森樹 病後...又回復....又再病...的過程紀錄

我屋企有棵森樹都就要死...

Purple17 發表於 2016-1-9 18:01
我屋企有棵森樹都就要死...

有無相呀？
上次我果棵剪左d仲係綠既莖去浸水，隔左兩個星期度，終於都發根，
你都試下，可能work

warren0713 發表於 2016-1-9 18:27
有無相呀？
上次我果棵剪左d仲係綠既莖去浸水，隔左兩個星期度，終於都發根，
你都試下，可能work ...

好多可能性，最好係有相睇，
不過多數都係多水得滯爛根，
你幾耐淋一次水？

3枝有1枝死,
其餘2枝終於都慢慢回覆番,
起初死果枝剪左出黎浸水有發根,
但係唔知係咪根未生得多既情況下落泥, 所以隔一排瓜左柴,
報告完畢

唉~又死多一條喇, 唔知點解無啦啦好DUM, 整走D泥, 發覺無乜根
其實我一星期都係淋2次度,

請問各位大大, 我依家咁樣浸住佢0岩唔0岩呢?

似乎變咗做森樹的死亡紀錄

B17 發表於 2016-8-10 11:41
似乎變咗做森樹的死亡紀錄

係呀~死埋就要改名, 都唔知點解會變成咁

樓主有興趣嘅話，可以試吓下面嘅方法，或者剪一條枝條嚟試。我試過用哩個方法救番幾棵植物，所以覺得哩個方法養根幾好。不過未試過森樹。
http://hkplants.com/forum.php?mo ... =%E6%92%9E%E7%89%86

如果救得返嘅話，再種返落泥，因為泥先有養分畀植物長期生長。

多口問句，樓主原本嗰個玻璃容器（唔係最後張相嗰個）係咪無底孔嘅呢？

Bing 發表於 2016-8-11 21:46
樓主有興趣嘅話，可以試吓下面嘅方法，或者剪一條枝條嚟試。我試過用哩個方法救番幾棵植物，所以覺得哩個方 ...

係無底孔架~所以下面放左D石比佢梳水, 可能始終都係要有孔先得

我都種有幾棵森樹....我一個星期才淋水
你盆水多爤根

剛剛才看到你的post。我只種過雪花福綠桐，都係森樹家族。森樹似乎怕多水，我試過水種，死過兩株，第三株我特意用梳水的泥，種在office見光管光，終定下來並生新枝葉，不過過程緩慢，要有耐性。也試過向東的窗邊接觸早上的陽光，也生長良好。所以詁計它可以偏乾而不可以偏濕。

為救樹剪了兩枝,
現在發根一段時間了,
大家覺得應該怎麼做好?

因為前陣子放入泥後, 很快便發黑死了, 是不是落泥後不應落水?

warren0713 發表於 2016-10-24 13:47
為救樹剪了兩枝,
現在發根一段時間了,
大家覺得應該怎麼做好?

森樹水種泥種都可以啦。水種要勤換水及定期加營養液，泥種就要略多水但盆要疏水好。
你的可以上盆了，空氣不要太悶就生長健康呢。可參考我的少少經驗!

kitwolf 發表於 2016-11-1 14:46
森樹水種泥種都可以啦。水種要勤換水及定期加營養液，泥種就要略多水但盆要疏水好。
你的可以上盆了，空氣 ...

謝謝你的建議

warren0713 發表於 2016-11-1 14:27

你嘅森樹現況如何？

有2條CUT左落黎浸水有生根, 不過有一棵落泥後又死, 另一棵就仲浸緊水

會唔會係水生根入泥時整斷咗（因為水生根比較易斷）？

fm_plant 發表於 2017-5-17 17:11
會唔會係水生根入泥時整斷咗（因為水生根比較易斷）？

就係咁樣喇,我都唔夠膽再落泥

或者分享個心得：
要繁殖森樹，除咗用 “枝幹” 之外，其實仲可以用健康嘅 “葉柄” 扦插，不過切記生根移植入泥土後，應該等泥土 “比較乾”（如果喺室內種要更加注意）先至可以再淋透水（盆/泥一定要合理疏水。泥種唔可以用無孔盆：除非你只係想佢短暫生存 ）。

具體做法：
剪下一 D 森樹嘅葉柄條（每條葉柄都保留約一半左右葉片），然後直接插穩喺植料（植料最好用 “種蝴蝶蘭嘅水草/椰絲”，盆一定要有去水孔），保持水草 “微” 濕（絕對唔可以太濕）、之後放喺 “遮陰” 嘅地方，就好易生根成活。

“葉柄條” 扦插好處：比 “枝幹” 可以剪多好多嘛，一次可以繁殖多 D，確保成效！而且森樹算生長得快速，好快你可能會好似我咁，要頭痛揾位擺。