在淘寶訂購植物來港經驗交流（Update: 19-5-2018）

大家在新年期間，香港長假期都儘量唔好訂貨呀，上次我响聖誕前一星期有多訂貨，結果攪足成個月，激死我，好在嗰次係訂花盆，唔係訂植物，如果係植物，老早死掉啦！跟住貨物中有一個花盆裂咗，叫佢補寄一個，佢突然失踪成個星期冇回應，跟住無法之下，申請淘寶介入，佢先至死死氣地回應話冇收到我的留言，仲影埋相比我睇話我根本無响旺旺留過言，氣得我幾乎爆炸，跟住我影低個花盆裂縫圖片，重有响旺旺對話的圖片，佢先至無聲出，先至肯退回嗰個花盆嘅錢比我，呢間嘢唔知用乜嘢方法，可以刪改佢電腦內的旺旺對話，好在佢刪改唔到我這邊的旺旺對話，如果唔係，真係有口難言，無憑無據呀！所以我以後都唔會再幫襯呢一間店舖買嘢!

好平同好貴，有些店舖價格相距好大

¥4.5~¥2,400.00

球根類，空鳳，用集運OK。
如果蘭花，祼根的植物，最好用順丰。
因為放多過4日，生命有危險。

八王爺 發表於 2016-2-15 16:18
球根類，空鳳，用集運OK。
如果蘭花，祼根的植物，最好用順丰。
因為放多過4日，生命有危險。 ...

八王爺大大，我也明白呀！但聽經常訂花的朋友忠告說，千萬不要揀順豐，因順豐會拒收淘寶植物轉運來港，所以只好採用其他速遞而不敢用順豐呀，八王爺大大，你是採用順豐運植物來港的嗎?

想像冰菜的味道是怎樣的?

其實好想响tb淘d新鮮冰菜落嚟試下味道，不過，聽說有些試食報告話好難食，所以重係唔敢訂住呀！

謝謝八王爺提醒盜圖及速遞問題，會加倍留意商舖質素，再次謝謝你!

看到很多人找尋的憂遁草，淘記也有得賣，不知是否如傳說中的真正憂遁草，對此草認識不深。

綠貓Kohleria'Beltane'

從tb訂購回來的綠貓，開的花朵與店主描述的完全不符，無奈。

由綠貓變成紅貓

我有試過在淘寶買牽牛花和鷺草種子，種出來的和店家說的一樣；但也試過買劍蘭球根，種出來的根本不一樣。所以，應該是個別店家的問題。

Bing 發表於 2016-4-18 21:50
我有試過在淘寶買牽牛花和鷺草種子，種出來的和店家說的一樣；但也試過買劍蘭球根，種出來的根本不一樣。所 ...

唉，最無法控制的是，植物要種很久的時間才可分辨真偽，我試過一次過訂十種不同顏色的風雨蘭回來，到現在尚未開花，開花後是否同廣告一樣，天曉得了，但貨到不久時，我再到此店舖一遊，順便再看多些評價，才發覺該店主一路欺騙顧客，顧客評價無論客人訂幾多種顏色的花球根，種出來結果都只有一種最平最普遍的顏色，即是你訂多少種顏色也無用，最終你只會得一種顏色，我大吃一驚，結果，我立即詢問店主關於那些負面評價，最初支吾以對，後來，又對我說那些人造謠，他保証是誠實的店主，給我的貨一定對色，叫我不用担心，但我的風雨蘭尚未開花，天曉得誰是誰非啦！

未試過淘球根,不過早前淘咗20個白色花盆,點知昨天收到20個黑色,店主話全數退回錢給我,人家做生意也要成本的,當然不好,最後也堅持退回十元給我,這樣有誠信的店舖必然令客人回頭再幫襯~

corina 發表於 2016-4-19 13:39
未試過淘球根,不過早前淘咗20個白色花盆,點知昨天收到20個黑色,店主話全數退回錢給我,人家做生意也要成本的 ...

你都相當大方，頗有同情心及同理心呀！令我尊敬非常。
我都遇過一個例子，我光顧一位花店女店東，她一面要照顧孩子上學放學，一面做賣花生意，我向她買了數款球根，我一時忽略了運費的優惠，結果過數過多了幾十元給她，她不單主動告訴我收多了幾十元運費，而且承諾在下次再訂購時扣除本次多收的費用，果然於下一次訂購時，全數退回差價給我，真的好老實呀！好難得呀！

wongcc 發表於 2016-4-19 20:51
你都相當大方，頗有同情心及同理心呀！令我尊敬非常。
我都遇過一個例子，我光顧一位花店女店東，她一面 ...

唔好咁讚我，只是小事，不過店主主動提出全數退款給我也令我驚訝，説實話，淘寶兩年，所遇的店主也不錯的，有次淘仙人球，覺得球體不大美觀，店主放工後去大栅瞭解植株和工人發貨情况，向我解釋可能開花後球會瘦一點，還親自挑選一株送给我，郵費都出埋，我收到後真係覺得唔好意思！

其實我都覺得人與人之間，如果事事先君子後小人，大家心中都好過d, 凡事唔好睇得咁負面，可能生活會心情愉快d呀！

你運左香港之後的植物 會唔會好干

nchiu 發表於 2016-7-17 20:08
你運左香港之後的植物 會唔會好干

不會, 睇你選擇賣家的內地位置 , 預一個星期..加運來港- 搞掂...
月季 / 食蟲 連泥/水苔和盆運來的 , 多肉大多數裸根...

我都覺得唔干，因我大多數訂球根植物，佢地包裝保護得唔錯，如果迷岩中岩嗰d咁脆弱的葉花就會有少許干的情況，不過因連泥運送，經過一星期的旅程，重可以接受，不至太差。

wongcc 發表於 2016-7-18 11:44
我都覺得唔干，因我大多數訂球根植物，佢地包裝保護得唔錯，如果迷岩中岩嗰d咁脆弱的葉花就會有少許干的情 ...

夏天太熱，也不要淘了。
球根也會焗熟。

八王爺 發表於 2016-7-27 11:53
夏天太熱，也不要淘了。
球根也會焗熟。

八王爺，知道！謝謝提醒！我已停止咗淘啦！雖然購物車揀滿晒植物，都係按兵不敢動，而家等緊秋天，不過，而家極端天氣，季節已經唔係咁準時應節，可能秋季過咗，我估天氣先會涼翻d喎， 而家真係好熱，家中的植物好多都頂唔住不停燶葉，好慘！

上兩個月淘的風雨蘭今天開花了，開花對色，算不錯了！