想問係乜嘢虫？

我有盆櫻花 發現有好多一隻隻紅色好似蜘蛛咁嘅嘢
而啲葉邊都有好多絲網住
我盆花放係露台
想問係乜嘢虫黎？同埋有乜解決方法？>.<
thx！

估係紅蜘蛛。
可以用蟎毒噴。
唔想用藥，就要勤力啲噴水。
花友都有唔同方法對付，你search下紅蜘蛛。

噴完藥 啲葉吹哂窿T_T點解咁

如果唔想用蟎毒，可以試吓用番梘水對付紅蜘蛛同蚜蟲，我最近用咗幾次，好似都OK。方法係用熱水溶咗啲番梘（水同番梘比例50:1），噴係有蟲嘅地方，番梘水會封咗蟲蟲嘅呼吸口，令佢窒息。
唔理用藥定番梘水，都殺唔死蟲卵，要一星期做一次，連續做兩三次，先無咁易復發。

我用完殺虫水之後 啲葉好似有啲枯同埋盆花好似無乜生命力咁

請問有乜方法改善？>.<