請教大家 菜類 發苗後黃葉問題？ 更新左圖片

請教大家 菜類 發苗後黃葉問題？
最近開始試試種植蔬菜
(波菜 娃娃菜 菜心 呢三樣)
但係發苗之後係蔬菜最外邊就開始黃葉
咁係咪正常嫁 ？
如果唔係的話是出了什麼問題？
我應該要點做？

謝謝

PS : 影左相但係有時上傳到 又時有話唔可以大過200K

是不正常的, 但我又講唔出有甚麽問題, 可能的土壤不好!?
的相的size 要細過200K先可以上傳到此, 要執圖片的軟件執細佢先,再上載

無相片靠估 ? ....我估"肥傷"吧 !

我試左更新圖片
請問大大們看到圖片嗎？
看到的話可以指教一下我嗎？
圖片中的菜心

謝謝

上月中播既奶白菜，成小苗後又係偏黃，
我唔知係咩問題，靠估試下大手施肥，現在已經正常返。

xx_Luca 發表於 2017-1-4 23:56
上月中播既奶白菜，成小苗後又係偏黃，
我唔知係咩問題，靠估試下大手施肥，現在已經正常返。

睇你咁講即係機肥(或者叫低肥)唔夠囉 ？

jackie0069 發表於 2017-1-5 13:00
睇你咁講即係機肥(或者叫低肥)唔夠囉 ？

唔肯定係唔係，不過基肥足唔足都已成定局，唯有想辦法補救。
我當時諗法小苗到左要施肥既時候，就索性加大一倍份量試下囉，
如果都係黃我會拔走重新種過，幸好見到效果。

葉黃一係唔夠肥, 一係太多肥肥傷。如果唔夠肥, 葉菜類要施氮肥(如花生麩水等)

娃娃菜、菜心、白菜等十字花科植物很惹菜虫, 相中見到已經有蟲害。不如拔掉再種過, 要落基肥+防虫網保護。

似乎是泥問題，長滿青苔，又好像質地太粘且有板結現象(土壤表層缺乏有機質，結構不良，使土質變硬)。
板結的情況下，缺氧而導致根系活力下降，不能正常發育。
泥必須是鬆軟的，特別是種苗發育時。
如果是田或露地種，可在泥面鋪上黑泥(或外國入口培植土)發苗，苗出後施堆肥或有機肥，以慢慢改善土質。
徹底方法是翻鬆泥土，混入堆肥及石灰(改善酸鹼度及殺菌)，曬一星期再種。

sblam 發表於 2017-1-6 11:24
娃娃菜、菜心、白菜等十字花科植物很惹菜虫, 相中見到已經有蟲害。不如拔掉再種過, 要落基肥+防虫網保護。 ...

係有菜蟲！
因為想試下種黎自己屋企人食
想食得健康
所以什麼農藥都冇噴過

mk2325 發表於 2017-1-6 11:37
似乎是泥問題，長滿青苔，又好像質地太粘且有板結現象(土壤表層缺乏有機質，結構不良，使土質變硬)。
板結 ...

明白
原來呢個係 板結現象
就係奇怪點解面頭果d變硬
但係挖左落去就好似沙咁碎

但係青苔可以點處理？

謝謝

jackie0069 發表於 2017-1-6 19:26
明白
原來呢個係 板結現象
就係奇怪點解面頭果d變硬

是泥土結構問題，例如徧向酸性。由於酸雨，浸水和不適當施肥等，令有機質流失。
泥土愈多有機質，愈肥沃愈不會板結，否則便愈貧瘠。
所以必須補充有機質，其次以鹼性材料改善酸鹼度，例如石灰和草木灰

mk2325 發表於 2017-1-7 19:13
是泥土結構問題，例如徧向酸性。由於酸雨，浸水和不適當施肥等，令有機質流失。
泥土愈多有機質，愈肥沃 ...

謝謝指教

我都有落石灰
不過係熟石灰 搵唔到有d一大包既生石灰賣
跟住就順便加d花生枯落去咁樣

做法是將有機肥與熟石灰均勻地撒於泥面便可，不是生石灰。生石灰加水產生高溫，會燒傷植物。
生石灰祇用於一種農藥叫波爾多液，是以硫酸銅與生石灰混合製成。
可參考http://www.producegreen.org.hk/agronomy_14.htm
改善泥的結構不是做一次便可，需要持續做及持續有機方式耕種

我覺得是多水引起.