糾結了...想請教經驗人士

grey1102 發表於 2017-5-8 12:57
睇圖片
植物係健康嫁
同埋你ga軟係指咩軟？

軟係指手感上的分別。眼睛看不到的。
因平時習慣摸葉子，因澆水前後的手感不一樣。就是這樣得出個大概

powergun 發表於 2017-5-8 13:27
理論上通風都要少水, 因香港夏季風吹埋黎仍是濕的, 濕度高同埋多雨還是少淋為妙 ...

應該明白大家所講的少淋和多淋。是指澆水的週期吧~? 至於每次澆水量就因應週期長短而加減。
多淋則每次少量，少淋則每次澆透。
如果overall計，兩者的澆水總量應差不多的

ShiningKath 發表於 2017-5-9 07:15
軟係指手感上的分別。眼睛看不到的。
因平時習慣摸葉子，因澆水前後的手感不一樣。就是這樣得出個大概 ...

我不敢模葉子，白粉會掉的！
用剛好的膠盆種，
整盆拿起手感覺上重下輕就是決沒水了！
瓦盆就做不到！

ShiningKath 發表於 2017-5-9 08:09
應該明白大家所講的少淋和多淋。是指澆水的週期吧~? 至於每次澆水量就因應週期長短而加減。
多淋則每次少 ...

多肉植物最好係大乾大濕, 所以唔建議多淋

maxwaggon 發表於 2017-5-9 08:15
我不敢模葉子，白粉會掉的！
用剛好的膠盆種，
整盆拿起手感覺上重下輕就是決沒水了！

感覺肉肉的軟硬其實不會掉很多粉。
最多只邊沿位置印出手指毛。有趣的!
所以肉肉都已被我打手指毛了! 呵呵。
因露養，淋雨水少不免，掉白粉我反而沒放心上

powergun 發表於 2017-5-9 09:08
多肉植物最好係大乾大濕, 所以唔建議多淋

純好奇。想探討一下。沒其他意思
其實乾透才澆，這應該大家都同意的。但澆至大濕這點我有些好奇。所知的大濕原因是為避免表土濕而底土乾。還是有其他原因?
如果只為以上原因，能做到底土濕 (如浸盆和盆邊澆水) 每次的水量其實是可以商討的。
不過如果有其他原因需要大濕??

ShiningKath 發表於 2017-5-9 10:17
純好奇。想探討一下。沒其他意思
其實乾透才澆，這應該大家都同意的。但澆至大濕這點我有些好奇。所知的 ...

或你可想想多肉的原生環境, 一般都係少水乾燥的地區, 極端的高山或沙漠地區, 呢d 地區可能終年無雨的, 但一有就好大的, 所以多肉至進化至這個樣子, 當一有水時就要以超快速度吸水, 然後儲存體內, 待無水時慢用的, 所以種多肉應要模擬返佢地原生環境(當然無乜可能)的, 最低限度要避免水太多令佢地吸水過量道致飽死或爛根

老公仔 發表於 2017-5-8 13:18
樓主村屋二樓，對出大塊空地，露台露養，夠通風！

OMG。敢問老大師兄本職是不是當偵探

powergun 發表於 2017-5-9 10:33
或你可想想多肉的原生環境, 一般都係少水乾燥的地區, 極端的高山或沙漠地區, 呢d 地區可能終年無雨的, 但 ...

我明了。根爺的方法比較偏向養肥肉。大乾讓多肉有餓感。到有難得的大雨(澆大水)。多肉就知要珍惜，並積極吸水儲水不浪費。讓葉子肥美。
有人說這也是春秋二季養根控根的好方法。
暫時天氣23-29°C左右。大和錦還在生長未休眠。，加上良好通風下。都覺得大乾大濕是最理想的
但休眠期的澆水? ((((>  _  < 想參考下不同人的方法

如果真一個大陽光來了。。。。

ShiningKath 發表於 2017-5-9 10:37
OMG。敢問老大師兄本職是不是當偵探

早已對你説過，憑一張圖就能看出很多嘢出來！

ShiningKath 發表於 2017-5-9 10:57
我明了。根爺的方法比較偏向養肥肉。大乾讓多肉有餓感。到有難得的大雨(澆大水)。多肉就知要珍惜，並積極 ...

休眠期我用既方法就是: 如果肉不致太醜, 仍帳卜卜的話, 可按生長期份量減半,  但如果真係太唔掂就看情況或要急救的, 要睇多肉(當然要清楚夏型還是冬型啦)情況, 如已散哂或化水的就無得救了, 否則看泥面同埋植株情況, 盡量唔好比水, 如泥太乾或植株有惡化情況(不是水太多), 可比少少水濕下泥面, 但不要太多或淋透, 直至過左休眠期就可以回復正常

老公仔 發表於 2017-5-9 11:08
早已對你説過，憑一張圖就能看出很多嘢出來！

睇得出 而且好記性tim
下次影相真要小心啲。透露太多就不好玩了

powergun 發表於 2017-5-9 11:49
休眠期我用既方法就是: 如果肉不致太醜, 仍帳卜卜的話, 可按生長期份量減半,  但如果真係太唔掂就看情況 ...

減半意思 是把澆水週期延長一倍? 還是每次水量減半?

ShiningKath 發表於 2017-5-9 12:02
減半意思 是把澆水週期延長一倍? 還是每次水量減半?

生長期一星期一次淋透的話, 就兩星期一次但不淋透, 即是比少少水濕下泥面就可以, 同埋忌施肥

ShiningKath 發表於 2017-5-9 07:15
軟係指手感上的分別。眼睛看不到的。
因平時習慣摸葉子，因澆水前後的手感不一樣。就是這樣得出個大概 ...

澆水前後的手感不一樣很正常

就像你自己沖完涼同未沖涼 身體的感覺都唔同啦～

只要唔係爛同化水的軟都唔洗驚

坦白講
我d景天葉一d都唔脹。。。
我係用苛刻環境養佢地lol

grey1102 發表於 2017-5-9 14:16
澆水前後的手感不一樣很正常

就像你自己沖完涼同未沖涼 身體的感覺都唔同啦～

明白灰大的意思。養肉有啲似照顧小朋友。有時條件好/照顧好，唔等於肉肉好。明白你的用心。我都盡力唔做慈母。但有時真會忍唔住

總結一下，為肉肉淋水一定是沒有固定的方程式，需要根據的是哪一科及哪一屬的多肉，小苗定大苗，成株定老樁，樹型定群生，冬眠定夏眠，實際的所在位置，天氣情況，室內定露養，通風定唔通風，配土的比例，花盆的種類等等綜合因素來考慮。

在種肉的生涯裡，首先要了解多肉的生長習性，需要不斷的摸索及學習，學會仔細觀察，這樣就慢慢掌握了適合自己的淋水技巧了。

説了這麽多癈話，都只想同你説三個字：靠自己！

ShiningKath 發表於 2017-5-9 17:06
明白灰大的意思。養肉有啲似照顧小朋友。有時條件好/照顧好，唔等於肉肉好。明白你的用心。我都盡力唔做 ...

希望你早日搵到屬於自己肉肉的養育方式！

其實係我對佢地苛刻

我成日俾我另一半話我虐待佢地ha
因為佢係個d日日關注  而我係隨得佢地自由成長的人haha

老公仔 發表於 2017-5-9 17:48
總結一下，為肉肉淋水一定是沒有固定的方程式，需要根據的是哪一科及哪一屬的多肉，小苗定大苗，成株定老樁 ...

嘩。依條方程式好好好長
不過帶出一點好同意係有好多好多變數。所以個個方法都唔同，所以方法本身參考不到什麼。經驗積下來，時間久了，什麼時間給水給太陽，大概就是所謂憑感覺。

grey1102 發表於 2017-5-9 23:10
希望你早日搵到屬於自己肉肉的養育方式！

其實係我對佢地苛刻

嗯。最重要都是開開心心養肉肉。