2017年的套筒，長筒

auch 發表於 2017-7-30 20:41
我落毒，好年冬對根粉幾有效

又試過實驗性質的灌苦棟油落泥，可以趕晒一堆根粉介出來喺底碟度，到時一網 ...

因為屋企有小朋友和隻狗， 如非必要唔想用殺蟲藥。聽講好年冬都幾毒。所以今日發叔話我若唔驚，都可以免費俾些殺蟲藥水和粉俾我，但講明係有毒。所以我都唔敢要。擔心自己未用過，唔識用，影響埋屋企人和寵物

小雷子 發表於 2017-7-30 21:59
樓主！真係好明白你心情！你有咁多植物，耍逐一逐一清毒，換泥，仲要不停洗嘢，一定辛苦到死！分開慢慢做！ ...

多謝你支持加油。不過辛苦係其次，最傷心難過的是消毒去根換泥後，棵植物之後經唔起折騰死咗

你的蟲害是否我給你的一堆植物所誘發的, 如是, 真的不好意思. 不過我未見過我的植物有這些蟲,又可能我有我都不知道, 因我見的植物不妥時, 我會掉了就算.
又或好似其他師兄姐的說法一樣, 剪了些枝條沈水再種, 其他部份全部棄掉就算啦.
正如其他花友的看法一樣, 當學了一課. 而且我個人而言, 你家中真的太多植物, 可能是時候減少一些, 要拾得 人才也會開心些, 又或下次種得越來越多時分享給別人, 等別人幫你分担清理的工作

Vinia 發表於 2017-7-7 18:47
angela819之前分享的Achimenes Grandiflora 'Robert Dressler'終於開花。第一次由鱗莖種到開花好有成功感 ...

估唔到, 咁快就可以開花,早知, 種到而家睇下的花先送出去啦,   這堆蟲是B大的分享

B17 發表於 2017-7-7 22:58
係我嗰堆？係就太成功啦，兩個月就開花

B大, 是的, 這堆蟲蟲是來自你的

angela819 發表於 2017-7-31 09:49
你的蟲害是否我給你的一堆植物所誘發的, 如是, 真的不好意思. 不過我未見過我的植物有這些蟲,又可能我有我 ...

應該唔關你分享的大岩桐和買的花貓事，我估係花泥或在繽繽買的盆栽，因我之前在繽繽買不少盆栽，有時買返來太夜無即時換泥隔日才換，而且我無危機感，之前換盆時見到有棉花蟲，只是簡單用清水沖洗，無去根和用漂白水加洗潔精消毒，結果中伏都不自知。現才浮現出來
因之前未試過咁情形，昨日去請教發叔。佢就叫我只種紫羅蘭，唔好種太雜。我估佢意思有球根和有鱗莖的植物較容易惹蟲害。但真的唔捨得如佢所言丟掉，一來種咗都有感情，二來有些我買得都唔平，尤其在上生都買唔少，每棵都過百元。所以才post上來睇下有否花友都曾中招有何解決問題？是發叔講嚴重咗，抑或有球根和有鱗莖的植物真的較容易惹蟲害？
（玫瑰我就肯定咗，所以都狠心丟棄了）。

Vinia 發表於 2017-7-31 10:57
應該唔關你分享的大岩桐和買的花貓事，我估係花泥或在繽繽買的盆栽，因我之前在繽繽買不少盆栽，有時買返 ...

球根同鱗莖唔會特別惹蟲，發叔賣AV的，所以佢會咁講，要換哂所有盆，明白你真係好攰，不如選些特別喜愛，又容易處理的留下...不要沮喪，加油

紅豆包 發表於 2017-7-31 15:32
球根同鱗莖唔會特別惹蟲，發叔賣AV的，所以佢會咁講，要換哂所有盆，明白你真係好攰，不如選些特別喜愛， ...

你咁講就放心些，咁我都可照樣種。不過現盆栽的生死大權都不在我鐘意與否或選擇之內，因有些好鐘意的品種巳經不起消毒換泥掛掉。故種得的都有感情，所以若消毒完仍可存活，我都照舊會繼續種。
不過都多謝你的支持鼓勵！

Vinia 發表於 2017-7-31 16:32
你咁講就放心些，咁我都可照樣種。不過現盆栽的生死大權都不在我鐘意與否或選擇之內，因有些好鐘意的品種 ...

不如送畀可以落毒嘅花友 將來收番d葉呀，蟲呀，再來過

其實不用這樣緊張
我未曾有過植物因根粉介而死
反而就有因藥害而死

B17 發表於 2017-7-31 16:47
不如送畀可以落毒嘅花友 將來收番d葉呀，蟲呀，再來過

費事一唔小心連累咗花友的其他盆栽就心難安樂啦。唯有IQ精神自我安慰，當處理種植危機的一種訓練。 針唔拮到肉唔知痛，而家拮到肉，以後處理新返的植物就會勤力啲徹底消毒。唔會咁大安旨意。

種花定有蟲，蟲係比較煩人，不過又唔使驚既。

我種AV前兩年，都反覆遇到棉花蟲既問題。外來植物多，則難免會遇到，而且很難斷根。

我同樓主一樣，也是堅決唔想用任何藥，所以處理之方法係非常原始既：泡泡浴（清潔劑加酒精），再換新泥，乾淨盆上盆。

即便換哂盆泥也唔保證高枕無優既，多數時會局部再復發。 方法就是再換泥換盆。

總之我換過兩三次之後就無哂。當然期間我也無接收任何外來植物，就算有，也是隔離來養。

仲有個辦法可以避免大面積傳染就係用獨立底碟，防止淋水多時水流到邊，蟲就去到邊。

處理蟲害係比較費時費神，希望樓主既植物可以早日康復啦。

當年好似甘洗白白，已經唔記得有幾多次啦。
每次都會覺得好累好累，因為好多盒，一盒洗一洗都要半個鐘以上，仲唔計上盆~~

樓主如要用藥的話 可選苦棟油 成分天然 對人和寵物相對安全
還有 將來可嘗試把泥調得疏鬆點 促進根系生長 減少積水爛根的機會
根系生長得好 根粉介寄生的機會自然少

hiatus 發表於 2017-7-31 17:00
種花定有蟲，蟲係比較煩人，不過又唔使驚既。

我種AV前兩年，都反覆遇到棉花蟲既問題。外來植物多，則難 ...

有你以過來人的唔用藥都可成功清除棉花蟲分享，咁我都有返些信心。

Vinia 發表於 2017-7-31 17:06
有你以過來人的唔用藥都可成功清除棉花蟲分享，咁我都有返些信心。

但依架夏天，如果你是常溫種植，會有d擔心。我係冷氣種植，所以會容易 d。

hiatus 發表於 2017-7-31 17:04
當年好似甘洗白白，已經唔記得有幾多次啦。
每次都會覺得好累好累，因為好多盒，一盒洗一洗都要半個鐘以上 ...

你好勁，一次過將咁多盆紫羅蘭清洗消毒，我分批，每日換唔夠10盆巳覺好累好辛苦，巳搞我幾個鐘。所以之前巳換泥的都唔知有無交叉感染，暫巳唔想再重新換，諗住用發叔教的方法用洗潔精水噴。
而未換泥的若係廳和花槽的會得閒繼續消毒換，房間的則尚在觀察有無受感染。

jerrymay 發表於 2017-7-31 16:49
其實不用這樣緊張
我未曾有過植物因根粉介而死
反而就有因藥害而死

不過唔知是否我錯覺，我今次怎解會發現棉花蟲，就係因為見到之前生長唔錯的，後來唔知怎解變得無精打彩，葉軟軟，故拔出來檢查根才發現。而且發現成株若感染都好些，睇么嘢植物品種，有些影響不大，但若是幼苗不單止易軟葉，都容易枯萎死。
不過一消毒完，真的十勞九傷，三分之一會死，尤其係香草等非球根或有鱗莖植物（所以你都講得啱因藥害而死）。我都懷疑唔知是否自己落太多漂白水份量有關。

jerrymay 發表於 2017-7-31 17:06
樓主如要用藥的話 可選苦棟油 成分天然 對人和寵物相對安全
還有 將來可嘗試把泥調得疏鬆點 促進根系生長  ...

但上網睇又話苦楝油無效，反而話矽藻泥有效。所以都唔知邊樣真正有效？不過矽藻泥好似好方便，我都有興趣買來試，不過近排忙，都唔得閒出花墟買
我巳買咗發叔泥，諗住換發叔泥會否好些

發叔話人都易吸入棉花蟲，所以唔單止影響植株，亦影響人。但上網又唔睇到有影響人的事例。唔知有無人聽講過呢。因為屋企有3個仔女，故擔心真的會影響佢哋。尤其大仔本身巳有 鼻敏感