求番茄死因

種了幾株番茄, 近日發現頂部葉子開始枯萎, 泥土仍是濕的。請教各位農友高手其原因及預防方法。謝謝!

我都想知， 我死剩2棵

可以描述多點不?我估是受病毒感染

我都有類似情況,頂部的葉枯,頂部生長出來的幼葉也枯,今日剪左枯的部份!

我上網找，可能是青枯病。話係泥土有細菌感染喎

據我知青枯病傳染性很強，發病至枯萎可能祇有幾天時間，而且是突然全株枯萎，枯萎後植物仍保持青色，所以叫青枯病。
可能根部問題或排水不好，引致泥土缺氧，甚或根部受病毒感染或蟲害，營養不能向上送。

圖1 不似青枯 青枯全部葉都會枯死 中下部既葉好似仲靚 試下剪左個頂部 留返一半都 等佢再發新茅 睇下好唔好得返

不是青枯病。
係某一種病毒(Viral)病, 原因可以係種子本身帶有病毒, 又或者附近有其它病源(如其它蔬菜或野草), 再經昆虫作為Vector傳染到番茄到。
Viral病是沒有任可農藥治療到的, 只可以預防。
如上述花友所講, 先將感病的部份盡量徹底剪走, 睇睇救唔救到。之後再控制蟲害及周邊雜草。

看樣子不似有蟲，所以病毒不會是由蟲帶來。蕃茄比較不耐病毒，有時由人傳染，特別是手摸過一些帶病的植物後再摸蕃茄。
另外煙葉經常帶有對蕃茄有害的病毒，所以吸煙者亦會把病毒傳給蕃茄。嘗試以海藻水噴葉面，以加強抵抗力。

謝謝各位解釋和建議。我昨天翻鬆側邊泥土，等空氣能進入泥土裡，淋少D水，又把葱頭種在番茄側，希望病毒不要蔓延下去。

mk2325 發表於 2016-11-7 19:28
看樣子不似有蟲，所以病毒不會是由蟲帶來。蕃茄比較不耐病毒，有時由人傳染，特別是手摸過一些帶病的植物後 ...

贊成，一係蟲傳，一係人傳，烟草都有可能，種子本身帶病亦有機會。
園藝番茄品種一般不講究抗病毒，但專業種子通常都有高抗各種病毒。

sblam 發表於 2016-11-7 20:48
謝謝各位解釋和建議。我昨天翻鬆側邊泥土，等空氣能進入泥土裡，淋少D水，又把葱頭種在番茄側，希望病毒不 ...

盡量少動作，尤其泥土，不要施肥，恐防再傷根。感染部位要除掉，葉子可剪多些，以減輕根部負擔，及加速開花結果。

我都有二棵出現此情況,試用了環酵開水淋了兩次,見好似有少少好轉!(每星期一次)

sblam 發表於 2016-11-7 20:48
謝謝各位解釋和建議。我昨天翻鬆側邊泥土，等空氣能進入泥土裡，淋少D水，又把葱頭種在番茄側，希望病毒不 ...

你翻泥係會整傷佢D根 你想佢透氣 可以用筷子係泥面掃鬆D泥就得

愚見，又會唔會係泥用咗太耐冇換，營養盡失呢？請賜教。

mkpetpet 發表於 2016-11-10 15:07
愚見，又會唔會係泥用咗太耐冇換，營養盡失呢？請賜教。

個人唔贊成動不動換泥，否則農夫會好唔得閒，仲要花好多錢買泥。而且極不環保。
多數換泥係由於唔夠肥、多菌/蟲/野草、泥有結構性問題如板結、偏酸鹼等。
而呢啲都係與曾種植作物及泥土是否有適當保養有關。
如果有實行輪作、休耕、適量施肥、淋水、鬆土/翻土等措施，實在沒必要換泥。
雖然以上所講似乎祇適合農地耕作，其實一般種植操作也可參考。

今天全日落雨,今次番茄真係唔得了。