釣魚新目標-養菜

morning 發表於 2017-3-28 11:47
雖然聽起黎噁心,但其實真係唔少魚係會食屎的
唔係話專門食屎...但有屎食屎有糧食糧
而且屎含氮高魚大得快 ...

這是誤會來的，你見d魚食屎，其實佢地係會吐返出來的。
佢地只係視力唔好，乜都食落口，發覺唔食得就會吐。

lok_1980 發表於 2017-3-28 16:59
這是誤會來的，你見d魚食屎，其實佢地係會吐返出來的。
佢地只係視力唔好，乜都食落口，發覺唔食得就會吐 ...

好多魚其實係雜食性的(食腐,素食,捉到的話活餌當然最好啦)
有更好既野食時佢地會先食其他野,例如水族養既清道夫 鼠魚之類,你放魚糧佢地絕對係先食魚糧而唔係慢慢吸缸上既藻同缸底既屎

依家中國大陸有D好落後既地方仍可以見到河邊會有簡陋既廁所,
上面解決既直接跌落河,而以前農村D肥水除左留起施肥亦有直接係魚塘整廁所的,同D生活廢物直接落魚塘餵魚,並唔係全靠細菌分解的

但咪話魚咁做,我媽話舊時改革開放時農村窮到小朋友蹲係地poo poo,D狗就守係隔離等開餐,新鮮滾熱辣
呢個時代如果見到屋企隻狗食自己D屎應該會帶佢去睇獸醫到底咩事.....

我覺得CKI如果有釣魚的話,釣到既細魚可以留低慢慢養
少量分次添加細魚對水質影響唔大,魚大後就煮左佢

水有腥臭味代表硝化菌未轉化得晒所有氨,可以暫時少量換水等硝化菌適應同繁殖
水喉水最好先裝係桶2日等氯氣散去,氯氣對硝化菌有副面影響,硝化系統既建立係需要時間既,
除非你直接買硝化菌種/或者用水族開缸既方法,
設完缸後放入蜆仔等易腐敗既野,直接令D水臭一輪,等到水唔臭後,硝化系統已經建立好

水中氨含量變高其實對硝化菌族群亦有影響,有更多食物時族群亦會壯大,
只要小心唔好突然放多太多魚硝化菌消化唔黎導致系統崩潰魚毒死就好

而種菜既陶粒本身亦可提供硝化菌生長的空間(俾更多水流過當濾材用)
咁樣就可以慢慢增加水既肥份,知道缸既極限(硝化菌最多可轉化既量)

另外補充少少個人經驗,
我係室外有個缸種荷花同睡蓮,初時整時只係缸底放左15CM厚左右既塘泥,亦無放水草入去,怕養蚊掉左十幾條孔雀入去
後來係超市買左叻沙葉(帶根),我就將佢掛係缸邊浸住水種
第一年時因為缸入面植株唔多茂盛,D孔雀大量繁殖起黎(一星期餵3次),
我又冇放過濾器,水就一直都綠綠地,連續天氣好時D水濁到睇唔清魚

到第二年,D叻沙葉生到爆盆,個缸變到好似修剪成球狀既盆栽咁,
缸入面好多根仲有少少絲藻,但出奇地水變到超清澈而且完全無腥味,
魚我亦改成一個月餵1,2次到因為唔想魚一直生,(絕對已經有過百條),D魚平時就食絲藻同爛葉爛根

水變清應該有好多原因,例如水面少左陽光,亦應該因為植物將水既肥份吸收左,水養份少左所以都少綠藻
但問題就黎啦,我冇放任何過濾器打氣設備,水亦係死水無流動既,泥亦係塘泥絕對唔透氣,
而硝化菌係好氧菌,以上條件似乎搵唔到咩原因俾硝化菌大量繁殖到足以維持水清澈無臭

後來某日我查資料時見左某篇研究,係講植物既根可以將氧氣帶入缺氧泥中,
係根既附近好氧菌比較活躍,而遠離根既位置就幾乎只有厭氧菌
咁我個缸就講得通啦,缸入面既荷 睡蓮同叻沙葉既根生到迫晒出黎到缸既一半位置,
而D根就提供左硝化菌既生長環境同魚既食物,自成一個小循環

所以我相信魚菜共生既植床應該係更好更強既硝化菌床
養魚種菜先養菌，你要唔要整多幾層陶粒植床?

morning 發表於 2017-3-28 19:16
另外補充少少個人經驗,
我係室外有個缸種荷花同睡蓮,初時整時只係缸底放左15CM厚左右既塘泥,亦無放水草入去 ...

長知識了！謝！
當初對陶粒床完全無信心，葉菜類也肥力不足，所以加了反氣舉才穩定些；
稍後試試加大陶粒床面積看實驗結果如何？

CKI 發表於 2017-3-29 08:45
長知識了！謝！
當初對陶粒床完全無信心，葉菜類也肥力不足，所以加了反氣舉才穩定些；
稍後試試加大陶粒 ...

可以先加大流過陶粒既水流睇下有咩改變,
依家見到陶粒植床既水流好細,而面層陶粒偏乾

硝化菌需要水流幫助帶黎氧氣同食物,所以陶粒最好浸係不斷流動既水中(唔止係浸住)
而加大水流仲可以幫手將空氣打入水中增加含氧量

成個系統既建立係需要時間,突然其來既大改變對系統係一個衝突
可以先從小地方著手,觀察同累積經驗吸取教訓,
例如加大水流後對植物既根會否有影響等等
咁樣日後要做任何改動心入面都有個譜

morning 發表於 2017-3-29 09:27
可以先加大流過陶粒既水流睇下有咩改變,
依家見到陶粒植床既水流好細,而面層陶粒偏乾

多謝意見！
但測試失敗，原來加大入水量會影響虹吸管運作；
要加大虹吸管才可再作測試。

陶粒用前先水煮過可以脫色同沉水