有關煙草水驅蟲

因為小弟既香草一直受小飛蟲騷擾 所以一直四出搜尋可以除蟲驅蟲之法
之前睇到有資料話煙草浸水可以用當中既尼古丁殺蟲
有人有具體一點既資訊嗎???
是用一般香煙拆開煙頭跟煙紙 用當中的煙草碎浸水嗎??有沒有人試過成效如何??
對食用植物安全性上可行嗎?

想問下你o個d 小飛蟲，你諗住煙草水淋泥定係噴葉？定係見到d蟲就向佢地噴？
我早兩日咁啱見到一篇話o係2手煙嘅情況下或者泥裡面有nicotine，植物會吸收埋d nicotine o家，我諗煙草水可能都會有相同效果。
雖然好多植物本身都有微量嘅nicotine，但怕唔怕？

我就係想知個實際做法係點 或者搵到更有效既驅蟲方法 好難得R到一片小天地種野 再咁多小飛蟲冇改善好快就會俾人迫我丟架啦

我係諗唔明佢飛黎飛去你係諗住點噴。。所以先問者～其實你都冇答到我，我係擔心你用煙草水噴香草，d香草吸收曬d nicotine，唔知會唔會唔係咁好者，話曬都係食d葉o家嘛～
我都係新手，但。。你d小飛蟲有冇食你d葉？係泥到飛出黎？如果係泥到飛出黎，其實你有冇諗過換泥？
正好失眠諗住順便幫你睇下資料當學多樣野。但我又唔知頭唔知路，又唔知咩香草又唔知咩蟲，都唔知點幫你睇好。。
如果你都係想用煙草水，google 就有用法啦波。。其實你有冇搵過o家網上資料有d話浸過夜，有d話直接加水煲然後放涼再用。如果浸完都係淺色嘅就就咁噴，如果係深色就稀釋再噴，用量每個網講嘅都唔同，如果真係要用。。我諗最好都係由最少用量開始試啦。
如果我係你。。如果唔係太多盆／太大盆我可能會試咗換泥先，始終都係要食，最大鑊我可能會直接再插枝（而家都插緊）只係我個人意見者你可以當我冇講過o家

我啱啱八卦search 下呢到。。原來已經有前輩講過煙草點用啦。。