種到好灰心 （我的插葉開花啦）

種左AV 一年，種到好灰心。
由葉子種大的一年來一直就只有葉，到了2-3個月前終於見到花芽，非常有成就感，可惜就3個月了，花芽再沒長大過，似乎枯了。今朝又比我見到泥上有白色粉末，都唔知仲要唔要得。

我也有向買小苗入手，買回來就有花芽，小花也開了足足一個月，非常開心，可是新的花芽又面對未開花就枯萎的殘酷現實。

AV通常係熱死

唔好灰心住, 種植必要知所種植物的特性, 否則好易唔掂的, 揀d 岩你環境的才會容易成功的, 好似室內種果樹, 無冷氣或室外種AV等都易失敗的

AV要冷氣的，無的話可以種下喜蔭同迷岩，無咁怕熱。

等我補充下，我係在公司種的，全天候冷氣，一星期有比佢地曬2-3天太陽（非真射），10天加花寶2號，但今天發現花芽開了2朵之後其他全部枯曬，另一插葉的側沒長過，仲要出現白粉

第1圖: 泥土面那些灰灰綠綠好肉發緊霉......
第2圖: 我好似睇到D葉柄彎曲, 花芽枯萎有好多因素, 不通風, 太冷, 太乾, 太濕, 太熱都會有影響

AV 有冷氣都有問題, 可能係泥有事呢? 有無加珠石? 有無落基肥? 買返黎有無換泥呢?

不要灰心，我都殺了很多棵才成功。最後我發現 D 泥要䟽水，才會成功。宜且這裏有好多professional, 可以幫到你。

如果種左成年, 咁棵花應該好適應生長環境, 可能要留意下其他因素
平時係咪太常淋水呀? 10日施一次肥都算密, 有無再開稀D先淋花呢?

多謝大家的鼓勵，其實買回來的我也知道要重新適應環境，消芽我也可以理解同接受，但我由葉插那一珠，自小就在同一環境長大，且還出花芽，我真的以為它會開花，可惜又開唔成，現在更面臨去頭重種。不過我的確無比基肥及珠石，唔知係唔係主因。

我的近日都種得唔好，今朝仲死咗好多插葉.... 花唔開可能根部有問題，我幫親戚處理佢的就死紫羅蘭，有好多中途死咗嘅花芽，佢的全部都係爛根

我係公司server房種, 24小時冷氣, 有珠石, 但仍時有爛根的, 所以要經常check住AV的狀態, 有一唔妥就要檢查係咪爛根的, 所以樓主應盡量加返珠石或珍珠岩之類的疏水植料先

建議唔好買日X城賣既個2品牌泥，好多時買回去都會送『白粉』同『小黑』

咩叫2品牌， 我買佢花bo 泥都有霉， 我以為空氣唔流通

ic3b34r 發表於 2017-6-15 21:36
建議唔好買日X城賣既個2品牌泥，好多時買回去都會送『白粉』同『小黑』

我包泥的確係係日本城買架 應該買邊隻好

ic3b34r 發表於 2017-6-15 21:36
建議唔好買日X城賣既個2品牌泥，好多時買回去都會送『白粉』同『小黑』

講緊邊個牌子？早兩個月買咗包，用黎溝珍珠岩種迷岩，ok，冇事


舊年係花墟花X店買過包花寶泥，冇蟲冇菌，不過泥質較黐，似乎唔夠透氣，種壞花
唔知衣家有冇改善番？

B17 發表於 2017-6-23 23:24
講緊邊個牌子？早兩個月買咗包，用黎溝珍珠岩種迷岩，ok，冇事

用花寶三合一泥, 再加多d 珠石, 應係質量最好的AV泥了

B17 發表於 2017-6-23 23:24
講緊邊個牌子？早兩個月買咗包，用黎溝珍珠岩種迷岩，ok，冇事

翠X，開始時無時，過一排之後.... 我而家既桑樹好多根粉介殼蟲...

E隻用緊, 好彩無事

ic3b34r 發表於 2017-6-24 09:40
翠X，開始時無時，過一排之後.... 我而家既桑樹好多根粉介殼蟲...

未必係同泥土有關的