森樹 病後...又回復....又再病...的過程紀錄

剛發現森樹有一枝突然垂下,
有白色細粒小昆蟲,
泥土有小許水氣, 應該不是不夠水造成

1) 請問是否要立即清走舊泥換新泥?
2) 玻璃盆是否適合森樹? 因最初用意是想看清楚濕度
3) 現已搬去窗台曬太陽, 有幫助嗎?

剛剛到花店問老板娘,
佢話只可以抽起壞死果部份枝莖,
再將附近D泥去掉(但唔可以全部清走泥),
然後再蓋D新泥上去,
我問佢洗唔洗整D野去消毒, 佢話唔需要,
請問咁樣既做法正唔正確?

我已經忍唔住抽起左枝條發軟懷疑爛果枝,
但見到根部又好似唔似爛,
我依家可以點做?

有無人可以講下用咩方法呀？

咁大棵都冇乜根既？
d泥好似好新，啱啱種落盆？
見唔到白色細粒小昆蟲?

B17 發表於 2015-10-28 22:26
咁大棵都冇乜根既？
d泥好似好新，啱啱種落盆？
見唔到白色細粒小昆蟲?

可能我整斷左少少~
D泥係舊既~用左一年度喇
白色果D係好細好細粒架~

可以點算

warren0713 發表於 2015-10-29 11:43
可能我整斷左少少~
D泥係舊既~用左一年度喇
白色果D係好細好細粒架~

即係種左好耐，唔係新買？

B17 發表於 2015-10-29 14:49
即係種左好耐，唔係新買？

唔係新買

覺得根太少，支持唔到咁多葉，不如試下浸水，等根多番再種番落泥度

今朝回公司, 看到玻璃盆(圖右2) 的枯了一半葉(圖是已剪後拍下的),
上星期已將3枝主莖的其中一枝懷疑爛的水種了, (圖最右)
其他分枝於懷疑爛的主莖剪下,

請問大家覺得正確嗎?

放左落水好耐都無出根, 依家加左泥試種, 唔知成唔成功呢?

係咪無人答到我佢地係咪無得救

曬到變左兩住菜

B17 發表於 2015-11-19 18:43
曬到變左兩住菜

我拎出去影相咋～無曬，怕佢頂唔住

不如買過盆算啦

轉陶盆啦，你個玻璃容器似係無底孔，唔去水易爛根。
扦插果啲謝晒咁滯，扦插未有根，唔好放有太陽照既地方，死硬。

陶盆其實個好處係乜?

其實我都係放係陰暗地方等佢復原,
但都係謝哂~
反而之前用水浸住仲好D, 只怪自己太心急

唔用陶盆都唔好用無底洞既玻璃容器，
唔去水，易爛根。
陶盆透氣

http://youtu.be/a4hcqIQ7qbY
留意1:51秒，睇睇人地點扦插
基本上係睇整棵植物既平衡，一棵健康既植物枝繁葉茂，
泥入面既根都要有返咁上下多先可以支撐到棵植物，
兼且可以夠吸水能力供應泥上枝葉做光合作用，
葉片一開始曬太陽亦會有蒸發作用。
如果你剪一段分枝出黎扦插，首要風乾傷口，不要隨剪隨插，
好多時細菌都係經傷口入侵，另外可以涂些hi-fresh或硫磺或草木灰保鮮防腐，
如果係比較難發根既植物可以涂些生根粉。
你睇到段片，有無諗過點解要切咁細段，仲要剪走大部分葉？
你剪落黎既一段係無根既，即係幾乎無吸水能力，但如果呢個時候葉多會點？
葉片都要靠根供水生存，但無根何來支持咁多葉既生命？所以點解我話要睇整體平衡。
無根就要盡量前走大部分葉，有時會剪剩半片葉，甚至乎只剩三分之一片葉，
咁做可以減少植物光合作用時需要大量抽水上頂部供大量葉用，
亦可減低面積減少蒸發，當然亦都要將植物放喺陰涼處以免暴曬。
做到以上都唔一定成功，只不過可以增大機會，始終有啲植物比較易生根，有啲就比較難。
另外有啲植物需要用老枝扦插，有啲就需要嫩枝。

所以點解除舊泥換盆要修剪外圍或底層老葉，
除舊泥好多時都傷到大量根，就算留泥膽都會有損傷，
呢個時候泥上枝葉同泥下面既根唔得平衡，
枝葉多但正常無損傷既根少，咁就失去一向種植緊時候既平衡，
如果唔修下舊葉老葉，會增加瓜柴既風險。

ae86hkplants 發表於 2015-11-23 22:04
所以點解除舊泥換盆要修剪外圍或底層老葉，
除舊泥好多時都傷到大量根，就算留泥膽都會有損傷，
呢個時候泥 ...

謝謝你詳細回覆,

其實以上既野我都有做,
不過可能葉 剪得唔夠多, 同埋太急無風乾,

依家我將主株再剪多D葉, 希望會慢慢復完啦