花花草草成長紀錄

Sgarden 發表於 2017-5-6 14:27
我吾明???其他網可以up 相，我手機有問題？？？

如果用 “引用回覆”，就喺 “輸入回覆文字欄” 嘅左上角（表情公仔旁邊）有個相機公仔，按下後再喺手機內選相片，選好就會出現預覽圖片，完成後再按回覆就ok。

如果你已經做咗上述方法，咁可能係檔案太大。

茉莉花已經開始進入盛花期（茉莉花最好晚上7、8點採收，因為晚上剛開花嘅時候係最香嘅、驅蚊效果最好）

昨晚開嘅花，偷懶到今晨先至採收：

金銀花終於開始開花啦！

晚上剛剛再採收：

fm_plant 發表於 2017-5-6 14:41
如果用 “引用回覆”，就喺 “輸入回覆文字欄” 嘅左上角（表情公仔旁邊）有個相機公仔，按下後再喺手機 ...

試好多次啦!!!不斷轉圈!!!你用電腦的嗎?

fm_plant 發表於 2017-5-8 11:46
茉莉花已經開始進入盛花期（茉莉花最好晚上7、8點採收，因為晚上剛開花嘅時候係最香嘅、驅蚊效果最好）

昨 ...

茉莉花可以驅蚊???請形容一下味道！！！

Sgarden 發表於 2017-5-9 12:13
試好多次啦!!!不斷轉圈!!!你用電腦的嗎?

手機。不斷轉圈：咁會唔會係手機上網傳輸速度問題（不過我都係用緊最普通嘅3G），唔知等耐D得唔得？

備註：因為手機傳輸慢，我嘅相片一般都唔超過1M（多數只係幾百K）

Sgarden 發表於 2017-5-9 12:17
茉莉花可以驅蚊???請形容一下味道！！！

清香又不會影響睡眠，只需放兩三朵就夠睡房 “一整晚” 驅蚊用。“聞” 過一定會喜歡！

之前蚊香、殺蚊劑用到人都幾乎 C，但 D 蚊仍然健在。後來偶然把摘下嘅茉莉花放咗喺床頭，竟然可以耳根清淨，再無蚊幫襯……

關於種茉莉花，除了要多陽光之外，仲有兩點心得：
1）茉莉喜歡迫根，所以試下扦插/種多 D 喺同一個盆內，當然盆要適當加大（我上年自從發現可以驅蚊，就在平台種了四大盆。不時施適量稀釋的自製酵素肥，枝葉都密密麻麻，互相碰撞。整個夏季高溫日子，日日都有花摘，有時一日有廿幾、三十朵）。

2）天氣冷時隨它休眠/生長（因為天冷樹液未完全正常流動，若此時修剪，有機會令茉莉愈剪愈萎縮）。在氣溫回暖後，茉莉開始不斷長出新枝時，盡量剪短、剪掉 “少葉弱枝” 和適當摘芯，促發多生粗壯多葉的強枝條。

備註：
用花嘅香味嚟驅蚊，室內房間（例如睡房）有很好效果；但戶外因為香氣沒法集中，所以戶外無效！

fm_plant 發表於 2017-5-9 19:11
清香又不會影響睡眠，只需放兩三朵就夠睡房 “一整晚” 驅蚊用。“聞” 過一定會喜歡！

之前蚊香、殺蚊 ...

詳盡！！！

Sgarden 發表於 2017-5-10 16:13
詳盡！！！

點自制酵素肥?

Sgarden 發表於 2017-5-12 11:40
點自制酵素肥?

材料： “變質/變壞/唔要/切走嘅蔬菜、水果/皮（新鮮當然亦得）” + 水（想快 D 製成可以再 + 糖）

將上述材料全部裝入 “有蓋（作用：防蟲）” 嘅膠筒內，水果、蔬菜中嘅 “酵母” 就會 “自動” 發酵。一般大約半年左右就會發酵完成（筒內再冇產生氣體）。酵素肥完成後，就可以使用。

“酵素” 可以做以下三種主要用途：
1）液體肥料：但使用時必須至少稀釋50倍/以上，即加至少 50倍 水；

2）清潔劑：將碗碟浸喺加咗適量酵素嘅水內，酵素就會慢慢分解油膩污漬、殺菌；

3）健康飲料：如果用新鮮、沒污染嘅水果、蔬菜製成嘅酵素，適量飲用對人體有益。


備註（必須特別注意，否則會好危險！）：
發酵未完成之前，膠筒內嘅酵母會 “不斷” 產生 “大量氣體”（可能會有腐敗氣味），“必須每日” 打開蓋放走氣體，如果唔係膠筒會被 “谷爆”，所以 “絕對唔可以” 用玻璃缾（危險）。另外酵素嘅濃度跟水果蔬菜數量有正比關係，建議 “水果、蔬菜” 裝至膠筒 70% 左右滿，然後加水至 “水果、蔬菜” 頂位或者再多少少（但切記：絕對唔可以完全裝滿膠筒。因為會產生大量氣體，留約至少 20% 左右空間做緩沖）。

第一次聽茉莉可以驅蚊，搞到我都想整返盆種吓

Bing 發表於 2017-5-13 00:21
第一次聽茉莉可以驅蚊，搞到我都想整返盆種吓

生態有佢奇妙之處：某種生物如果容易受到氣味影響嘅話，好多時佢哋喜惡嘅氣味，都有比較大嘅反差。好似人喜愛天然香味、抗拒臭味；蚊喜歡人嘅某種氣味（體味），但就顯然抗拒天然香味…… 只要香味能夠集中到。

fm_plant 發表於 2017-5-12 22:25
材料： “變質/變壞/唔要/切走嘅蔬菜、水果/皮（新鮮當然亦得）” + 水（想快 D 製成可以再 + 糖）

將上 ...

3!我明白！琴日整乳酪，4/3滿,今日發覺滿寫!失策!!!

Sgarden 發表於 2017-5-13 21:24
3!我明白！琴日整乳酪，4/3滿,今日發覺滿寫!失策!!!

慘情

樓主D花好靚呀~

另外又好多有用資料, 謝謝!!

另外, 十分支持樓主拯救過年後被人拋棄的植物!!

川流不息 發表於 2017-5-14 12:43
樓主D花好靚呀~

另外又好多有用資料, 謝謝!!

多謝你讚賞！…… 其實好多網友種得仲靚，好似 “anne209” 大大嘅玫瑰唔單止靚，仲有好多品種…… 令人羡慕！

忙碌嘅小傢伙：

沉香開始結 “+ing” “果” 啦：

謝謝 “zero1” 大大 送贈 2 株來自荷蘭品種嘅無花果（移入新 “居”）：