莖和葉經常枯乾，請問要怎樣才種得好？

我用泥炭土種植，放於遮光及通風位置。每天有澆水，起初長得不錯。後來長大了，較低的莖開始變乾，變曲，葉變黃。
結果我剪過重新再種。幾個月之後，又出現同樣情況。
我嘗試在傍晚時份向植株噴霧水補濕，但是沒有幫助。不知道要怎樣才種得好。

日照不足 還有可能有點爛根
改善這兩個問題即可

相中位置唔夠光？但是佢地唔可以直接曬，要找新地方放置。
一向無落肥，泥越種越實。

我朋友用水養在室內，生得ok,但唔會好壯

yunge0 發表於 2017-8-26 18:33
相中位置唔夠光？但是佢地唔可以直接曬，要找新地方放置。
一向無落肥，泥越種實。 ...

第一次聽吊竹草唔可以直接曬

jerrymay 發表於 2017-8-26 20:21
第一次聽吊竹草唔可以直接曬

以前試過放在日照直曬一天，葉曬傷。
今年陽光猛烈，有窗邊的厚葉植物被曬焦。所以現時只能考慮移往另一個有遮陰但較光的位置。

yunge0 發表於 2017-8-26 20:42
以前試過放在日照直曬一天，葉晒傷。

我見水竹草在公園是種在有樹陰的地方的，
生長很好還有花開，要避免暴曬

日照不足會令佢變得又瘦又長，但應該唔會“較低的莖開始變乾，變曲，葉變黃”，可能係啲泥太濕或唔透氣，可以掘開少少泥睇下啲根嘅狀況嗎？另外，點解唔畀肥呢？

Bing 發表於 2017-8-26 22:17
日照不足會令佢變得又瘦又長，但應該唔會“較低的莖開始變乾，變曲，葉變黃”，可能係啲泥太濕或唔透氣，可 ...

多謝各位的意見，我剛才檢查泥土，泥土濕潤，根無爛，但很淺，有可能是泥土不透氣有關。明天要嘗試混一點沙入泥及轉移種植位置。
期待它能夠回復片片銀葉。

其實我有另一株同類但葉底不同色的，放在另一位置種植, 一直沒有下肥也長得不錯。
但是那位置經常有鳥光顧，要長期圍網，生長形態受限制。

我無法理解吊竹草和黃金葛葉對鳥兒為何吸引，葉片美味？還是飢不擇食？

吊竹草曬得，不過要避開夏天烈日，仲有佢鍾意潮濕環境，
計落放係廁所窗邊係最佳位置
佢對土壤要求唔高，係日本X 買包培養土都得；
有D 植物本身就係淺根系。
可能你個頭無咩野食，佢見野就啄食，唔怪得佢，
當買佢怕，放係第二度避一避

紫菜豆腐湯 發表於 2017-8-27 00:44
吊竹草曬得，不過要避開夏天烈日，仲有佢鍾意潮濕環境，
計落放係廁所窗邊係最佳位置
佢對土 ...

我廁所無窗，其中種在有陽光的位置，長期用網網住。

試過種紫蘇葉，沒有蓋網，半天內被鳥吃了大半。紫蘇葉香，可食用可以理解。但吊竹草和黃金葛葉好似是非食用植物，據說黃金葛汁液有毒，鳥吃完唔中毒好勁。

綜合各位意見後，我減少澆水，在濕泥裡混一點沙改善泥土透氣度及轉移種植位置到有遮蔭的光亮處後，問題解決了，莖回復健康，不再出現枯葉，並且有新葉長出。