香港園藝館

 找回密碼
 加入園藝館
查看: 976|回復: 47

[蔬菜] 茄子死咗

[複製鏈接]
發表於 2017-9-7 10:50:59 | 顯示全部樓層 |閱讀模式
7月初移3棵茄子苗到社區園圃,但唔點解上星期打完風後,星期一(4/9/2017)返黎,見到有2棵茄子葉突然謝晒。有無人知點解會咁? 剩餘1棵開始有枯萎情況,有無預防或治療方法? 謝謝

7月初剛移植時


8月生長得好大棵


9月2-4號打完風後突然變咗咁:



起咗棵茄,唔覺有爛根??




發表於 2017-9-7 11:04:14 來自手機 | 顯示全部樓層
你好,颱風吹起啲根~好似連根起咁,啲根傷曬,加泥埋反啲根,看會不會好啲,試下救。榄主努力。
等下其他大大有沒好方法。
發表於 2017-9-7 11:27:33 | 顯示全部樓層
會唔會D葉俾風吹到傷咗? 試下過多1個月睇下有冇新葉出好轉番. 而家修剪下先.
就咁睇唔似係爛根缺水

另1個可能係風雨帶咗D外來病毒/細菌? 咁就難搞
發表於 2017-9-7 12:51:16 | 顯示全部樓層
本帖最後由 happy_flower 於 2017-9-7 12:58 編輯

茄子很怕積水,對水量也很敏感,颱風後太濕泥土不夠疏水,根好易浸死浸傷,所以葉片就呈缺水狀
我的茄子在六月連續暴雨巳經死了一半,今次兩場颱風後又死了一株,今年太多雨水,茄子是很難種了。

解決方法是以後種茄子要將泥土堆高,越高越好,等茄子的根高出地平防止積水對根部傷害。
堆高後要記得綁繩,除了暴雨,夏天還有颱風
發表於 2017-9-7 15:42:50 | 顯示全部樓層
看相好似有蚜蟲(白色及黑色細細粒),如果加埋有螞蟻就更確定。蚜蟲會帶啲病毒來,好像青枯病(發病到死很快、死時還青綠、由病毒引發、茄科經常有)。大雨也可能引發。要即用藥殺病毒,所以一般很難救活
 樓主| 發表於 2017-9-7 17:57:25 來自手機 | 顯示全部樓層
我都懷疑連續3個颱風,雨水太多浸死。
發表於 2017-9-7 22:48:11 | 顯示全部樓層
今年雨水太多了, 我五月時候種了四株, 6-7月連場暴雨浸死了兩株, 8-9月打風又死了一株, 現在只剩下一株
 樓主| 發表於 2017-9-8 11:58:18 | 顯示全部樓層
今早去看,最後一棵茄子都係咁。明天上堂我問下園圃老師睇下有無得救。

點評

唔記得講,如果係病毒/菌感染,係傳染性的(其他茄科植物),病株要移除及銷毀,泥土也要消毒  發表於 2017-9-8 14:06
發表於 2017-9-8 17:36:59 | 顯示全部樓層
茄科 似青枯病 因為近期打風兩水把泥下面的病菌帶上黎 所以全部都有機會慢慢枯死
發表於 2017-9-8 18:09:12 | 顯示全部樓層
我試過有兩株落完一星期雨之後謝晒,好彩係之後一星期冇再落雨出返太陽,佢地康復番一段時間,但兩次颱風後有一株再次捱唔著泥土積水死咗
 樓主| 發表於 2017-9-8 19:23:18 來自手機 | 顯示全部樓層
泥土是社區園圃的(仲係新開的),請問點樣同泥土消毒?
這期園圃11月中到期清田, 請問起咗棵病茄子後,可以種什麼趕得切有收成?
發表於 2017-9-8 22:50:45 | 顯示全部樓層
sblam 發表於 2017-9-8 19:23
泥土是社區園圃的(仲係新開的),請問點樣同泥土消毒?
這期園圃11月中到期清田, 請問起咗棵病茄子後,可以 ...

用熟石灰可消毒,趁有太陽曝曬一星期(不是焗田),然後種葉菜,例如莧菜
發表於 2017-9-8 23:12:22 | 顯示全部樓層
happy_flower 發表於 2017-9-8 18:09
我試過有兩株落完一星期雨之後謝晒,好彩係之後一星期冇再落雨出返太陽,佢地康復番一段時間,但兩次颱風後 ...

很多時下黑雨紅雨或打風後,根部泥土會給沖掉(露根),然後又出猛太陽(曬死根),便很容易令植物受不了。另外太陽未出來或剛出來,細菌、病毒也會特別多。所以下雨後,不要急於用手去觸摸植物(特別是茄科),以免將細菌、病毒傳給植物。反而應用泥將露出的根覆蓋。
 樓主| 發表於 2017-9-9 07:14:14 來自手機 | 顯示全部樓層
mk2325 發表於 2017-9-8 23:12
很多時下黑雨紅雨或打風後,根部泥土會給沖掉(露根),然後又出猛太陽(曬死根),便很容易令植物受不了。另 ...

謝謝指教
發表於 2017-9-9 13:18:03 | 顯示全部樓層
茄子要不停追肥
發表於 2017-9-9 16:12:36 來自手機 | 顯示全部樓層
本帖最後由 雙魚座 於 2017-9-9 16:21 編輯
mk2325 發表於 2017-9-8 22:50
用熟石灰可消毒,趁有太陽曝曬一星期(不是焗田),然後種葉菜,例如莧菜


你好,請教熟石灰是否可消毒。通常用生石灰消毒,但覺得危險。請教是否一樣功用。因生石灰遇水會發熱可殺死泥下的虫和菌,請教熟石灰如何消毒呢?
 樓主| 發表於 2017-9-9 22:00:01 來自手機 | 顯示全部樓層
今天去園圃上堂,老師幫我棵茄子「剖屍」,剪開主莖,見到内裡有空洞,說棵植物被細菌感染,連續下大雨是其中一個因素,因為雨天潮濕時時,細菌和孢子周圍飛。
另外,老師說我把茄子種得太深,令牠呼吸唔到死亡。我之前追了幾次肥,每次落肥時會加些新泥上面,原來這樣都會令牠死亡。
雖然今次無茄子收,但可以係失敗中學習都算有得著。
老師仲話,係開田時落石灰粉已經可以,唔好隨便再落石灰粉,落得多唔好。真係各有各説法。
20170908_174819_HDR.jpg
發表於 2017-9-9 23:28:55 | 顯示全部樓層
失敗乃成功之母。
發表於 2017-9-10 02:58:38 | 顯示全部樓層
雙魚座 發表於 2017-9-9 16:12
你好,請教熟石灰是否可消毒。通常用生石灰消毒,但覺得危險。請教是否一樣功用。因生石灰遇水會發熱可殺 ...

應該用熟石灰消毒,不建議用生石灰。生石灰(氧化鈣,CaO)加水後產生高溫,非常危險而且生石灰本身直接殺菌力弱。
生石灰與水混和後成石灰乳(亦稱石灰水-俗稱熟石灰即氫氧化鈣Ca(OH)2),呈強鹼性,吸水力強,奪取微生物細胞水份和與蛋白質形成蛋白質化合物,就是慿其中氫氧根離子(OH-)的殺菌作用。所以使用生石灰消毒時實際上應該說是使用與水混和後的石灰乳(水溶液狀態的熟石灰),塗於要消毒的物體表面,例如消毒雞欄。但熟石灰長時間暴露於空氣中,會與二氧化碳化合成碳酸鈣,則喪失殺菌作用。

熟石灰粉就是氫氧化鈣經脫水及乾燥而成的粉,性質與石灰水一樣,呈鹼性,所以有殺菌作用。但時間久了變成碳酸鈣,殺菌作用也會喪失,所以使用熟石灰粉應即買即用。氫氧化鈣也可製成著名有機農藥波爾多液。波爾多液、硫合劑和機油乳劑是有機農業的三大農藥。

發表於 2017-9-10 03:11:24 | 顯示全部樓層
sblam 發表於 2017-9-9 22:00
今天去園圃上堂,老師幫我棵茄子「剖屍」,剪開主莖,見到内裡有空洞,說棵植物被細菌感染,連續下大雨是其 ...

熟石灰有強鹼性,會改變泥土酸鹼度,所以不應隨便使用,除非確定泥土本身沒有偏向鹼性。但以香港泥土而言,由於酸雨關係,一般是偏向酸性;而且泥土腐殖質及有機肥的分解、空氣中少量二氧化碳會溶解在水中而成碳酸,也會加強泥土酸性。祇要適量使用,不會有太大問題。用石灰徹底消滅土中細菌,是近乎不可能,所以應盡量利用陽光中的UVB 及UVC,曝曬是最好的消毒工具。另不應該再種茄科植物,這也是輪作的意義所在。

點評

謝謝詳細的解釋  發表於 2017-9-11 10:06
您需要登錄後才可以回帖 登入 | 加入園藝館

本版積分規則

聯絡園藝館|手機版|Archiver| HKplants

GMT+8, 2017-12-15 08:46

© 2014 hkplants.com

快速回覆 返回頂部 返回列表