Lemon brasil,種極都冇

係咪而家天氣種唔到,網友送給我的一半種子埋泥,結果連一枝芽都冇,請問是否有什麼地方要
注意?

種子是否 Cora 分享的?

是呀,你又知既?

我出左好多苗

我廿幾號到而家,全部死哂,分左2-3次添啦,我係咪做錯咩?

係咪種子埋得太深呀,如果種子埋得太深就會出唔到

echoleelee 發表於 2016-1-8 08:33
我廿幾號到而家,全部死哂,分左2-3次添啦,我係咪做錯咩?

我都係種 Cora 分享的種子, 成功率九成以上的, 應該係你唔識種了

其實應該唔關種子事，我都是用她的種子，而絕大部份都長出幼牙，但就是應該我不懂，於是很多在1吋高左右就開始謝了，可能是我的淋水方法啦！所以我正在研究緊點樣淋水。

出芽後水乾先淋水，唔好每日淋，又唔好聽人講每幾多日淋一次，
每個種植地點唔同，盆內水分用完時間都唔同，唔可以一概而論，
見泥乾得八八九九就要即淋，每次要淋透。
盆大細都好講究，小苗最好移上苗托或細盆，咁先唔會太大盆太多泥幾日都唔乾。
平日成日話水多水多既就係指盆內水分未用得晒就又補充水份，
咁盆內就一直濕，變成長期過濕，爛根便由此而起。

原來是這樣,而且我懷疑之前將成朵花埋其實果d黑色一粒粒已經甩掉花朵

咁請問，出芽後大約幾高，就要移去細盆呢?連泥一齊移?

兩片假葉中間開始有尖尖凸出，
即真葉快出之時就可以上小盆或一格格既育苗盆或稱為苗托上重點栽培，
移苗盡量唔好傷到根，但可以剪主根尖，記住係根尖，唔係成條主根剪走，
咁做可以逼佢生多多啲側根，但莧科植物就唔好剪。
呢個時候移苗係無泥膽包住，移完要收陰一兩日等根修復，唔好即刻隊出去曬太陽。

如果只種少量，可以直接點播，即播種時每粒一小盆或一格重點栽培。

當小苗去到4-5吋高，葉面大至覆蓋苗格就可以上大盆，
呢次移苗，根已經包圍成個泥膽，移植時唔需要除泥，成件包泥膽脫盆上大盆，
由於唔似得上次移苗係裸根，今次係包左泥膽，所以唔需要收陰，
淋透水後就直接隊出去曬太陽。

魚唔過塘唔肥，植物都係由小移去中再移去大盆或落地種先會大得快。

除左以上要注意，仲要留意施肥。

明白晒!多謝你講解。

Ok, 等佢地高到3~4吋，再移去獨立盆。

我都係Cora 分享的種子呀～ 種子好好，我呢一round 開始轉水耕所以試種下先落咗兩粒種子，兩粒都出咗仲健健康康。
我用海棉發佢都出到，其他d種子都冇佢咁快出