
繼續插名牌～
有錯請指教!













五蚊店買嘅，唔駛一年就咁大棵

樓上靜夜 .... 笨巴？
魯氏唔使對佢太殷勤，放外面日曬雨淋效果更好

xx_Luca 發表於 2018-5-17 13:52
樓上靜夜 .... 笨巴？
魯氏唔使對佢太殷勤，放外面日曬雨淋效果更好  ...

真係唔肯定係 靜夜 定 笨巴，花墟買時佢寫 吉娃娃，但越養越唔似

魯氏好粗生，而家係日曬雨淋mode

睇住你由小户變成了大戶！

老公仔 發表於 2018-5-18 14:41
睇住你由小户變成了大戶！

唔算好大啦 始終公家地方唔敢佔太多
期待師兄嘅第二基地