如何防止烏蠅產卵

今日發現泥面有蟲蛹，仲有一條幼蟲係泥面，月頭施過肥，倒啲泥出來見到好幾條蟲BB係度食啲肥，請問係啲肥吽出蟲定係有烏蠅係度產卵先至有蟲？如何預防？需要換泥嗎？

應該成盆泥土都有，換泥。

ChrisChauChris 發表於 2017-4-11 16:58
應該成盆泥土都有，換泥。

啱好念住清緊D苗，已經成盤倒左。我想知點預防，除左成盤倒仲有冇其他方法？

正常花泥不常有，生產/處理有機肥期間，惹來蒼蠅産卵的吧

ChrisChauChris 發表於 2017-4-12 07:51
正常花泥不常有，生產/處理有機肥期間，惹來蒼蠅産卵的吧

係施肥後先有

施肥後有代表d肥未完全腐熟,有機肥多數要深埋,或者當基肥用
如果唔係好易係分解時吸引昆蟲黎生蛋

一係就係樽入面加水浸,等佢發酵好整成液肥用,用時再稀釋淋,薄肥多施,
好處係見效快同唔怕燒根,壞處係每次打開個樽時陣味就好似爆屎坑咁....

所以記得要埋深d肥丫

又或者可以係泥面鋪一層河砂之類既亦可以隔絕d蟲生蛋,
當然最好唔好有咁多誘因吸引d蟲黎啦,
家中施有機肥可以先同泥溝好再用,比直接堆埋一齊埋落去更快分解(泥中有菌可幫助分解),
家中洗米水亦可留起淋花用,隔夜變酸既洗米水比新鮮洗米水效果更好

我會加幾滴風油精/白X油之類落啲水度噴，
小飛飛和蒼蠅都少咗

我以前試過深埋土中，但啲蒼蠅仲係會鑽出嚟

morning 發表於 2017-4-12 18:30
施肥後有代表d肥未完全腐熟,有機肥多數要深埋,或者當基肥用
如果唔係好易係分解時吸引昆蟲黎生蛋

我係埋得好深咖，倒啲泥出來先見到，唔知對植物有冇影響？

morning 發表於 2017-4-12 18:47
又或者可以係泥面鋪一層河砂之類既亦可以隔絕d蟲生蛋,
當然最好唔好有咁多誘因吸引d蟲黎啦,
家中施有機肥可 ...

追肥係咪要混泥溝勻再埋入土會好啲？

ChrisChauChris 發表於 2017-4-12 21:50
我以前試過深埋土中，但啲蒼蠅仲係會鑽出嚟

我而家都係呀，見到D蛆蟲爬上泥面！

Moon1029 發表於 2017-4-13 17:27
我係埋得好深咖，倒啲泥出來先見到，唔知對植物有冇影響？

我經驗係全部蒼蠅成長後會飛走唔返來，一個字：等！

Moon1029 發表於 2017-4-13 17:29
追肥係咪要混泥溝勻再埋入土會好啲？

混泥係為左快分解少惹蟲,但依然要深埋
但未腐熟既肥最好當基肥用(盆底一樣要先鋪一層厚泥避免烏蠅),
追肥改用腐熟堆肥/液肥/化肥比較好

Moon1029 發表於 2017-4-13 17:27
我係埋得好深咖，倒啲泥出來先見到，唔知對植物有冇影響？

烏蠅唔一定由盆面產卵的，亦可能由盆底,
蛆會鑽泥但比較弱,所以隔厚d泥可以避免生蛆

問題黎啦，d蟲未必一定係烏蠅，亦可能係黑水虻
黑水虻幼蟲基本上就係巨型既蛆，
鑽泥能力亦比烏蠅幼蟲強好多,即使蓋厚泥亦未必隔到

好消息係黑水虻並唔會傳播疾病,成蟲只有1個星期壽命,
直到死前只會飲用清水,唔太會造成衛生問題
而且黑水虻同烏蠅係互相競爭關係,有你就冇我

黑水虻我屋企廚餘箱就有好多,佢地處理廚餘能力超強(冇肉類),廚餘倒落去過幾日就食乾淨,而且亦唔似烏蠅蛆一樣有惡臭。
我個廚餘箱一直維持係少少水果醋味,除左有次我犯賤掉左d煲湯骨入去惹左烏蠅黎產卵....臭到我唔想打開個箱,好彩之後d水虻搞掂返


其實家中種野好難避免有昆蟲,基本上有泥你就冇得避,而且你又用需要腐熟再分解既肥。
化肥並唔係咁一無是處的,家中種菜唔施用農藥已經比一般街市菜健康好多

Aking 發表於 2017-4-12 20:23
我會加幾滴風油精/白X油之類落啲水度噴，
小飛飛和蒼蠅都少咗

你指噴葉面定喺泥面，如果噴的我有用開苦楝油稀釋碰葉面泥面。噴左葉面紅蜘蛛冇左，不過見到葉面有地圖蟲跡象。可能對地圖蟲冇效。

我只系擔心距會食我棵植物。如果對植物無害，唯有等距大個飛走，唔該曬各位！

Moon1029 發表於 2017-4-13 20:55
你指噴葉面定喺泥面，如果噴的我有用開苦楝油稀釋碰葉面泥面。噴左葉面紅蜘蛛冇左，不過見到葉面有地圖蟲 ...

我見有嘢飛飛下就噴，成棵噴，噴埋個盆，
觉得佢地會怕陣味，不敢飛來產卵，因為主
要成份是水，只有幾滴精油，食用的植物都
照噴，潛葉蛾/地圖蟲未遇過(Touch wood)，
唔知得唔得

morning 發表於 2017-4-12 18:47
又或者可以係泥面鋪一層河砂之類既亦可以隔絕d蟲生蛋,
當然最好唔好有咁多誘因吸引d蟲黎啦,
家中施有機肥可 ...

Master!!!