非洲紫羅蘭 (求救～～～泥轉水種)

各位愛心英雄，救命啊～

想問一下，我盆ａｖ種咗都３年了，一直用泥種的。

但近日，由於山榆莖情況嚴重，無論我點添泥佢都企不穩，所以我就把它改為水種，希望可以比佢企得好一些。

轉了一星期左右，佢好似生唔到ｄ水根，而且今日ｄ外圍大葉軟晒。

點算好呢。。。我應該唔理佢繼續觀察吖，還是要急救佢喇？

我將佢改用水種時，只是輕輕移除晒ｄ泥，之後直接插水，唔知步驟有無錯。。。　

我無切佢個莖的，仍是保留舊根而去插水的。。。

未出新根吸唔到水, 外圍葉軟哂係正常的, 依家只有等佢出水根, 將整棵植物放入溫室, 盡量令周圍的濕度高d, 或有一線生機的

建議你剪短山俞莖，莖節留2cm, 而後輕輕刮走老莖上的啡色皮(不要太深), 等待風乾(如有hi-Fresh 可塗在莖節傷口上), 等15~30min, 我會用手摸的，乾後可直接落盆放温室，每天打開蓋換氣！希望幫到你

一定要除去所有泥根，唔係會成株腐爛。跟住紅豆包做法就ok。要比d耐性等水根生，大概要三星期左右。葉軟係正常，放入溫室就ok。

其實紅豆包的做法也可以用在山俞莖泥插的. 基本上約等於把花花砍頭 (在外國買花回來也差不多) . 在有溫室的情況下,一周就能出根,兩周就挺穩了.

多謝各英雄教路～　其實我有10幾盆，早前找Ｄ年輕細棵既來試下，都成功。

但到我處理呢盆＂始祖＂，效果就令人擔心。

如果我依家先切短條莖，佢會否元氣傷上加傷，已冇力生根。。。？　因為佢有些葉掌心咁大，一半ｓｉｚｅ已彎下。。。

ecchan 發表於 2015-12-23 10:10
多謝各英雄教路～　其實我有10幾盆，早前找Ｄ年輕細棵既來試下，都成功。

但到我處理呢盆＂始祖＂，效果就 ...

估計你沒有把山俞莖去皮，（好似批蘿白咁去皮）等風乾20分鐘再插泥入温室两周就可搞掂！

ecchan 發表於 2015-12-23 10:10
多謝各英雄教路～　其實我有10幾盆，早前找Ｄ年輕細棵既來試下，都成功。

但到我處理呢盆＂始祖＂，效果就 ...

如果擔心，就剪定一塊葉做後備，如果乜都唔做，嗰棵Av就一定無得救！

馬上去莖去皮!!

記得風干最少20分鐘！

收到!!

好彩大家鼓勵我馬上切，昨天發現莖既一半位置霉咗，一拉就斷。

我已搣走多一層軟葉，莖也已去皮。不過，只能保留大約１ＣＭ左右浸水。

想問一下把它放在陰暗位置好嗎？　還是室內既光管下就可以？

謝謝各大路過英雄！

ecchan 發表於 2015-12-24 14:01
好彩大家鼓勵我馬上切，昨天發現莖既一半位置霉咗，一拉就斷。

我已搣走多一層軟葉，莖也已 ...

浸2mm就ok，陰些少。

我都試過將AV由泥改水種，效果不錯
你可以參考我之前出的帖，看看能否解決你的問題。
http://hkplants.com/forum.php?mod=viewthread&tid=134561&mobile=1

放完假回公司睇，見盆花花仍健康浸水中，雖然Ｄ葉軟軟地，但相信沒問題的。謝謝各位

supermanman 發表於 2015-12-27 22:49
我都試過將AV由泥改水種，效果不錯
你可以參考我之前出的帖，看看能否解決你的問題。
http://hkplants.com/ ...

一口氣睇晒你盆花花，開得好靚呀～

現在還是不斷地開花嗎？　你落幾多滴肥佢？每週也落嗎？

如果仲係生唔到ｄ水根，係水種死硬

已成功生根, 而且培養出好多盆喇

不過, 我發覺用水種，佢D葉生會得冇咁有規律（不整齊），嫩葉既中心位置好迫，容易爛葉。

Ｄ水唔知點解由下面根抽返上去嫩葉群面層既中心，結果Ｄ嫩葉仔成日比水浸住咁，成日爛。

我個盆，水位不高的。