蘑菇的仙人掌

我啲仙人掌苗仔生得勁慢，兩個月左右先見到一D新刺

請問各位大師點先可以令仙人掌苗生長得快啲？？

MasterTT 發表於 2019-8-2 19:51
我

淋水後， 我會揾桔左洞的保鮮紙蓋住個盆， 以增加濕度。你都可以嘗試下呢

當然， 我覺得品種都有關係呢， 我的牡丹玉小苖種都左好耐， 都仍然好細粒

明白，唔該曬。d種子係喺花墟買，二十幾蚊價錢，我唔知D種子係咩品種

MasterTT 發表於 2019-8-3 08:45
明白，唔該曬。d種子係喺花墟買，二十幾蚊價錢，我唔知D種子係咩品種

我第一次發的種子， 都係花墟買的雜品種， 依家只淨 3 棵， 不過大左好多了

其中一棵係呢隻， 晒太陽多 d, d 刺就越紅

嘩！咁靚嘅！

呢棵都係幾年前用種子種嘅仙人柱

MasterTT 發表於 2019-8-3 13:31
呢棵都係幾年前用種子種嘅仙人柱

你呢棵我都有一棵， 不過放左係公司， 都係一樣用種子種嫁， 我係屋企好似唔多適合種柱形的呢， 大部分照燈都唔夠， 越種越肉酸

我定時用植物燈照住，所以應該唔會徒長得太厲害。我個棵都係輕微徙長，同不照燈比，分別好大。

MasterTT 發表於 2019-8-3 14:49
我定時用植物燈照住，所以應該唔會徒長得太厲害。我個棵都係輕微徙長，同不照燈比，分別好大。 ...

我都有用燈照， 不過都徒長啊， 所以現在都盡量唔入手柱形的仙人掌

想請問大師琉璃兜中間個粒嘢係咪花蕾？

MasterTT 發表於 2019-8-3 16:31
想請問大師琉璃兜中間個粒嘢係咪花蕾？

我唔係大師啦， 都係大家分享經驗咋， 叫我 “蘑菇” 就可以喇

我呢兩年先種兜兜咋， 仲要係由種子開始種， 仲未開花啊～ 你嗰棵都似花苞， 等你話我知， 樓下張相係我今年發的種子， 唔知要幾耐先可以種到好似你棵咁大呢

你啲兜苗好得意呀

MasterTT 發表於 2019-8-3 19:53
你啲兜苗好得意呀

係呀， 我中意由種子開始種， 睇住佢哋成長， 好得意的

你睇下我呢棵大毫丸仙人掌，佢依加有四個花蕾，呢四個花雷已經生咗兩個左右喇
請問蘑菇㸃解D花蕾長咗咁耐都唔生花梗？

小蘑菇 發表於 2019-8-3 19:57
係呀， 我中意由種子開始種， 睇住佢哋成長， 好得意的

你嘢種植經驗同技術真係高超

MasterTT 發表於 2019-8-3 20:00
你睇下我呢棵大毫丸仙人掌，佢依加有四個花蕾，呢四個花雷已經生咗兩個左右喇
請問蘑菇㸃解D ...

上網查過， 仙人掌開花有幾個要點， 水， 温度， 肥料， 泥土和光照。 之前聽過師姐講過， 有些仙人掌照燈未必開到花。 我家中正在開花的牡丹玉本身都同你棵一樣， 有6 粒花苞， 現在只開一粒， 其他幾粒一直無長大過， 我估係因為開花前沒有谷“肥”， 所以唔夠養料開花。 我見你棵大豪丸咁多花苞， 會唔會太多， 所以唔夠養分呢？ （呢個只係我推測咋）