本帖最後由 fm_plant 於 2017-5-20 23:53 編輯
Bing 發表於 2017-5-20 21:06
樹葉都可以扦插生根,勁
請問係插泥嗎?
謝謝!其實只係因為植物嘅細胞有 “全能性” 先至可以再生,都唔算係我嘅功勞(只需要有耐性等幾個月)。
純粹用粗砂,我相信除咗桂花葉之外,類似特性嘅(生長慢,喜泥土稍乾嘅植物)好似茶花嘅葉,應該都可以用葉扦插成活。
扦插心得:
1)最好喺氣溫較涼嘅季節進行:我喜歡秋天至第二年夏天前(預足3、4個月左右);
2)保持基質無細菌,可以用藥,但我不喜歡用、只係用純粗砂(粗砂透氣好,但留唔到水,所以注意保水:一兩日就淋水、要濕透),不過粗砂會緊貼植物,生根移植時要小心整斷D根。後來我發覺用種蝴蝶蘭嘅水苔(保持微微濕潤即可),生根、移植都較方便;
3)放喺遮陰、通風地方直至確定生根(所以預足3、4個月左右)。
備註:
上面嘅相所見葉片(葉脈)應該已木質化,所以如果有一段長時間葉片保持綠色,而後期轉啡,未必表示一定係失敗咗,如果扦插量較多,不防再忍耐 “最終收成”。
|