種田新手報到

大家好～～～好開心發現呢個咁正嘅網頁,大家可以開心sharing~
之前我都有睇開呢個網有關種香草嘅post覺得好有用，我亦有喺露台種左一堆唔同嘅植物，最近我同朋友喺大埔終於搵到兩小條田開始有機種植啦～～～但開始左後先發現原來同露台種真係差天拱地,成日都會有好多問題，淨係肥料都搞死我，因為香草都唔駛咩肥，而家又瓜又豆咁，仲要勁多蟲，我塊田又近河，唔敢用太勁嘅殺蟲藥，搞到而家好似蟲蟲buffet咁...
希望之後大家可以指教吓，我都想有一日d農作物夠自己食dd之餘，仲可以俾媽咪試吓。

粟米我認到，另一個是乜東東？

iphone 發表於 2016-6-13 18:03
粟米我認到，另一個是乜東東？

另一個是茄子（矮瓜）。樓主都在大埔落腳做假日農夫。

yes，茄子，仲有秋葵，豆呀之類。
我住好近，但放工好多時都天黑了，焗住要weekend先去得一兩次，淨係除草都要好耐‥‥有一次返去鋤泥翻土，唔知係咪太落力，我隻手痛到夜晚發惡夢，痛足兩日

而家搵緊有無d 資料/書可知道肥料裡面0既npk成份，咩時候落邊款肥之類...

粟米已摘下食了嗎? 粟米芯鬚....見不多?

種的蟲都唔食的菜呀,
我試過種茄子, 切開入面好多蟲,嚇到掉了,
鄰居說的蟲好有營養, 一起煮來食最好

就係因為第一次種，好多野都唔識，無好好咁做基肥，雖然你地見到有粟米好似好大棵咁，但隔離d農友話因為粟米太搶肥，我塊田又瘦，就算有粟米生到出黎都未必有粟米粒........叫我不如襯佢未大哂時成棵cut左佢，重新落肥再黎過.....我都好煩惱。
茄子0個d我真係唔知會惹蟲~~~我前兩日過去見到開花啦，我諗今個weekend要過去包返住會好d。

kikobi_tomo 發表於 2016-6-14 14:52
yes，茄子，仲有秋葵，豆呀之類。
我住好近，但放工好多時都天黑了，焗住要weekend先去得一兩次，淨係除草 ...

我都覺得開田最辛苦，唔容易。

粟米好要肥，塊田基肥要做得好足，例如用雞糞肥打底，
之後長到咁上下仲要追肥，又要大太陽
否則通常長得好瘦弱，反而茄子就無咁西利

粟米要上泥的, 就可以不用竹扶

我冇落田,我都感覺到落田種野係好辛苦,努力!! 加油!

先食左呢幾條大中細手指～～～可惜大的太老了，充滿纖維！

如果你一星期入一次田, 係會有部份秋葵過老, 留來煲湯啦
粟米真係好食肥, 每星期都要加肥先會有肥大粟米, 要種三個月, 但每棵只收到1-2支, 不合符經濟原則, 我只種少少, 種一轉玩下算
最抵種潺菜, 莧菜, 通菜, 剪收, 隔10日又有得剪, 食到厭

夏天落田係好辛苦, 帶足夠水, 密密小休去樹蔭下降溫, 加油呀

我今年第一次種左近30棵秋葵，唔知過老可留來煲湯啦.

而家2-3日入田收一次，食左兩次，遲D食唔完

剪左十多個老葵, 掉晒在地上!

今日收左好多野～～～食返自己種嘅野真係好開心！

我每天返工前都落田，夏天做一陣野淋下水，自己本身好大汗搞到身水身汗，成身汗臭味。同事有時看到我有收成就覺得種野好好玩咁，但其實背後我係田做嘢有幾辛苦、付出幾多勞力就無人知。