最近換左個4層花架,因為自己房好陝小,買大部小小風扇都阻住, 就試下用電腦風扇DIY一下,然後試過淘寶買伺服用風扇,大部分0.5-0.8A,風力夠猛差唔多跟得上濕電夾扇成5-6千轉,不過就好大轉聲,之後反反覆覆試左好幾種,最尾就用左12CM大約0.18-0.3A剛剛好又風又唔嘈,安裝方式我用串連線DC5.1 TO 3PIN 大部分電腦風扇都係呢個格式
串聯好就接火牛,視風扇規格而家,以我來說用電腦風扇大部分都係12V 再看風扇數量因為我是分2邊各接一個火牛, 而2邊都有4-6把扇,充裕計一邊大約用2A已經足夠,當然火牛A數可以預大D,不過電壓值V就一定要嚴格,不然可以開唔著或者燒埋,因為風力唔算強位置我都SET係剛剛高過盆栽唔阻礙淋水就算
其中一邊4把風扇用電量
雖然理論上電腦風扇可以24小時長開,不過安全起見我就買左2個定時器,每邊輪流開12小時, 而家用左有大約一個月,降溫效果其實唔高, 層架範圍溫度計最多跌2度, 不過前幾日潮濕有霧時睇濕度計同之前無用風扇差好遠,由8X%降到70%左右,大概起碼起到空氣流通作用 |