蘑菇的仙人掌

都係唔駛送俾我啦，屋企冇位，多謝。

熊童子
繁殖

兜兜花苞大了希望可以照常生長然後開花

蘑菇大師，你知不知道點解熊童子繁殖完後的熊童子媽咪啲葉開始巢皮、變黃？

MasterTT 發表於 2019-8-6 21:52
兜兜花苞大了希望可以照常生長然後開花

等睇Master大師的兜兜開花照

我自己無種景天科呀， 會唔會母株繁殖完會消耗大量元氣呢？ 你試下貼個帖， 問下師兄師姐， 佢哋應該可以幫到你的。

小蘑菇 發表於 2019-8-8 00:25
等睇Master大師的兜兜開花照  

我自己無種景天科呀， 會唔會母株繁殖完會消耗大量元氣呢？ ...

蘑菇大師，我唔係大師
我都唔知，我繼續觀察啦

磨菇大師，呢啲係我以前開花嘅仙人掌，靚唔靚？第一張相嘅仙人球以前開過花，但冇影到相，唔好意思！！

我師父嘅小屁屁（生石花）開花相，好珍貴㗎！佢成日都冇時間影相，呢個係唯一相片，靚嗎？

MasterTT 發表於 2019-8-8 21:07
磨菇大師，呢啲係我以前開花嘅仙人掌，靚唔靚？第一張相嘅仙人球以前開過花，但冇影到相，唔 ...

仙人掌的花真係好靚呢， 真令我羨慕， 我來來去去都係得一棵開花咋。

Master 大師有無嘗試幫佢哋授粉呀?

有呀，但失敗
磨菇大師，你開花果棵係咪叫牡丹玉？睇之前對話好似係。Gymnocalycium（祼萼屬)係著名嘅開花神器，不需要太多陽光，而你那棵就係gymnocalycium了。我唸你可以種多啲呢個屬系嘅仙人球！上圖紅色大花就係我嘅Gymnocalycium，緋花玉。

MasterTT 發表於 2019-8-9 08:24
有呀，但失敗
磨菇大師，你開花果棵係咪叫牡丹玉？睇之前對話好似係。Gymnocalycium（祼萼屬) ...

咁易開花， 可以有好多機會再接再厲

係呀，我開花個棵就係牡丹玉， 真係好易開花。其實我都有唸過種緋花玉的， 不過依家暫時無乜位， 等有位可能都會種呢

我棵紅太陽服唔到盆呀～次次都跌出來，睇來我要用硬啲嘅泥種
下星期如冇意外嘅話，我會去花墟睇下有無特別品種嘅仙人掌，順便買泥，但係最最最驚就係啲人示威>|_|<！！其實我好想種多啲G.屬嘅仙人掌，尤其係你果棵嘅錦品種
我嘅G.仙人球。雖然話係開花機器，但⋯⋯我好似唔係好開到花，除春天果次外，其除花苞生到5mm-20mm就會枯！大師你知不知道點解？？

MasterTT 發表於 2019-8-9 18:40
我棵紅太陽服唔到盆呀～次次都跌出來，睇來我要用硬啲嘅泥種
下星期如冇意外嘅話，我會去花 ...

我都有紅太陽，白太陽， 但都仲係苖， 但唔知點解瘦瘦高高的

我棵牡丹玉係平價嘢來的， 唔係錦呀， 買嗰時結左果， 依家有好多小苖， 不過仲好細粒， 如果唔係， 可以分享比你呢

消苞係咪唔夠肥？ 開花消耗好多營養的， 你下次試下開花季節前， 做定準備， 養肥佢

種得好靚好可愛啊！

MasterTT 發表於 2019-8-9 18:40
我棵紅太陽服唔到盆呀～次次都跌出來，睇來我要用硬啲嘅泥種
下星期如冇意外嘅話，我會去花 ...

唔服盆可以試下修根，把幼小根鬚全剪掉

泥太硬不好，用牙簽或小竹枝固定

佈下牙簽陣，走唔甩

明白⋯⋯多謝大師回答！

日本城入貸

corina 發表於 2019-8-10 10:41
佈下牙簽陣，走唔甩

我都有用牙簽

紅太陽坐緊監，走唔甩