請指教?? 新手樣樣都唔識....唔明....

新手,
今日取康文處田, 唔係想像中的大細. 其實好細.....
未種東西之前要做好多事, 其他人話要 "焗田" 先?? 過幾天加肥?? 之後才可以種苖 .....
什麼是 "焗田" ? 要點做??
肥要點整 ?? 放苖?? 不是放種子咩...... 一堆?????問題
放苖後要做保護, 唔係會被雀食晒....點保護, 我要返工, 唔會天天去田.
其他田友話.....其實我是第一次種東西.  我還估好簡單, 結果就連少少的翻地都做得唔好...
樣樣都唔明, 請大家指導下!!!

會有導師教你怎樣做，這個時候適合種什麼，只得一堂記得要出席

我都抽中左康文署農圃, 種野方面有種開問題不大, 反而之前因為有其他人種開, 取田之後須唔須要做d 功夫先用得? (如落熟石灰, 落基肥)

原來你係農夫來的, 好彩塊田唔大, 如果好大你就有排搞了

不妨請教一下呢個帖的樓主 YoungFarmer
http://hkplants.com/thread-181291-1-1.html

加油， 我也是新手， 天台種， 種菜心， 生菜， 最易

加油，我也是新手，在天台種，種咗半年，略有收成，可以種生菜，菜心，不用攀爬，易打理，下月，我也打算抽康文署的園圃計劃，中西區，你在哪區

提供以下參考：
1. 不要在落雨天開田、翻土，翻土後讓田曝曬一、兩天
2. 不知上一手種了什麼，翻土後要先落基肥
3. 一般如沒發現蟲、什草，焗田不是必需，以節省時間
4. 每一個園圃及田所在地理位置不同，接收陽光不同，甚至泥土質地也不同，最好上堂問導師意見
5. 如果不是夏天收田，可不用起畦(鋤坑)
6. 跟真正田比較，植物在一個較擠迫的環境生長，比較奀細，比較佔空間的例如南瓜、翠玉瓜不建議種植
6. 瓜、豆、粟米因需要棚或長得高，會遮去其他植物陽光，要適當選擇種植位置
7. 不同需要的植物可能混種在一起，有開花、結子的，也有祇吃葉或莖的，追肥的需要比較複雜，要抽時間上那十幾個免費的堂，順便問導師

康文署的格仔田好多都是長期抽籤的玩家, 可以問下園友你塊田上手種過乜野, 避免連作
冬天是日短夜長, 日照時間短, 留意太陽照射方位, 高的要搭棚的, 放在西邊, 避免擋住陽光; 另一邊可種較矮的葉菜類
現在可直播白蘿蔔, 剛剛夠時間收田時收成, 記住根系植物不要移苗, 以免白種
在田邊位灑芫茜種子, 可防蟲, 芫茜長大可依靠田邊磚位生長不佔位置
入秋後幾乎大部份菜也可種, 加油

種簡單又無咁易惹蟲既農作物，如車厘茄、生菜、芹菜、唐蒿、甘荀、薯仔(如屋企有唔記得食又發左芽既薯仔)。如不打算用防蟲/雀網的話，唔建議種十字花科農作物(菜心/白菜/椰菜/西蘭花/白蘿蔔…等), 好易俾蟲蟲雀仔吃掉，以免白費心機。

焗田 種左幾年都無試過 見到有小部份人會焗 翻好泥落基肥 蓋返好泥 係泥面用黑膠紙封住曬太陽幾日 之後先種野
基肥 通常都係有基物料 如: 花生麩 骨粉 雞屎肥 有人會將橙皮 蕉皮 碎好的雞蛋殼 咖啡渣 但注意 種菜位不要藏太深
種子或苗 睇你自己準備啦 無預早發苗就播種子囉 慢D姐無所謂
保護網 可以免被雀仔吃掉種子及咬死幼苗
社區圃田 佢地有人淋水 你唔使日日去啊 一星期去一兩次管理農作物 記得定期施肥同徐草
唔會好難既 唔明就問你身邊既田友就得

cookie 發表於 2016-10-17 06:34
會有導師教你怎樣做，這個時候適合種什麼，只得一堂記得要出席

因為第一次, 樣樣都唔知. 見抽中, 就試下.....
所以唔知第一日有堂上,  現在只好網上看資料同問下大家

jj2a3 發表於 2016-10-17 12:53
我都抽中左康文署農圃, 種野方面有種開問題不大, 反而之前因為有其他人種開, 取田之後須唔須要做d 功夫先用 ...

新手, 我都唔知之前是點樣.
拿田的第一天,  就係田上有堆白色粉 和 有堆啡色木碎.  (可能是你話的熟石灰, 落基肥)
職員叫我, 翻土先................但翻土都好辛苦

powergun 發表於 2016-10-17 13:54
原來你係農夫來的, 好彩塊田唔大, 如果好大你就有排搞了

不妨請教一下呢個帖的樓主 YoungFar ...

我就係不是農夫, 所以樣樣都唔識! 要大家多多指教....

sonata88 發表於 2016-10-17 14:32
加油， 我也是新手， 天台種， 種菜心， 生菜， 最易

好大家加油, 我會試用 谷友 "jimmywo" 送的生菜先 ! 希望有菜食啦 ~

mk2325 發表於 2016-10-17 16:44
提供以下參考：
1. 不要在落雨天開田、翻土，翻土後讓田曝曬一、兩天
2. 不知上一手種了什麼，翻土後要先落 ...

好多謝你的意見 ~
我翻地時見到有黑色蟲 / 黃白色蟲走出來, 但我唔知蟲蟲名.

dincat 發表於 2016-10-17 20:01
康文署的格仔田好多都是長期抽籤的玩家, 可以問下園友你塊田上手種過乜野, 避免連作
冬天是日短夜長, 日照 ...

多謝意思 ~~

sblam 發表於 2016-10-17 20:34
種簡單又無咁易惹蟲既農作物，如車厘茄、生菜、芹菜、唐蒿、甘荀、薯仔(如屋企有唔記得食又發左芽既薯仔)。 ...

多謝意思 ~~

sanglo 發表於 2016-10-18 10:53
焗田 種左幾年都無試過 見到有小部份人會焗 翻好泥落基肥 蓋返好泥 係泥面用黑膠紙封住曬太陽幾日 之後先種 ...

多謝意思 ~~
你d菜好靚....好似好好食....
我會努力 !!　大家等反幾個月，我都要放張靚相給大家看

KmySunFlower 發表於 2016-10-19 13:35
好多謝你的意見 ~
我翻地時見到有黑色蟲 / 黃白色蟲走出來, 但我唔知蟲蟲名.  ...

泥地自然有蟲及生物，是正常的，有些還可以幫到手，例如蚯蚓，不應殺絕。
如泥中發現百足、蛞蝓、狗虱仔的幼蟲便要殲滅，螞蟻也應防範。
除了輪作和浸田最有效殲滅蟲卵外，其他方法也不保證可以，例如蚜蟲卵可以抵禦60度高溫不死。
種了植物有問題再對付