斷食和健康

Salt 發表於 2016-4-7 14:47
我將成個帖由頭開始又再睇多咗次，好似又理解多咗d  想請問下第7日復食固體，係咪都係應該偏清淡？ 尋 ...

我將成個帖由頭開始又再睇多咗次，好似又理解多咗d  想請問下第7日復食固體，係咪都係應該偏清淡？

當然要清, 全素的, 最好品質的油和素菜啦, 因為腸胃乾乾淨淨, 吸收純又好的營養是身體最快樂的.

尋日諗起以前睇過bbc 一條片，係講斷食對igf1 嘅影響，o個時就已經好有興趣試，但唔太一樣，佢只係斷食，我只係咁啱諗起o者。我想自己試下檸檬鹽水成唔成功，又想畀阿媽睇下成效，若佢可以親眼睇住我見效，可能會令佢有興趣試。阿媽有高血壓，又成日關節痛，但我諗如果佢試應該我都會叫佢同醫生講下先。因為始終鹽係咪會影響血壓都仲係debate緊，雖然醫生多數會跟傳統research 話會升高。我地食得好唔健康，多數都係外賣。我覺得斷食呢樣唔係就咁試一兩次，係成個lifestyle change，要好大commitment，所以想自己心理準備好先，雖然可能唔堅持得好耐又會打回原形，但起麻試過個過程，以後想再次嘗試都唔會好似要登山咁難。同時希望自己心理準備好，唔好因為幾日唔習慣唔舒服就放棄。希望久而久之，可以將生活習慣改變。

係呀, 斷食營的主持人, 每日都係教我地要攺LIFE STYLE, 持之以行, 才是健康良方.

用鹽做斷食時清理腸道的媒介是很普遍的方法, 只係我們都市人遺忘了. 咸柑桔 咸檸檬, 咸菜, 洗動物內臟都係用鹽, 豬肺粥個肺都係用鹽去殺菌清潔, 原理跟檸檬鹽清腸排毒係一樣的.
一般西醫個套都唔主張自然療法架啦, 你要有心理準備, 醫生一般會discourage 病人用自然偏方的.

講多少少, 我媽當年在診所工作, 阿爸係醫生, 2個人都有齊都市病, 食葯和手術乜都試過. 媽有三高和糖尿病, 又割過子宮及膽, 好肥, 50歲提早退休, 我支持下, 她每星期選連續2-3日食素菜湯減肥, 素菜以湯為主, 早午晚都係菜湯, 怕寒時會加薑一起煲湯, 唔加密棗. 平時飲食也轉清淡, 飲茶時會要多個杯, 食點心時過一過水, 去油.

她6個月後減左40LB!!  原本16XLB 減到123LB!! 而且一直能維持到這個狀態. 她覺得人精神左, 腳骨好左, 三高回復正常, 神奇呢, 她自動減葯, 一年左右不吃糖尿葯, 每天CHECK 住指數, 很正常, 她還開始有力去行山和旅行了, 好開心, 說很自由.

我媽好清楚D醫生通常唔建議病人停葯, 所以她也無同醫生講.

八年後, 她因家中轉變, 心情壞, 咁啱醫生問起她吃葯情況, 她可能心情唔好, 乜都說出口了, 醫生嚇她要她一定要跟足指示吃葯. 跟住一年後, 她肝驗到有野, 肺有事, 一年之內離開人間了.

我深深體會到, 身體很受心情影響, 心情和想法又會互相影響, 加埋一般西醫的恐嚇, 唉.... 所以我努力學習用飲食和自然的方法令自己健康活下去.

另外想問一個詳細少少嘅，因為見到你話可能飲完檸檬鹽水會排幾次便，咁係點計排完便之後一小時飲1L 水？因為係唔會知係唔係最後一次o家嘛  定係30-45分鐘內飲曬全部檸檬鹽水後嘅第一次排便後開始計一小時？

其實排左一兩次後, 都可以飲清水了, 有時一次大便後, 都會FEEL到個肚仲係度郁, 所以不用擔心唔知幾時完.

咸柑桔水都畀你諗到  聽落又幾吸引喎。如果同理，咁。。咸檸係咪都得呢？ 我幾鐘意飲咸檸o家  不過第一次試我都會乖乖地跟返檸檬鹽水先嘅

無話唔得, 不過頭幾次試左檸檬鹽水個效果, 才能比較到咸檸或咸桔是否適合你.

oil pulling 你係咪都係用coconut 油？ 係我就去馬啦  呢個冇咩commitment 可以幾時試都得

YES, 一定要 冷壓椰子油. 有清香味, 去上樓店買或IHERB, BUY STATION 會便宜得多.

"八王爺
我都覺得西葯最傷肝。所以現在很多人要護肝，其實不如先少吃西葯。尤其是廣告中的傷風感冒約。千萬要少吃。  發表於 2 分鐘前 "

早晨王爺, 你身體近期怎樣呀?

jellyfishy 發表於 2016-4-11 09:54
我將成個帖由頭開始又再睇多咗次，好似又理解多咗d  想請問下第7日復食固體，係咪都係應該偏清淡？

當 ...

水母水母～～ 我地已經進行緊斷食啦～ 今日係第3日，呢幾日冇上黎遲咗覆添。本來係想自己試咗先，點知再上一個周末同阿媽講起，佢都表示有興趣，然後我地就夾手夾腳搞掂d o野等呢幾日可以專心斷食，但係。。有睇電視 今日係第一日開電腦，因為阿媽好想我再睇多次佢幾時有得食o野

唔該曬你呀。其實都估到復食應該要清淡，不過都想確認下，等我死咗條心唔好大魚大肉 好多謝你願意分享咁私人嘅o野畀我聽呀。我想試呢個斷食原意除咗想排毒之外，都係想試下效果，睇下有冇辦法幫阿媽改善高血壓，怕佢成日食o個d 血壓藥，食又怕影響身體其他機能，唔食又怕血壓高，如果佢可以自然降低血壓就最好了。我本身以為佢係諗住食住血壓藥咁試下斷食先，點知佢第2日先同我講原來佢冇食藥，但量過血壓並冇升高，降咗少少，我叫佢如果真係打算呢幾日唔食藥要量密d check 住小心d。等佢今晚返黎我再畀佢睇你呢篇先。

排毒方面我好似冇乜o野，排出黎嘅除咗第一次比較有顏色之外，之後大部分都係水(會唔會太detail？ )。冇乜肚餓，應該係因為飲水飽。亦冇唔舒服，只係第2日有少少喉嚨乾嘅感覺。反而覺得唔食o野幾日個人幾舒服，又唔會好似平時好攰咁，不過今日個肚係咁打鼓，但我感覺唔係太肚餓。
阿媽都係話排出黎除咗第一次比較有顏色之外，之後大部分都係水。但係因為阿媽有口氣，我覺得佢明明一定好多宿便，冇理由得咁少嘅。。我覺得應該係我地郁得太少啦。但係佢第2日就投訴周身酸痛，又冇力，全日都o係到叫好攰，唔肯郁 。然後到下午o個時佢話好咗少少，但都係酸痛同好攰。今日第3日，佢話胸口好似有少少“ai”住咁，不過就冇尋日咁攰，但都係有d酸痛同冇乜力。一陣佢返黎我都要叫佢check 多幾次血壓，不過唔知呢d 會唔會係你講嘅排毒反應呢？同埋想問下生理期會唔會對斷食有影響o家？需唔需要等完結後先開始／繼續斷食呢？

因為阿媽不停問幾時有o野食，佢應該聽日開始慢慢復食，都係跟你o個個咁素菜湯分4次每次200ml 先，然後先慢慢轉固體啦。不過我想問下呢，如果我真係咩反應都冇，可唔可以繼續唔食呢？定係都應該復食，然後過一排先再次斷食？如果係的話，應該幾耐斷食一次呢？同埋7日之後仲需唔需要每朝飲檸檬鹽水，然後再飲清水同進食，定係過一段時間先由頭再黎過好似個schedule 咁斷食呢？因為我見你好似去完斷食營後有繼續飲所以想問下。唔好意思。。好多問題添。。。

未見到個post 已經飛咗去買coconut 油 不過仲未做oil pulling，買咗黎搽已經好多個月都仲未好嘅似濕疹o個塊皮，等斷食完再開始。下次唔去c咩super 到買，聽你講去iherb買先，價錢差成倍

Salt 發表於 2016-4-18 20:19
水母水母～～ 我地已經進行緊斷食啦～ 今日係第3日，呢幾日冇上黎遲咗覆添。本來係想自己試咗先，點知再 ...

水母水母～～ 我地已經進行緊斷食啦～ 今日係第3日，呢幾日冇上黎遲咗覆添。本來係想自己試咗先，點知再上一個周末同阿媽講起，佢都表示有興趣，然後我地就夾手夾腳搞掂d o野等呢幾日可以專心斷食，但係。。有睇電視 今日係第一日開電腦，因為阿媽好想我再睇多次佢幾時有得食o野

唔該曬你呀。其實都估到復食應該要清淡，不過都想確認下，等我死咗條心唔好大魚大肉 好多謝你願意分享咁私人嘅o野畀我聽呀。我想試呢個斷食原意除咗想排毒之外，都係想試下效果，睇下有冇辦法幫阿媽改善高血壓，怕佢成日食o個d 血壓藥，食又怕影響身體其他機能，唔食又怕血壓高，如果佢可以自然降低血壓就最好了。我本身以為佢係諗住食住血壓藥咁試下斷食先，點知佢第2日先同我講原來佢冇食藥，但量過血壓並冇升高，降咗少少，我叫佢如果真係打算呢幾日唔食藥要量密d check 住小心d。等佢今晚返黎我再畀佢睇你呢篇先。

排毒方面我好似冇乜o野，排出黎嘅除咗第一次比較有顏色之外，之後大部分都係水(會唔會太detail？ )。冇乜肚餓，應該係因為飲水飽。亦冇唔舒服，只係第2日有少少喉嚨乾嘅感覺。反而覺得唔食o野幾日個人幾舒服，又唔會好似平時好攰咁，不過今日個肚係咁打鼓，但我感覺唔係太肚餓。
阿媽都係話排出黎除咗第一次比較有顏色之外，之後大部分都係水。但係因為阿媽有口氣，我覺得佢明明一定好多宿便，冇理由得咁少嘅。。我覺得應該係我地郁得太少啦。但係佢第2日就投訴周身酸痛，又冇力，全日都o係到叫好攰，唔肯郁 。然後到下午o個時佢話好咗少少，但都係酸痛同好攰。今日第3日，佢話胸口好似有少少“ai”住咁，不過就冇尋日咁攰，但都係有d酸痛同冇乜力。一陣佢返黎我都要叫佢check 多幾次血壓，不過唔知呢d 會唔會係你講嘅排毒反應呢？同埋想問下生理期會唔會對斷食有影響o家？需唔需要等完結後先開始／繼續斷食呢？
(你應該仲未去到戲肉, 但可以休息下先, 復食可以飲些薑黑糖水和果汁, 早上最好飲多一兩日檸檬鹽水助排毒, 去完便便再飲清水. 復食初期, 能量一到可能你會便便多左添架.
你媽呢, 已經出現排毒反應了, 佢D 血好酸呀, 可以慢慢飲水, 唔想郁都要出街行下公園, 或去做下按摩, 唔想俾錢出去按, 你就幫佢按下, 特別注意關節位, 盤骨及下腰. 成隻大脾都要大力多按, 可以用刮痧板幫下手, 最好刮到出痧, 助清掉塞住血氣的垃圾和瘀血).

因為阿媽不停問幾時有o野食，佢應該聽日開始慢慢復食，都係跟你o個個咁素菜湯分4次每次200ml 先，然後先慢慢轉固體啦。不過我想問下呢，如果我真係咩反應都冇，可唔可以繼續唔食呢？定係都應該復食，然後過一排先再次斷食？如果係的話，應該幾耐斷食一次呢？同埋7日之後仲需唔需要每朝飲檸檬鹽水，然後再飲清水同進食，定係過一段時間先由頭再黎過好似個schedule 咁斷食呢？因為我見你好似去完斷食營後有繼續飲所以想問下。唔好意思。。好多問題添。。。
(可以的話, 你媽唔洗上班, 更要做多幾日檸檬鹽水排毒, 最好做足七日啦. 她的毒素正在出來, 現在做D唔做D, 卡响中間, 唔上唔落, 半途而癈, 仲衰. 太倦的話, 飲檸檬鹽水前半小時飲200ML 無糖的薑紅棗水, 不用太濃, 俾D能量D血去衝擊塞了的經絡, 看看情況, 記得要郁動下, 氣血行, 才能排到那些酸毒. 她應該仲有些寒毒未出, 別涼冷氣呀, 去行下公園啦. 出汗可以縮短排毒的不適反應. )

未見到個post 已經飛咗去買coconut 油 不過仲未做oil pulling，買咗黎搽已經好多個月都仲未好嘅似濕疹o個塊皮，等斷食完再開始。下次唔去c咩super 到買，聽你講去iherb買先，價錢差成倍

Salt 發表於 2016-4-18 20:19
水母水母～～ 我地已經進行緊斷食啦～ 今日係第3日，呢幾日冇上黎遲咗覆添。本來係想自己試咗先，點知再 ...

懂平甩功嗎? 不想郁都要郁下, 和媽媽一起做啦, 初做的話, 10分鐘做完休息下, 最好一日早午晚三次, 你媽有三高更加要做多D, 做到15-30分鐘就更好.

注意平甩要腳趾指向前, 手指伸直D, 甩手時的能量就會經血動到手腳最盡的神經末梢.

每甩四下, 膝蓋跟手的律動輕輕倔2下, 這樣可助氣血運行到全身平時唔多順的位置.

我有幸跟過本地有名的平甩功推廣人練習, 所以都知一二咁啦~

jellyfishy 發表於 2016-4-19 09:13
水母水母～～ 我地已經進行緊斷食啦～ 今日係第3日，呢幾日冇上黎遲咗覆添。本來係想自己試咗先，點知再 ...

今晚應該趕唔切出去按，等佢今晚返黎我同佢按住先 我唔識刮痧呀。。應該要等佢出去畀人刮了。我都覺得我應該有好多o野排，仲奇怪緊點解咁輕鬆，可能係生理期有影響？ 我地兩個都係諗住跟足7日o家，不過今日仲未食o野，睇下佢今晚返黎感覺點。我有少少擔心一復食會立刻好肚餓係咁食，不過因為幾日冇食所以應該食返都唔會好大胃口，好似平時餓過籠咁食幾啖應該已經好飽，呢幾日都睇緊食譜睇復食有咩選擇可以清少少。阿媽要返工，不過都有一起身就飲檸檬鹽水然後排完便飲水，帶埋d水返公司飲，返到黎再繼續飲。都係諗住跟你

五：復食（素菜湯, 水果汁，分四餐，每次200cc）早上空肚1000cc 檸檬鹽水+淸水/檸檬水1000cc , 下午晚上3000-4000cc 淸水/檸檬水
六：復食（素菜湯, 水果，半固體）
1000cc檸檬鹽水+淸水/檸檬水1000cc , 下午晚上3000-4000cc 淸水/檸檬水
七：復食（固體）1000cc 檸檬鹽水+淸水/檸檬水1000cc , 下午晚上3000-4000cc 淸水/檸檬水

咁樣，不過我唔係好明你講嘅呢個選了12:00後無水斷食，加強排毒，無水斷食意思係指早上飲曬d 水，下午唔食唔飲嗎？定係水係指流質食物？

我就係諗緊如果我冇反應又唔餓係咪可以7日都唔食，定係其實都應該食d 呢？好似你話薑黑糖水和果汁咁。另外想問下早上最好飲多一兩日檸檬鹽水助排毒 係指schedule 入面復食嘅第5-7日，定係7日排毒完成後再飲多幾日？

平甩功我係第一次聽咋，不過好似有見過，係呢個嗎？https://www.youtube.com/watch?v=_iQj_P896t8
都見到阿媽有fing 下手，不過佢好求其。我頭先試咗幾下，已經感覺到好似d血行緊，個人暖咗。今晚拉埋阿媽一齊跟住試下做～多謝你願意一路guide 住我呀 唔係我地排毒一定排得好迷惘

Salt 發表於 2016-4-19 20:01
今晚應該趕唔切出去按，等佢今晚返黎我同佢按住先 我唔識刮痧呀。。應該要等佢出去畀人刮了。我都覺得 ...

咁樣，不過我唔係好明你講嘅呢個選了12:00後無水斷食，加強排毒，無水斷食意思係指早上飲曬d 水，下午唔食唔飲嗎？定係水係指流質食物？

(無水斷食, 是我在營內, 有老師帶住斷食的一種方法. 你未試過就唔好試住喇. 無水斷食的排毒反應可能會比較多D架. 我都仲係研究中, 所以回港後無再試.
營內老師的做法係咁, 第三日斷食時, 早上照飲檸檬鹽水和清水去排毒, 12:00PM開始到第二天9AM左右唔再飲水, 只做拉筋, 打坐, 散步等活動. 透過完全0 東西進入身體, 並在身心完全放鬆的狀態下排毒. 情況有D似小說中的武林高手閉關練功咁囉. )

我就係諗緊如果我冇反應又唔餓係咪可以7日都唔食，定係其實都應該食d 呢？好似你話薑黑糖水和果汁咁。另外想問下早上最好飲多一兩日檸檬鹽水助排毒 係指schedule 入面復食嘅第5-7日，定係7日排毒完成後再飲多幾日？
(講到明七日唔食, 頂到唔食梗係唔食啦! 我係見你話你媽係咁叫肚餓, 又話唔舒服, 所以提議如果她太多不舒, 可以用飲薑黑糖水提神.
早上最好飲多一兩日檸檬鹽水助排毒 是指七日斷食後, 做多一兩日檸檬鹽水助排毒, 因為通常斷食完的復食時間都會斷續有毒素出來, 飲檸檬鹽水可以加強排毒囉.
薑黑糖水和果汁, 是在斷食後第四至五日開始飲, 俾自己個胃慢慢適應食物和味道的進入. 通常最快第七日可以食下易消化的素食了. )

平甩功我係第一次聽咋，不過好似有見過，係呢個嗎？https://www.youtube.com/watch?v=_iQj_P896t8
(YES, 就是這個. 好多長期病患人及癌症人士都做的運動, 年長人更加要多做, 活化手腳神經末梢. )

都見到阿媽有fing 下手，不過佢好求其。我頭先試咗幾下，已經感覺到好似d血行緊，個人暖咗。今晚拉埋阿媽一齊跟住試下做～多謝你願意一路guide 住我呀 唔係我地排毒一定排得好迷惘

講多件神奇野.

話說我16/2 晚上輕輕蹲下, 唔知係咪之前行山行得太多太快(因為想TRAIN自己跑山), 左腳內側半月板即時撕裂, 痛到不能伸直或屈腳, 腳板點下地都唔得, 要2個人抬我回家. 朋友勸我入院, 但我以前試過更傷, 知道入院實係將我踢來踢去等檢驗, 會無覺好瞓, 又一定要我做手術, 所以我堅持回家睡自己張床.

成晚隻腳痛到睡唔到, 晾起隻腳無咁痛, 但唔可以靜止咁耐, 總之好痛.

17/2 起床, 好腫好痛. 心諗唔通五年後又要經歷多次斷腳?  萬念俱灰下試下找以前跟開我CASE的骨傷醫生. 他是個好似怪醫秦博士風格的醫生, 唔准我食西葯做手術但可以治好我. 當年我斷前十字靭帶和附靭帶及外側半月板, 他唔洗我手術, 用類似氣功的方法令我自己好番.
今次受傷, 好彩找到呢位醫生, 原本他個日休息, 因為熟我, 早上立即回診所幫我治療, 2個小時的治療, 我由痛到想哭, 到可以自己站著, 雖然仲好痛, 但至少自己能撐住行, 唔洗俾人抬.

醫生話... 我最少要休養三個月才能開始運動, 而且今次半月板甩左成塊蛋卷咁既"骨片"出來, 卡在肉和關節之間, 所以我郁一郁都好痛, 但又唔可以唔郁, 叫我輕輕郁多D, 等個D 骨碎移向其他位, 唔卡住關節就無咁痛, 若唔痛就要做更多輕巧的步行, 靠身體自己吸收左呢D 骨碎...

個幾日我就忍住痛慢慢郁... 用仗用左3個星期.

19/3 剛好腳傷一個月, 真巧正是台南斷食營第一日. 當日隻腳只能正常行和上樓梯, 但落樓仍然有點痛和唔夠力. 當然不能跑, 更不能屈腳盤膝或日本人屈腳坐.

20/3 開始斷食, 就住隻腳咁做左好多拉筋等運動. 呢晚睡得幾好, 無乜野.  

21/3 這晚睡覺時開始黎料....  整晚四支關節燃燒一樣, 連帶腰尾椎都很痛, 以為個床肉太薄, 不停轉身就住睡, 但都好痛... 特別隻痛腳... 伸唔直.

22/3 死死下5.30AM 起床梳洗早操, 意志堅持住去拉筋, 嘔左好多胃氣, 飲完檸鹽水排便後, 又好似無咁痛. 跟住哈哈.... 老師教拍痧.... 我自己拍, 手腳拍左好多瘀血出來, 唔敢拍腳傷個位, 驚拍傷佢. 呢晚睡得好少少, 但腰尾椎仍然梗住痛.

23/3 日間我們學日本人屈腳拉小腿筋和膝部的筋, 嘩~ 有點痛, 好驚整到個半月板, 老師叫我盡量做, 覺痛就立即鬆開, 然後重復多次, 咁個傷口會好得快D喎. 我又試下.
呢晚呀.... 四肢再次燃燒地痛, 腳傷位和腰尾椎痛到火燒.... 睡不了....

24/3 早上蘇媽媽叫起床時, 我哀傷求救, 蘇媽媽說是排毒反應, 叫我排便後找她拍痧.
我死死下早操後, 頂唔順飲左啖薑紅棗水. 唔飲尤自可, 一飲....  肚痛.... 拉左一堆American espresso 和黑樹葉出來.... 行出廁所, YI?! 手腳無咁痛喎. 而且人也精神多.

哈哈.... 我好開心, 又好驚呀, 拉完要俾蘇媽媽拍痧.... 無喇呢次... 為免死得可怕, 我自己拍腳傷個位, 今次叫自己狠D, 拍左幾分鐘, 噢~ 出左好多瘀血. 但始終自己拍唔到腰椎, 惟有認命, 俾蘇媽媽 XYZ...  
蘇媽媽手起拍落, 我瘋狂一樣大叫痛呀...  .... 似古代打大板.  幾分鐘狂呼後, 她說出左好多瘀血.
雖然痛, 但隻腳屈住唔痛, 而且呢晚睡得叫最好.

25/3 離營前, 早上仍有檸鹽水排便, 人精神好多了. 拉筋時終於隻腳可以屈晒坐著, 可能之前有D瘀血塞左响半月板, 所以屈住痛. 現在瘀血出來了, 可以屈到腳. 再試下輕輕跑, YI?!  居然膝頭唔痛, 咁神奇?! 落樓梯呢? 嘩~ 無左之前的無力感!! 太感動了~
然後好開心咁帶住成身瘀青上機回港.

4/4 清明節, 行港島徑双崗山, 中伏, 上落二百米, 好多樓梯, 個下好驚隻新半月板未得. 好小心上和落, 雖然知佢無乜力, 但總算過關. 好倦... 新長肌肉特別倦, 回家睡死了.  隔天行路隻腳又輕鬆左.

9-10/4 原地跳和跳繩各200下, 增強肌肉力量, 叫膝蓋慢慢習慣跳動的壓力.

11-14/4 上班時多行路和慢跑, 唔搭地鐵, 行2-3個站, 增加運動量. 練原地跳和蟹行.

15/4 復診, 醫生都係叫我咪亂來, 但見到我真係可以FULL RANGE了, 佢唔鬼睬我~ 哈~

17/4 緩步跑45MIN. NO PROBLEM~

19/4 開始慢慢打波了, 只能很慢向後跳, 但至少能玩, 好感動.

就係咁我個復康因為斷食, 拍痧和拉筋, 令半月板快左痊癒.
不過咁, 我會繼續好小心, 唔會再加力令佢受傷.

jellyfishy 發表於 2016-4-20 10:08
講多件神奇野.

話說我16/2 晚上輕輕蹲下, 唔知係咪之前行山行得太多太快(因為想TRAIN自己跑山), 左腳內側 ...

明白。真係好似閉關練功 我諗呢個就算有老師帶住我可能都冇辦法做得到

原來可以7日都唔食～ 我見到個schedule 第5日開始復食素菜湯果汁以為係一定要o家添，我當黑糖水o個d 都計復食o家啦。不過阿媽呢兩日冇成日叫肚餓啦，酸痛都好咗少少，但佢話心口都仲係“ai”住咁。不過尋日輪到我開始餓，應該係因為。。。不停睇食譜  不過今日已經係第5日唔食o野，我諗要唔食多兩日都唔難嘅～ 主要都係心理上肚餓o者 我都同咗阿媽其實可以復食，畀咗你寫嘅佢睇，同埋話如果可以忍到口嘅就做足7日啦，不過如果真係好餓可以跟你咁食。因為其實只要知道係有option 可以選擇食，但係係自己選擇要唔食住，其實心理上就冇咁餓/難捱o家啦嘛。

明白～ 咁7日斷食完之後繼續飲多幾日檸檬鹽水再排下毒。咦又諗到樣問下先，咁如果平時便秘，可唔可以飲檸檬鹽水同清水幫手排便，但唔斷食呢？

尋晚同今日下午都同阿媽一齊跟住個video 咁做，唔太辛苦，不過我尋日第一次做，出曬汗呀～ 反而阿媽就冇，不過佢話個身興興地。我只係做咗15分鐘咋，佢做咗30分鐘添。今晚等佢返黎再一齊做。

睇咗你嘅神奇o野，真係好神奇 原本應該要做手術嘅居然可以唔靠手術就好返 蛋卷咁嘅骨片好嚇人呀。。然後我為食到凝望咗蛋卷兩個字好耐 。原來身體可以吸收返碎咗嘅骨o家？！ 居然可以畀預算早咗成個月好返，好厲害呀！打大板都值呀！ 睇到打大板笑死我。

好random 咁問。。點解會拉黑樹葉嘅 係咩黎o家？茶類？  

Salt 發表於 2016-4-20 21:03
明白。真係好似閉關練功 我諗呢個就算有老師帶住我可能都冇辦法做得到

原來可以7日都唔食～ 我見到 ...

咁如果平時便秘，可唔可以飲檸檬鹽水同清水幫手排便，但唔斷食呢？

我唔斷食, 有時便便唔多, 都會早上飲檸檬鹽水同清水幫助去宿便架. 上次就因為用晒鮮檸檬, 加上咽喉痛, 所以試下用咸柑桔.

黑樹葉: 咪就係MON住腸壁的陳年宿便, 照XRAY 照唔到架.

jellyfishy 發表於 2016-4-21 09:19
咁如果平時便秘，可唔可以飲檸檬鹽水同清水幫手排便，但唔斷食呢？

我唔斷食, 有時便便唔多, 都會早上飲 ...

咁下次如果唔暢順試下先
原來係咁。。咁我而家明 espresso 係咩啦

尋晚(第6日)胃酸倒流，唔想佢燒住個食道所以飲咗碗菜湯，斷咗斷食啦。其實o個時並唔係好肚餓，只係唔想令食道受傷，如果唔係我實等埋第7日，激死。反而阿媽而家好咗d，冇咁酸痛冇咁手腳冇力，心口都少咗"ai”住。佢準備過埋今日，聽日就可以開始飲湯啦～