新手問題... 攪極都攪唔掂個豬豬 [豬籠草栽培]

早幾日我阿娘係旺角買左一個豬返黎
佢話果度個人教佢要加d水入個豬籠度
同埋要將d肥滴落黎度


但呢幾日開始
個個豬籠都開始乾身
我上網睇過d人話係因為太乾
佢地話豬豬好鍾意濕淋淋既
所以我做左以下既野 :

1.  加水入豬籠至半滿
2.  每日噴好多次水(水喉水黎)係個葉面同底同埋豬籠,  間唔中見佢乾就又噴下
3.  我阿娘每星期都加幾滴肥落泥度


不過呢~  d 豬籠雖然冇再加速乾身
但係乾左果part 好似變唔返本身咁
係咪因為乾左做咩都冇用ka la?


同埋
d人話落泥係落係葉度而唔係泥度
咁即係點呢?
旺角個老闆比左支綠色液體,  話用黎加落泥度
呢支要唔要加水開稀?  又使唔使加係葉上面?

仲有最後一個問題
如果d 豬籠真係乾左變唔返之前咁
剪左佢等佢再生返出黎會唔會好dd?

唔該你地呀!

[ 本帖最後由 阿行 於 2007-9-30 20:49 編輯 ]

豬籠草呢，我地阿行版主熟呀，詳細等佢答你。
不過呢，最基本係，
唔好用水喉水．．．
落肥係滴入籠入面，但係唔洗每星期落，仲每星期幾滴！？
應該唔洗加水入籠架播．．．
落入泥土中的肥都應該係十分之不常用。

我就覺得整佢唔死先諗落肥
事關唔落肥唔會死..

一粒最細號的魔肥<--- 咩黎ka?  邊度有得買

我果隻係液體既肥黎ka
如果液體既肥係咪都要加入籠入面?


但我而家唔會加住啦~
咁我而家要點做先可以令佢生返d 健健康康既豬籠仔出黎呀

如果液體既肥係咪都要加入籠入面?-------Ys!

愚見:我覺得D液肥最好稀釋下會好D,免得會有肥傷(安全D好~)。

其實豬唔難搞,是但俾D水佢,有光,濕度唔好咁低同埋d泥唔好咁濕,就ok架喇(**當然唔係難搞果D啦!**)
肥其實唔俾都得,冇肥唔會死的~
(不過當然俾左肥係好D啦)
*要注意一點,係佢生得好的時候俾肥會更有效.
*仲有,要生籠唔單止要濕度,仲要有光!
總之大部分的豬都唔算係難搞的食蟲植物啦~(*我認為*)

猜你買的多半是花市豬,
習慣環境後會很粗生的~
最近太陽很猛, 保濕最重要啦~

請問要什麼樣保濕

呢個網我睇左la~
而家幫佢日噴水夜噴水
總算病程冇惡化~
但好擔心佢唔肯生返d 豬籠出黎.... : [

不用太擔心啦~
只要沒有惡化, 新籠子自自然然會長出來的
其實豬仔剛到新家, 未適應環境前舊籠會枯掉都好正常.
我家的豬剛帶回來都枯了不少,
但頂芽和葉子沒有出現異常狀況便覺得沒問題~
過陣子適應環境後籠子便一直長~
你保持現在的環境, 繼續給牠噴水, 給牠一點時間~
有做好這些的話通常都不會讓你失望的~

你要知道一件事就是豬籠草的籠子都生長得很慢.
別太期待牠會吧啦吧啦的長一大堆.

[ 本帖最後由 Shuen 於 2007-9-16 00:47 編輯 ]

好la...唔該曬你地呀
但有d 籠都就黎枯曬= =
得有個新生出黎既都幾肥肥綠綠
希望救得返!

原帖由 阿行 於 2007-9-15 18:29 發表

你講野呀靚仔 ?!

咁咁咁...咁,加個字囉...
總之大部分的豬都唔算係難搞死的食蟲植物啦~(*我認為*)

原帖由 Shuen 於 2007-9-16 00:43 發表
不用太擔心啦~
只要沒有惡化, 新籠子自自然然會長出來的
其實豬仔剛到新家, 未適應環境前舊籠會枯掉都好正常.
我家的豬剛帶回來都枯了不少,
但頂芽和葉子沒有出現異常狀況便覺得沒問題~
過陣子適應環境後 ...

都唔係架,佢可以生得好快下架~
不過就一定要適應啦~

原帖由 mcyricky 於 2007-9-16 01:13 發表
好la...唔該曬你地呀
但有d 籠都就黎枯曬= =
得有個新生出黎既都幾肥肥綠綠
希望救得返!

N.ventrata唔會話死就死架,
唔洗咁咩喎~

[ 本帖最後由 dryfish 於 2007-9-16 17:17 編輯 ]