寒帶球根

今年第二枝劍蘭



等開花黃花酢醬草

今年選擇好似比往年少，搵唔到最想買既美葉酢醬草（往年年年間間都有得賣）。依家種太早，冇雨落泥好乾，到十月份後播種都唔遲，所以去睇下貨就算。
一磅店最平，但一般質素最差，包裝話保證首年開花都要谷肥先得。往年選擇好多，今年冇乜得揀。
家品雜貨店選擇多，價錢合理，但職員多歧視黃皮膚，所以我唔多想幫襯呢間。
超市選擇少，勝在近屋企，行幾分鐘就買到。

菜妹 發表於 2018-8-29 07:48
今年選擇好似比往年少，搵唔到最想買既美葉酢醬草（往年年年間間都有得賣）。依家種太早，冇雨落泥好乾，到 ...

好多品種 可惜冇酢漿草

B17 發表於 2018-8-29 11:38
好多品種 可惜冇酢漿草

希望只係今年未返貨，遲下會有啦。


往年錯過左既

第一棵開花既酢醬草，種戶外花園太凍，多次都未能賞花，搬入屋第二日就有花睇。



朱頂蘭花球，前幾年開花後一直等待生子球，種左三年後搵資料原來要切球先會有子球生。試左子母相連法，若本身球根達開花大細，可以同年開花並穫得子球。我只切單邊，因為唔想有太多子球影響母株營養吸收。


原本打算十二月去買洋水仙球根同特別品種鬱金香，多種d花可以係春天欣賞，行完幾間超市，剩返瑪莎有較多花球賣。瑪莎既貨質素係好高，多以禮品套裝出售(呢邊興當生日/節日禮物咁送)，精美花球連盆+泥，我只係想買黎自用種係花園，所以放棄咩都冇買到。

百子蓮約80港紙有4球超抵種，但我都覺得少貴，冇入手，因為個人最愛都係鬱金香，相同價錢夠買普通超市100粒鬱金香球根，種出一片花海。

三年前係瑪莎買既三粒朱頂花球，連續三年都有花開；普通超市買既有平平少少，買左八粒，只有一半兩年有花開，其餘既賞葉。講返價錢同質素，瑪莎算係超值既。

菜妹 發表於 2018-12-18 14:09
第一棵開花既酢醬草

多謝分享
如果香港馬莎都有這些園藝精品賣就太好了！

菜妹 發表於 2018-12-18 14:09
第一棵開花既酢醬草

紫色花圖案嘅茶杯好靚！
可惜香港冇！

小雷子 發表於 2018-12-18 16:08
紫色花圖案嘅茶杯好靚！
可惜香港冇！

睇黎我下次返香港可以考慮做代購喇

Ming36 發表於 2018-12-18 15:52
多謝分享
如果香港馬莎都有這些園藝精品賣就太好了！

其實對於我呢啲超級新手，正貨、次貨，唔係好識分。
只要能破土而出，開到花，就唔會認為佢係邪花，准佢登堂入室

菜妹 發表於 2018-12-18 16:24
睇黎我下次返香港可以考慮做代購喇

哈哈！又唔錯！

Ming36 發表於 2018-12-18 16:33
其實對於我呢啲超級新手，正貨、次貨，唔係好識分。
只要能破土而出，開到花，就唔會認為佢係邪花{:emoji ...

哈哈！非常認同！

Ming36 發表於 2018-12-18 16:33
其實對於我呢啲超級新手，正貨、次貨，唔係好識分。
只要能破土而出，開到花，就唔會認為佢係邪花{:emoji ...

睇售價而定啦。次貨當精品賣就唔得啦。次貨點揀都多爛球，所講既保証首年一定有花開亦可能要谷肥先得；普通超市/園藝中心係中價貨，品種多size普通勝在一定有花開；至於高級超市真係物有所值，最大最靚既先會賣咁既價錢。

香港租金貴，要賣歐洲進口貨只能入次貨先有利可圖，次貨當精品賣。

菜妹 發表於 2018-12-18 17:01
睇售價而定啦。次貨當精品賣就唔得啦。次貨點揀都多爛球，所講既保証首年一定有花開亦可能要谷肥先得；普 ...

原來花錢也大有學問，謝謝菜大大。
下次歐遊要加入園藝購物點，行多幾步，買個靚花盆嘟好呀！
之前，只是行吓什麼什麼皇宮、湖、山、花園咋

Ming36 發表於 2018-12-18 17:14
原來花錢也大有學問，謝謝菜大大。
下次歐遊要加入園藝購物點，行多幾步，買個靚花盆嘟好呀！
之前，只是 ...

嘩，大大去旅行係增廣見聞，皇宮俾左入場費後冇導遊我唔識睇，經已好耐都唔會行近。我去歐遊窮遊只留意邊度有免費景點，然後就係睇下邊度街邊有雜草係靚既可以俾我帶返去當手信(好似棵開緊花既路邊酢就係手信之一)。
歐洲買手信最佳地方係Charity shop，買花盆同當地手信都有，最緊要貨品種類多，亦有唔少係大公司捐既新貨，尋寶好店，我既花盆九成都係各間Charity shop搵返黎。另外不能錯過一定係瑪莎超市，長期都有不同花球賣，夏季除外。

菜妹 發表於 2018-12-18 17:45
嘩，大大去旅行係增廣見聞，皇宮俾左入場費後冇導遊我唔識睇，經已好耐都唔會行近。我去歐遊窮遊只留意邊 ...

真的長知識了，與菜大大一席話，勝過環遊世界，下次去馬莎，一定要比多兩粒鐘慢慢行、慢慢嘆！

Ming36 發表於 2018-12-18 17:55
真的長知識了，與菜大大一席話，勝過環遊世界，下次去英國馬莎，一定要比多兩粒鐘慢慢行、慢慢嘆！
Chari ...

Ming大誇張喇，菜妹只係吹下水咋。 Charity shop係救世軍咁既二手店，不過歐洲既charity shop唔止得救世軍，基本上咩非營利組織都有自己既二手店，賣既貨品咩都有，有錢或窮人都會去尋寶/捐野，因為新舊古董都有機會搵到。瑪莎要係大店先有野賣，火車站/機場冇園藝野賣。

菜妹 發表於 2018-12-18 18:22
Ming大誇張喇，菜妹只係吹下水咋。 Charity shop係救世軍咁既二手店，不過歐洲既charity shop唔止得救世 ...

以前冇種花，好少留意超市有冇花買！呢兩年種返，先留意多左花店，路邊小花！

小雷子 發表於 2018-12-18 18:38
以前冇種花，好少留意超市有冇花買！呢兩年種返，先留意多左花店，路邊小花！ ...

我都係近年每次返香港都特別留意街邊，公園有咩花草，以前經過只會見到搶眼既花同樹，小型植物以前好少會望到。

菜妹 發表於 2018-12-18 18:22
Ming大誇張喇，菜妹只係吹下水咋。 Charity shop係救世軍咁既二手店，不過歐洲既charity shop唔止得救世 ...

哦，原來似香港救世軍Salvation army店舖，我們在香港，捐野去就有，但真係好少喺嗰度買嘢，原來外國這類店舖係藏寶之地，真的長知識了。

我好少仲球根植物，因為沒有地方，總覺得需要比較大的空間或田地，才可以種植球根植物。
請問有沒有較嬌小型的球根植物介紹在室內種植？

Ming36 發表於 2018-12-19 19:29
哦，原來似香港救世軍Salvation army店舖，我們在香港，捐野去就有，但真係好少喺嗰度買嘢，原來外國這類 ...

藍鐘花，蕃紅花同葡萄風信子球根細小，半日照可開花，都比較適合香港種，注意要用疏水泥土及保持空氣流通即可。