呢株植物咩名稱？

各位師兄，小弟初來步到！
請問，呢株植物咩名稱？

有啲似皺葉椒草

Aking 發表於 2017-4-6 22:11
有啲似皺葉椒草

葉片似，睇過唔係。
我呢盆未見/可能無花，好似黃金葛咁垂爬生長，但不能水養。
還是多謝！

ChrisChauChris 發表於 2017-4-6 22:50
葉片似，睇過唔係。
我呢盆未見/可能無花，好似黃金葛咁垂爬生長，但不能水養。
還是多謝！ ...

再估: 龍吐珠

都唔係， 係會攀懸生長！

胡椒?葉有冇味?

Google過胡椒圖片，葉片紋路有啲相似，但成棵睇就唔係，謝謝師兄！

ChrisChauChris 發表於 2017-4-8 13:08
都唔係， 係會攀懸生長！

這棵在花墟拍的，有没有像？

Aking 發表於 2017-4-28 19:33
這棵在花墟拍的，有没有像？

葉子相似，是否攀沿生長？沿莖有生根？什麼名稱？
謝謝熱心花友Aking

ChrisChauChris 發表於 2017-4-28 19:50
葉子相似，是否攀沿生長？沿莖有生根？什麼名稱？
謝謝熱心花友Aking
...

就是早前說的龍吐珠，頂部已經有花了，也是
攀援植物，見到旁邊的竹枝嗎？ 至於氣根，背
景太花看不清，不過氣根會隨着環境不同有所
改變的，去開花墟可以親自看看實物，就在Bunbun
門口左面的大厦旁(面向Bunbun)

Aking 發表於 2017-4-28 20:07
就是早前說的龍吐珠，頂部已經有花了，也是
攀援植物，見到旁邊的竹枝嗎？ 至於氣根，背
景太花看不清， ...

謝謝你，有空會去逛逛！

ChrisChauChris 發表於 2017-4-30 22:30
謝謝你，有空會去逛逛！

我屋企就有棵龍吐珠，可以很清楚的話你知，樓主你哩棵唔係龍吐珠。龍吐珠係灌木，枝條直立，雖然生得長時可作攀援，但樓主哩棵枝條係懸垂狀。龍吐珠亦無氣根。另外，你睇到龍吐珠嘅葉脈係基脈三出，而樓主植物嘅葉嘅主脈係一條。

至於樓主哩棵，我覺得似係天南星科入面嘅攀援植物，例如綠蘿。有人話綠蘿即係黃金葛，有人話唔係，我唔敢肯定。不過，綠蘿也好，黃金葛也好，只要方法正確，都可以水養，但係樓主話哩棵植物唔可以水養，請問樓主係點樣知道佢唔可以水養嘅呢？

龍吐珠有灌木的，也有攀藤的
http://www.ebaomonthly.com/ebao/readebao.php?a=20120910

Aking 發表於 2017-5-1 08:58
龍吐珠有灌木的，也有攀藤的
http://www.ebaomonthly.com/ebao/readebao.php?a=20120910 ...

龍吐珠枝條細長柔軟，容易用來纏繞籬笆，植物志入面叫佢“攀援性灌木"，至於算唔算“攀藤植物”，我唔肯定，因為未搵到“攀藤植物”嘅定義。
不過，我主要想講嘅係，樓主嘅植物唔係龍吐珠。

Bing 發表於 2017-5-1 01:02
我屋企就有棵龍吐珠，可以很清楚的話你知，樓主你哩棵唔係龍吐珠。龍吐珠係灌木，枝條直立，雖然生得長時 ...

我有種好多黃金葛，有土種有水養的；呢棵係懸垂攀爬樣子有啲似黃金葛，但没那麼長距離，生長比較緩慢，比黃金葛更不宜直陽光，隔一、兩天淋一次水ok，天天淋會爛根黃葉，黃金葛是不怕每天淋水的；我試摘過幾支插水杯以為可以生根，兩天浸水端便黑爛，但摘一段連氣根埋土則肯定成功分株。

ChrisChauChris 發表於 2017-5-1 13:23
我有種好多黃金葛，有土種有水養的；呢棵係懸垂攀爬樣子有啲似黃金葛，但没那麼長距離，生長比較緩慢，比 ...

上面我有提過有人話綠蘿同黃金葛唔一樣，其中一啲被提到嘅分別就係綠蘿喜陰而黃金葛喜陽，而且黃金葛水份需求比較大 (http://www.ipet.tw/content/48465.html)。
我亦試過搵綠蘿同黃金葛嘅學名，發現其實係一樣，所以，會唔會係同一物種裡面，唔同群體嘅差異呢？只係猜想，我唔係專家，唔敢肯定。
我自己亦未種過綠蘿，只係網上可以搵到綠蘿嘅水養方法，所以認為綠蘿可以水養。
其實樓主哩棵係咪綠蘿？我覺得好似，樓主可以搵多啲其他資料再研究吓。

Bing 發表於 2017-5-1 14:23
上面我有提過有人話綠蘿同黃金葛唔一樣，其中一啲被提到嘅分別就係綠蘿喜陰而黃金葛喜陽，而且黃金葛水份 ...

我自己一向都認為綠蘿/黃金葛係中文名稱不同吧了，黃金葛有淨化空氣好處，所以有種養咗好多，連廁所都有
綠蘿/黃金葛用 goole圖片查也找不到這品種(看圖片比較容易)
會再努力查找的！
謝謝兩位花友熱心幫助！