本帖最後由 karisv3v 於 2017-6-28 14:43 編輯
2016年12月頭同事送左棵家樂花比我,一直都好好,
keep住開花開左半年無停,我仲分左d側芽來扞插,小苗都2-3棵。
但係由上個月開始,母株大老葉變黃變黑,肉眼睇無蟲害,所以我剪左爛葉就算。
之後葉情況無再惡化。
直至琴日,花莖發現好多白色軌跡。好驚嚇,馬上剪走嚴重受感染的地方。
基於怕煩及驚嚇,有諗過唔救佢,掉左佢
但諗諗下都係唔好了,以及本住自古成功在嘗試既精神,決定試救。
之後睇返舊POST,有花友試過浸漂白水10分鐘,剪根,清除棉花蟲。
有樣學樣:
受感染地方,有棉花蟲痴住條莖,一粒粒,及白色一堆: (更可怕的無影到掉左)
泥也疑似感染
浸呀浸呀浸,浸左10分鐘:
換泥了,希望好得返。
有無花友都分享下清除棉花蟲既經驗?
之前有人介紹過,淘寶「護花X」都work,有無人都試過? |