[急求救]買回五天的玫瑰葉黃脱落，請大家幫幫忙忙

可唔可以教下我，棵玫瑰變黃可以如何救，嗚，我是玫瑰新手，玫瑰是人的，不可以死掉啦
情況係下部葉黃開始鬆脱，花托/花下的莖位有點帶啡，花開速度慢
因為夏天好熱，我盆玫瑰每早上喺窗旁無冷氣位置曬下太陽，一兩個鐘會返室內25度冷氣，有加一次水無換黎，買左四五日咋
玫瑰本身來自大陸，在花墟購得，幾日天枝葉仲正常，情況急轉直下，所以我剛剛試左落水同肥試下，請大家指點

觀察：1）植料、2）下部葉黃脫落而上面葉仲算翠綠、3）花開始枯萎、4）其他枝條冇枯萎（由根而上仍然翠綠）

應該係吸唔夠/吸唔到水嘅問題，所以下部葉黃脫落、花枯萎，但上面葉翠綠：“壯士斷臂、保命”。

如果係一般 “泥土” ，以玫瑰而言，就必須等泥土比較乾（至少泥土表面乾到化白）“先至好” 再淋水（而一淋就要淋到濕透）。

不過你嘅玫瑰植料又係…… 水苔/椰絲類， E 類植料 “吸水強、放水弱（如果唔施壓）” ，所以水分比較難控制，要特別小心。E 種植料需要經常保持 “稍為” 微濕。好似 “海棉” 咁，要 “用力壓” 先出到水：植物嘅根 “唔會識” 用力壓，所以 E 種植料需要 “經常” 保持 “微濕”（但又唔可以濕漉漉）。

建議：除咗多觀察之外，可試下插支 “竹筷子” 去植料入面，睇下夠唔夠水份而又不至於濕到滴水。如果 “水氣” 足夠，咁試下 “聞下” 有冇股酸臭味，如果有酸臭味就唔係唔夠水，而係根部腐爛。根部腐爛就比較難救。

另外玫瑰雖然喜陽光，但怕高熱/溫，所以高溫時要適當遮陰、更要通風。至於施肥問題：如果見到玫瑰（其實所有植物都一樣）有枯萎蹟象，切勿試途以施肥去拯救。如果有枯萎蹟象，再施肥只會 C 得仲快。

fm_plant 發表於 2017-6-8 10:59
觀察：1）植料、2）下部葉黃脫落而上面葉仲算翠綠、3）花開始枯萎、4）其他枝條冇枯萎（由根而上仍然翠綠） ...

謝謝您，另外，因為產地同香港氣候太唔同，香港夏天好熱，如果把植物放在窗旁，如何適應好呢

已在晚上摘去黃葉和幾個花苞，把玫瑰移到窗台去，而且淋透了水希望肥能沖走吧，之前的是水肥，想問問花托下的莖呈了啡，是因為太熱或適應期嗎？那小段莖變啡了後，花苞都應該會凋謝

Angel121 發表於 2017-6-9 07:46
已在晚上摘去黃葉和幾個花苞，把玫瑰移到窗台去，而且淋透了水希望肥能沖走吧，之前的是水肥，想問問花托下 ...

變黃、變啡嘅嗰段 枝/葉/花，都肯定會枯萎/脫落，可以剪掉。不過玫瑰 “唔可以” 剪到剩下太短嘅枝條：太短嘅枝條好大機會都會被淘汰枯萎。另外雖然玫瑰怕熱，但唔會因為熱就令花枯萎，最多令到嫩枝/葉/花生得好弱。花枯萎係一種 “保命” 訊號，表示佢缺乏 “生存” 必須嘅條件，例如缺水/爛根。

Angel121 發表於 2017-6-9 07:46
已在晚上摘去黃葉和幾個花苞，把玫瑰移到窗台去，而且淋透了水希望肥能沖走吧，之前的是水肥，想問問花托下 ...

只要整體嘅 “枝條” 仍然翠綠，咁應該問題唔大（所以種玫瑰要多留意枝條狀況）。

備註：
我提及 水苔/椰絲類 植料需要 “經常” 保持 “微濕”（微潤），係喺生長期（只要有新枝/葉/花生長，都係生長期）。如果係休眠期就要隔耐少少先至再淋水。所以 E 類植料要多細心觀察。如果係一般泥土就好簡單，只要睇到泥土 “表面” 乾到全化白就可以再淋透水。

fm_plant 發表於 2017-6-9 10:58
只要整體嘅 “枝條” 仍然翠綠，咁應該問題唔大（所以種玫瑰要多留意枝條狀況）。

備註：

謝謝您喔，我已不停留意枝條，修去黃葉後，整體仍然翠綠

另外觀察下係咪有蟲, 我之前盆玫瑰都有類似問題, 後尾發現係紅蜘蛛, 落葯之後啲葉都掉得7788, 而家又生返曬.

一來你由舖頭買返去自己地方己經轉換咗環境，
植物需要適應新環境，而你又每日由焗熱天氣朝早至中午搬回冷氣地方，第二日又搬返出去，中午又搬回去。
你叫植物點適應呢？植物用根抓地就係因為當地適合佢生長。冷暖乾濕都係漸進，唔會變化得咁利害嘅。而你就不停同佢轉環境。
所以最好搵個通爽地方放置，盡量唔好移位，直係唔啱佢生長先考慮換過個地方。
仲有病成咁唔好落肥，死硬。

玫瑰是室外植物，找個地方安置吧