新手第一次魚菜共生

宜家把燈放底好多, 相距 7-8cm 左右. d 苗開始有向橫開既跡象.

13/6 落種, 呢個係 23/6 既苗.

近鏡頭果棵真係百厭, 朝早掉轉向鏡頭, 夜晚返到去就追光望番裡面. 宜家生緊第三塊葉啦!

第十四日



第三, 第四塊葉終於見人啦!

有野睇啦：)  ..期待收成

之前養 d 魚全軍覆沒, 陶粒當一上水就會浮起, 放定植籃冇幾耐就會比 d 陶粒逼番上黎.

唔服輸既心態, 即刻上網惡補一下.  再去陶一陶 d 新介質返黎.



呢次搵呢隻, 有十種唔同物質, 對硝化細菌既生長有幫助.  放好之後養左水三日, 見到個缸 d 水變到青綠色, 即養魚界所講既老水 (我估係啦).



終於到今日放假, 有時間出去買番 d 魚返黎. 今次搵一種易養既淡水魚叫 米奇, 因為條尾既黑斑真係幾次米奇老鼠.

d 魚入缸後好生猛, 此外, 雖然換左介質, 但都未能解決定植籃固定情況.  比我今日行家品店, 見到有呢種本身要黎放係廚房掛廚具既架.



返黎 DIY 後, 就剛剛好可以固定到定植籃. 希望我 d 菜快 d 有得食就好啦..

種植杯加石頭 增加重力

想粗生試下玩一般金魚或孔雀

你照燈過多，但又冇魚食澡，好容易反缸

至於固定，可以好似賣水草個D咁，佢地用塊唔知咩金屬片去夾住水草等佢唔好浮

或者你可以加多D生物環去夾住你個黑環去固定佢

我都諗過用石頭, 但始終空間有限, 而上面果位朋友話人地用唔知咩金屬, 果塊係鉛片, 但因我我個盤之前用既陶粒係浮, 加上有虹吸, 當水位上升, d 苗根咁幼, 好易就拉甩, 所以我諗左好多方法先至 DIY 呢個架出黎做固定

過左呢兩日假期, 魚就一定冇事, 仲好生猛, 食得痾得, 而上面 d 菜就長高左, 我知生菜一早已經徒長, 但都見到有 d 已經有第 5 塊葉生出黎. 宜家開始掌握到少少技術, 希望下一批會好 d. 另外已經有一批青通菜已經發緊芽, 相信好快就可以移苗.

我見人植杯出面加多個大杯裝石頭加重量，又見過人用貴植料火山石

mainland 發表於 2017-7-2 22:46
我見人植杯出面加多個大杯裝石頭加重量，又見過人用貴植料火山石

可惜我個盤冇咁多空間, 如果加多個大植杯, 種得幾棵就冇意義架啦!

咁樣會唔會好貪心呢!?

樓主可否更新

mainland 發表於 2017-7-22 09:19
樓主可否更新

最新動向就係, d 生菜爛根冇晒, 而 d 通菜仲健在, 不過冇乜進展... 唉... 失敗...

但我冇放棄, 睇下黎緊育苗既第二批生菜苗同埋莧菜苗會唔會有轉機

水耕正常根要係白色 多d留意
諗下點解爛根 改進左先再落苗

大蔥頭 發表於 2017-7-22 23:04
最新動向就係, d 生菜爛根冇晒, 而 d 通菜仲健在, 不過冇乜進展... 唉... 失敗...

但我冇放棄, 睇下黎 ...

失败乃成功之母

加油啊！