第一次種檸檬薄荷

Salt 發表於 2016-3-8 13:54
乾到枯？ 徒長一定係唔夠光
咩係堆咗唔得？
蓋完面再禁實會唔會好難出黎o家？  ...

屢敗屢戰,, 等D 種子發芽再試過
呢鋪唔得就再等,, 下批先用 護苗盤,,
都唔知咩原因,,

反而本身果棵,大剪一輪家下生成都唔錯,,
你果批種子點?

heloleo 發表於 2016-3-9 20:22
屢敗屢戰,, 等D 種子發芽再試過
呢鋪唔得就再等,, 下批先用 護苗盤,,
都唔知咩原因,,

你有心機繼續嘗試就好啦 ～ 得咗真係好大滿足感的
我d青瓜蜜瓜都發咗芽長緊真葉啦，但有d慢，等緊太陽伯伯黎打救我

Salt 發表於 2016-3-11 09:19
你有心機繼續嘗試就好啦 ～ 得咗真係好大滿足感的
我d青瓜蜜瓜都發咗芽長緊真葉啦，但有d ...

我都等緊大陽伯伯
今次保鮮紙大法幾成功,, 幾日就有3粒出左芽
已經撕左保鮮紙..

要KEEP 住每日噴水等點?? 今次我要小心D
盆深,,泥少,, 已經打斜左D 黎擺 仲有咩小TIPS 請教下

heloleo 發表於 2016-3-11 10:54
我都等緊大陽伯伯
今次保鮮紙大法幾成功,, 幾日就有3粒出左芽
已經撕左保鮮紙..

出咗芽就唔好噴啦，一陣噴濕曬佢地up 住病死呀。滴/小心唔好淋到佢地啦。
你見到佢乾咗d就滴幾滴o係每棵周圍就好夠o家啦。佢地咁細唔係用好多水o家咋，唔好乾就得了(小心太陽出o個時突然乾)。而家陰天我諗幾日一次已經好夠o家啦，當然你要睇返你屋企係咪好乾燥啦～

你重新發芽都係盆深泥少？ 冇咩tips o家啦波。。唔好畀佢死算唔算

呢幾日咁潮濕,,唔洗點噴掛
上次D 店員話D 泥都好新,,咁我咪堆實D 係面到照放返種子..

上次出唔到真葉, 之後死左,,睇下今次點先~

Salt 發表於 2016-3-11 16:56
出咗芽就唔好噴啦，一陣噴濕曬佢地up 住病死呀。滴/小心唔好淋到佢地啦。
你見到佢乾咗d就滴幾滴o係每棵 ...

唔得掂WOR   今次又死死地,,
廿粒到,,發左幾粒,,

又係發左芽,,相繼身亡,,

得返三買棵,,等死中     

heloleo 發表於 2016-3-15 11:57
唔得掂WOR   今次又死死地,,
廿粒到,,發左幾粒,,

幾日3粒發芽撕保鮮紙，原來你落咗咁多粒。咁心急呀
不如你講下你到底點照顧佢地同埋影張相啦
你第一次種o個時係咪跟足種子包裝個指示？有冇相睇呀？

Salt 發表於 2016-3-15 12:54
幾日3粒發芽撕保鮮紙，原來你落咗咁多粒。咁心急呀
不如你講下你到底點照顧佢地同埋影張相啦
你第 ...

用呢種種子,英文差,,無留意包裝指示,,你幫下眼~
又係咁囉,,得返幾條草仔,, 有D 死左,又係枯哂,,

開頭落種子,放面,,蓋少少泥,, 濕水,,, 保鮮紙,幾日,, 出左芽,,打開,,3日滴幾滴水,,
打斜佢,吸下陽光~

heloleo 發表於 2016-3-16 10:44
用呢種種子,英文差,,無留意包裝指示,,你幫下眼~  
又係咁囉,,得返幾條草仔,, 有D 死左,又係枯哂,,

種子包裝冇咩野講 -
Lemon balm: 檸檬香味嘅葉有光澤同非常香，尤其係當d好細嘅花開嘅時候。灌木一樣咁嘅植物，有d木質嘅莖。 係一種柔和嘅______(反咗光睇唔到個字) 同抗病毒。植物會擴散。

Planting Tips: Lemon balm o係zone 4 可以係多年生植物咁種，或者係一年生植物咁種。植物喜好全日照至少少蔭。可以o係秋天直接播種去最後生長嘅地方(唔移苗) 咁就可以有早春嘅苗，或者春天確認唔會再結霜嘅時候下種。如果移苗嘅就o係打算定植前4-6星期下種。種子需要陽光發芽(佢官網教淺埋)。植物會擴展得好快，可以圍住佢個邊修剪黎保持個size。

o係涼爽乾燥地方保存種子。

咁樣。hmm。。。我都係覺得唔夠光多波，同埋泥好似好濕咁。
包裝右邊個表係咩黎o家？介唔介意影多張呀？

但係佢而家徒長都未有上次咁長，應該未會死o家波。應該唔係泥就係水了。3日滴幾滴水係見到泥開始乾定仲係好濕o家？個圍牆咁高呢排又冇乜太陽應該有排都唔乾o家？
搵返之前張相畀你睇先。我種o個時係咁o家。個蓋我影相拎走咗之後再蓋返(蓋有好細嘅通風位)。o個時佢地咁細用唔切d水又蓋住生青苔 夠光佢係好矮就出真葉o家啦。

Salt 發表於 2016-3-16 14:56
種子包裝冇咩野講 -
Lemon balm: 檸檬香味嘅葉有光澤同非常香，尤其係當d好細嘅花開嘅時候。灌木一樣咁 ...

你再睇睇吧

種子果到得返最左最右 係叫生存緊
中間 其他都枯啦

估唔到又失敗左。 好難捉摸～
有可能唔夠光 前排天氣差

heloleo 發表於 2016-3-18 11:13
你再睇睇吧

種子果到得返最左最右 係叫生存緊

你種成點呀？

Salt 發表於 2016-3-22 15:10
你種成點呀？

種子死哂啦
剪左枝 插左落去 睇下點先
種子可能要下星期天氣好d 先用育苗盤再試

heloleo 發表於 2016-3-23 12:36
種子死哂啦
剪左枝 插左落去 睇下點先
種子可能要下星期天氣好d 先用育苗盤再試 ...

點解又係咁少泥嘅。。。？插枝唔好曬太陽呀，冇根會乾。

Salt 發表於 2016-3-23 16:25
點解又係咁少泥嘅。。。？插枝唔好曬太陽呀，冇根會乾。

一直無再加泥   ,,原來要加返D 泥?

種野新手麻,, 上次見D 種子死哂,,嬲嬲地,,就咁插枝落去算~ 睇埋呢個星期睇下點先~

呢排D 陽光唔算曬~ 應該無事掛~

插枝果個唔生根 或者好似爛根
育苗盤新落種子

Salt 發表於 2016-3-23 16:25
點解又係咁少泥嘅。。。？插枝唔好曬太陽呀，冇根會乾。

邊樣唔曬得太陽? 我收起左先//

你用返回復覆我吧,, 點評有時無留意~

heloleo 發表於 2016-3-26 16:03
邊樣唔曬得太陽? 我收起左先//

你用返回復覆我吧,, 點評有時無留意~

點解又係咁少泥嘅。。。？插枝唔好曬太陽呀，冇根會乾。

種子可以曬。插枝未出根唔曬得。插得3日冇咁快出根。

Salt 發表於 2016-3-26 17:34
種子可以曬。插枝未出根唔曬得。插得3日冇咁快出根。

家下軟皮蛇咁,, 係咪正常  D 葉都下垂哂   

heloleo 發表於 2016-3-26 20:40
家下軟皮蛇咁,, 係咪正常  D 葉都下垂哂

因為冇根曬太陽。放返去陰涼位加返水畀佢或搵野罩一罩佢成棵睇下佢轉頭會唔會企返起身啦。如果幾粒鐘／到聽日都唔起返身就可能byebye咗lu。記住就算佢起返身都唔好曬佢。出咗根先好慢慢移去曬。

Salt 發表於 2016-3-26 21:33
因為冇根曬太陽。放返去陰涼位加返水畀佢或搵野罩一罩佢成棵睇下佢轉頭會唔會企返起身啦。如果幾粒鐘／到 ...

死啦..家下仲軟皮蛇,,,頭先再加返D 水,,睇下今晚點
變左植物殺手,,種子又唔得,,插枝又唔得