茄子種植求教

我幾次都是直接從茄子中將種子取下來種, 但是都沒一次成功發芽. 請問有誰能教我嗎?

可能你買的在運送途中經過雪藏
建議直接去旺角花墟的花店買

應該茄子太嫩種子未成熟,太熟既茄子無論外觀口感都會變差,而且茄子毒素會變高,所以街市買既茄子都應該發唔到苗的。

茄子種子同蕃茄一樣唔新鮮的話好難發芽,而且茄子發芽時間本來就要比較耐(之前等成個月)

如果有苗賣的話建議先直接買苗,可以慳返育苗時間,今次先拎種植經驗而且仲可以自己留老茄做種

很同意你的說法。

花墟有一盆盆已經有茄子賣, 阿姐教返去摘左d茄子食, 再剪晒d葉會再開花結果維持到一年

我有白茄子種子, 自付郵寄比你, PM我

已經6月中,依家先育苗苗會太得好慢,移苗後僵苗時間亦比較長,以前我亦係差唔多天氣最熱先開始種,結果等左半年....天氣轉凍先開始有收成,種子育苗的話建議9月後再試比較好。

留種的多數要等到好熟先摘，所以街市唔會買到。
茄子大得好慢，我由三月培苗到見到花都用咗四個月，如果你由六月培最快去到九月十月先有花，但如果你由九月培巳經去到12月出花，茄子是怕冷的，入冬後不太適合生長，多數人都係春夏種， 到九月收成，然後就會改種適合秋冬的農作物。
你不如試問下有冇農友有苗送出來

我鄰田去年種既茄子, 過到冬未死, 今年繼續生存
茄子係可以多年生

我都覺得茄子好難種。又難發芽，發到芽到種唔大，種極都得三四吋高，結果死埋。

bbbabies 發表於 2017-6-19 19:27
我都覺得茄子好難種。又難發芽，發到芽到種唔大，種極都得三四吋高，結果死埋。 ...

茄子係好食肥，怕落雨積水，需要種地先會大，種盆係唔多大

dincat 發表於 2017-6-19 18:18
我鄰田去年種既茄子, 過到冬未死, 今年繼續生存
茄子係可以多年生

茄子係可以多年生，但要睇入冬後仲有冇收成，如果無茄子留在塊田又係阻咗個位，咁通常啲人係會殺咗佢種第二啲野，出年春天再種過。如果係有地方咁挭係留嚮度由佢繼續生

我有茄子苖 (種子是Yales牌 black lady品種), 需要於屯門區交收，如有興趣可pm我


我先把茄子種子浸一晚，然後利用濕紙巾催芽，增加發芽機會。

8x蚊盤係花墟買, 收成左3條茄子, 剪晒葉依家又結果

fat1980 發表於 2017-6-20 14:16
8x蚊盤係花墟買, 收成左3條茄子, 剪晒葉依家又結果

茄子要多修葉幫助通風同促進開花結果但並唔係要剪光曬d葉,長期咁做你肥料一定要落好足棵茄子先至唔會變虛。

通常既做法係將果位置以下既葉摘曬，底層老葉多數見唔多陽光,而且如果葉刮到果會變花,摘走底層老葉可以集中養份到果度,事實上當葉太密太集中時修走部份葉可以令授粉成功變高好多。

morning 發表於 2017-6-21 20:18
茄子要多修葉幫助通風同促進開花結果但並唔係要剪光曬d葉,長期咁做你肥料一定要落好足棵茄子先至唔會變虛 ...

學到野

今日培養盤茄子種子都出苗了

今天去元朗再買了兩包不同嘅茄子種子再種，我未試過種茄子成功過～

紫菜豆腐湯 發表於 2017-6-17 19:48
可能你買的在運送途中經過雪藏
建議直接去旺角花墟的花店買 ...

失敗是我的媽媽, 再接再厲, 繼續嘗試

順便説, 3日前我隨便沖洗了一下牛番茄的種囊, 就這樣直接將種子帶囊一起埋進土裏, 今早就已經有看到芽了, 黃昏時就已經舉起了葉片, 好快!!

11:36 撮影


同日 17:59 撮影