分享一下我多年同紅蜘蛛作戰經驗. 暫時3棵櫻花未有蜘蛛.
但其實我擺放櫻花的位置多年一直有紅GC肆虐, 旁邊的苿莉一直多年有GC, 但好在它非常耐剪, 次次我見它全棵被GC搞到又黃又乾, 就忍不住把它剪到光禿禿. 不過它好快又生葉, 但無耐又再被GC搞.
後來爬文發覺, 原來一些小野草EG 三葉草或其他小草, 好易招惹紅GC, 諗落都係, 紅GC 往往先埋手小野草, 因為小草葉子薄, 吸食葉汁容易, 繼而爬往隔離的植物.
此後, 立即拔除所有盆上的小野草, 苿莉盆上原本有不少野草, 一棵不留. 另外就所有盆面加鋪活草苔, 增加濕度, 因紅GC 喜乾熱, 不喜濕. 減少GC 逗留機會.
冬天過去, 現在是夏天, 去年剪除苿莉葉幾次後, 現在該位置無再發現紅GC.
得出防紅蜘蛛結論:
1. 剪除染GC葉, 雖然係斬腳趾避沙虫, 但有效.
2. 拔除所有盆上的小野草. 檢查附近有無植物本身有紅蜘蛛寄居著. 有就好易經常被染.
3. 盆面加鋪活草苔, 增加濕度
4. 用牛奶/乳酪/CREAM 等任何奶製品, 加水, 溝均, 沖葉(底&面), 呢個方法我試過, 90% 有效. 如果反覆做多幾次, 更好. 聽講牛奶可以飽死紅蜘蛛, 吾知係咪, 但沖完後係好在, 但未死晒, 數數下會見到一兩粒. 如果睇吾過眼, 剪左塊葉算啦. 問題立即解決.
5. 放在通風位置.
期待有其他高見..... |
顯身卡
留意佢地既果子是好似相中的
