一般用泥土種嘅盆栽：淋水（澆水）方法

大家有冇諗過，點解一般用 “泥土” 種嘅盆栽都應該等到泥土 “表層/面” 乾到化白，先至可以再 “淋濕透水” 呢？（“見乾見濕” 淋水法）


備註一：
此帖討論嘅係關於 淋水方法，所以 “前題” 係當 盆栽已經 “做好咗” 泥土/盆 嘅 “疏水” 功夫。仲有必須強調：只要等到泥土 “表層/面” 乾到化白，就要再淋濕透水；絕對 “唔係” 全部泥土乾透，切記切勿走極端！


備註二：
一般用 “泥土” 種嘅盆栽，絕對 “唔係” 指用水苔類植料種嘅，亦 “唔包括” 特別好/需要水分（例如夜丁香、水栽植物……），或者 需要特別處理 嘅植物（例如淺盆盆景、仙人掌類……）。


備註三：
關於喺室內應用：某 D 植物 “唔適合/唔可以” 種喺室內，所以此類植物唔喺此帖討論範圍內！另外一般而言，因為室內各種可以促使植物生長嘅因素都比戶外差，所以觀察泥土乾嘅情況要再稍為推遲，先至可以再淋水（不妨插多枝 “雪條” 棍作為泥土嘅濕度參考）。

依條係唔係IQ題 ?

sarshk2014 發表於 2017-5-18 09:26
依條係唔係IQ題 ?

唔係…… 因為不時見到網友疑問：應該幾耐淋一次水，所以索性出個帖，希望吸引網友了解 E 個基本方法（嘅背後原因）啫。

各位有經驗嘅大大，好歡迎您哋也幫手解答！感謝大家幫忙！

咁可以增加泥土中空氣流勳，有助根部呼吸新鮮空氣！

花盆泥土少，也限制了根部範圍；其實給多水沒問題，出問題是給水頻率，沒有乾的時間爛根是必然的，但如果盆子太細小，水分便不足以維持至下次給水時間，給水太密問題就來了，所以變成兩難，用大些花盆吧；種土地不一樣，根部必定四周伸延，泥土範圍自然增大。

1） 增加泥土中空氣流動，令根部可以呼吸（wingspan）；

2） 避免爛根（ChrisChauChris）；

3）……

仲有……

歡迎各位大大繼續幫手解答！集思廣益。

3）減少 “泥土/養分” 不必要流失；

4）減少病菌滋生機會；

仲有……

fm_plant 發表於 2017-5-24 08:04
3）減少泥土、養分不必要流失；

4）減少病菌滋生機會；

「見乾見濕澆水法」點減少泥土？呢個方式澆水通常要澆到盆底出水，反而讓養分多多少少流失一些。

ChrisChauChris 發表於 2017-5-24 09:57
「見乾見濕澆水法」點減少泥土？呢個方式澆水通常要澆到盆底出水，反而讓養分多多少少流失一些。 ...

其實你我嘅觀點一致…… “減少/減慢”

ChrisChauChris 發表於 2017-5-24 09:57
「見乾見濕澆水法」點減少泥土？呢個方式澆水通常要澆到盆底出水，反而讓養分多多少少流失一些。 ...

“一般嘅盆栽” 每次淋水，正如你所講一定會造成多多少少 “泥土/養分” 嘅流失，淋得越頻密，流失就越快越多。簡單而言我嘅意思係：“一般” 盆栽正確嘅淋水方法，可以減慢（減少）流失。流失慢 D，植物就有多 D 時間吸收。相反淋水太頻密，植物未吸收得切，養分已經不斷俾水淋走（“不必要/無謂” 嘅流失）。

仲有…… 會影響 “植物根部、健康” 嘅 “正面” 原因…… 待續！

續集…… “見乾見濕” 嘅淋水方法（即係俾泥土有濕又有乾嘅 “周期”），仲可以刺激植物 “主動” 去揾水飲：生多 D 根去揾水分/源（就好似人喺覺得口渴嘅時候，會比平時更加想 “揾” 水飲一樣），所以等到泥土 “表面/層” 乾到 “化白” 先至再淋濕透水，可以令植物生長得更加健康 + 強壯！

之後希望解釋 “見乾見濕” 淋水法 E 個通則，點解可以應用喺唔同季節…… 再待續

如果各位大大有心得，繼續好喜歡大家參與討論！

好難一概而論的, 同一種類的植物(例如AV), 係同一環境(例如24小時冷氣的server房), 同一種法, 同一時間淋水施肥, 但有d仍爛根, 有d 則種得好好, 常開花的, 正如同一地球的生物, 甚至你的同事, 同學, 家人, 都有d 人常病, 有d 人從不病, 或甚少要睇醫生的, 邊有得講, 始終都係要多d 留意植物的現象, 有唔妥就同佢檢查, 及早治療就是

powergun 發表於 2017-7-18 10:49
好難一概而論的, 同一種類的植物(例如AV), 係同一環境(例如24小時冷氣的server房), 同一種法, 同一時間淋水 ...

AV 我未種過，所以唔敢多講，唔知佢係用乜嘢植料呢？（此帖開始備註過有 D 植物需要特別處理，需要用其他方法）

fm_plant 發表於 2017-7-18 11:04
AV 我未種過，所以不能多講，唔知佢係用乜嘢植料呢？（此帖開始備註過有 D 植物需要特別處理，需要用其他 ...

都係一般種法的, AV可用一般科學泥或專用AV泥, 或加入疏水植料, 基本上的種法同一般植物無分別的, 只是唔熱得的

我都同意即使係同一種植物喺同一種環境，都要 “個別留意” 個別盆 嘅 “泥土表層/面” 是否已經 “乾到化白”，因為同一種植物，可能植株有大小不同、健康情況不同、泥下根部根多根少、泥土黏度/疏水度、受陽光/熱…… 都可以有好大差別，所以觀察 “泥土表層/面” 乾嘅速度會比較可取。