玫瑰花朵與葉片數目比例

大家好
小弟種有迷你玫瑰半年，由6厘米直徑小盤種至已株高約25厘米，期間有白葉蟎蟲害及白粉病已成功以修剪及苦楝油處理。
最近發現葉片花冧數目皆有增長 惜花朵大小比起初愈顯細小
論壇內拜讀各路花友章皆有建議如增鉀肥，減少花朵數目，及早剪花防結籽等等的
小弟一直有用緩效肥料顆粒，惜少用液態鉀肥因擔心濃度控制問題，想向控制花朵數目開始。
請問諸位花友有心得建議如此等大小之植株該留多少花冧為宜？
不勝感激！

除施肥外.....我有另一睇法
枝條粗壯, 花才能開大朵吧? 沒有粗壯支桿又怎能支撐起大花呢? 合適的修剪除去幼枝條也很重要哦

(舉手）請問如何介別粗幼枝條呢～ 因為常見修剪都係剪老葉，留新葉。。。而新葉啲枝幹又一定幼。。。。

~ 睇相, 頂部似想開花(?), 開完花後隨即修剪上端,藍筆所劃斜線的部分 (保守安全建議), 寒冬可強剪的(剪走全株2/3), 但我自己驚重手剪死左 =..=
~ 確立想要幾多主枝/造型, 一條主枝愈多分枝愈分散營養 & 枝條長, 花苞會相對縮小... 需要修剪剪短, 然而養成粗枝

加油~

樓主好勁呀，迷你玫瑰種到咁大棵，我種唔到呀種C左兩棵，而家種緊第三棵，有三枝條已C了兩枝喇請問樓主室外種嗎？

to viviwong:
噢 原來修剪要剪咁多！！受教～ 等佢開埋呢轉我試下先！

to ppg:
無呀～個陣時候入左兩盆 急急腳洗左泥之後種左係陽台，兩野就枯左一堆，個陣執返剩返未死嘅部份插入個罐到擺房種，又竟然複活。。X_X
不過我用養水草個啲led黎照 算係植物燈掛