Hoya and his cousins Dischidias , Dischidiopsis

Aking 發表於 2017-5-13 20:15
S小小大大無端賞分比我嘅，我冇做過嘢喎
好奇怪！找 Dischidiopsis 或眼樹蓮屬都找不到，
一定要加埋p ...

A小小大大有好有心幫我搵喔
我係種嗰個都唔清楚......你可以堅持係同一屬
我都睇過呢個網頁
呢屬可以睇嘅資料唔多
都係睇圖認花咋

Aking 發表於 2017-5-13 20:25
估唔到個展會咁多好嘢賣！下次要預多啲時間，
仔細睇清楚有冇寶物先得  ...

嗰時為毬蘭瘋狂緊 , 唔知係咪寶 , 買咗至算嘅心態咋
睇返啲嘢.....其實我有呢屬好耐 , 不過從來未開過花 , 懵盛盛唔發覺

Dischidia snaily

sherimavis 發表於 2017-5-13 20:42
我都係新手 , 多多指教~!!!  
小網草係點樣架  
大大喜歡啲植物都幾鬼別喔   ...

樓主點會係新手呀   同我開玩笑咁盞鬼!

多多指教



我買的小網葉係Dischidia ovata, 但係啊BUNBUN個衰鬼貼紙個名係Dischidia pectenoides (即是玉荷包 )

我返去屋企搜時嚇左一嚇, 因為一來D葉完全不同, 二來玉荷包我以前已種過, 後來搬屋俾左人亦冇想過再種.....

幸好最後都俾我搵返佢個正式名稱

川流不息 發表於 2017-5-13 21:07
樓主點會係新手呀   同我開玩笑咁盞鬼!

多多指教

我種嘢唔叻 , 對植物又冇咩研究 , 當自己係新人無咁瘀嘛~!
有時花店啲名唔好信喔
亂咁寫㗎 , 同一屬都算好 , 錯到離晒譜都見過.....

sherimavis 發表於 2017-5-13 21:12
我種嘢唔叻 , 對植物又冇咩研究 , 當自己係新人無咁瘀嘛~!  
有時花店啲名唔好信喔
亂咁寫 ...

係! 有D舖頭仲鍾意當所有植物係年花咁自己作「好意頭名」俾佢地

但我呢D 種野經驗淺既新手, 真係好靠個正式植物名來搵資料和人家既種植心得,

之後再加上慢慢實踐+觀察, 再修正。

個名唔啱仲要係小苗, 會特別困惑呢...



其實我對好多植物都好有興趣的, 尤其是入左呢個FORUM之後。

但家裡位置有限, 要選擇取捨在所難免, 慢慢來種不同的品種囉~

川流不息 發表於 2017-5-13 21:24
係! 有D舖頭仲鍾意當所有植物係年花咁自己作「好意頭名」俾佢地  

但我呢D 種野經驗淺既新 ...

係呀.......真係信一成都雙目失明
有時花海汒汒好難搵
上嚟搵人幫手就快得多 <~ 人版
大大興趣好廣泛喔
但係最喜歡會係邊樣呢

總之就唔係毬蘭啦 快d開新主題，搬走佢

B17 發表於 2017-5-13 22:00
總之就唔係毬蘭啦 快d開新主題，搬走佢

B17大大改好咗喇~!!!

sherimavis 發表於 2017-5-13 22:06
B17大大改好咗喇~!!!

咁矛嘅 祇怕佢地會被hoya嘅美麗淹沒得無影無蹤

sherimavis 發表於 2017-5-13 21:33
係呀.......真係信一成都雙目失明  
有時花海汒汒好難搵
上嚟搵人幫手就快得多   ...

唔好大來大去了, 唔介意的話叫我阿川啦 ww

係呀~ 但有時唔係幾好意思問D太低B問題   

所以仲係有好多疑惑


而家個重心係響 空氣鳳梨, 另外有小量多肉 (以前種開但多數種得唔太好, 但今年見好多跳樓貨所以又入左少少 ><)

另外今後預計會增加的係毬蘭同鹿角蕨

自己都覺得好花心哈哈~

B17 發表於 2017-5-13 22:11
咁矛嘅 祇怕佢地會被hoya嘅美麗淹沒得無影無蹤

粒花好似燈胆 , cousins應該唔會介意

川流不息 發表於 2017-5-13 22:13
唔好大來大去了, 唔介意的話叫我阿川啦 ww

係呀~ 但有時唔係幾好意思問D太低B問題   

阿川 , 你好~!  叫我Mavis吖
自覺才疏學淺 , 唔敢"大"人㗎~!!  
毬蘭一度我為他狂.....
不過屋企位置有變 , 種得唔好 , 唔可以再買啦~!
蕨類好靚 , 鹿角蕨更加靚上加靚
如果有地方一定想試種
貪心係人嘅本性 , 我都係咁上下

sherimavis 發表於 2017-5-13 22:29
阿川 , 你好~!  叫我Mavis吖  
自覺才疏學淺 , 唔敢"大"人㗎~!!   
毬蘭一度我為他狂..... ...

Mavis你好~

>> 不過屋企位置有變 , 種得唔好 , 唔可以再買啦~!

咁慘?!?! 其實我都係試下種架咋, 唔得又改種其他囉 .... (喂)

鹿角好靚呀, 其實種佢地都有少少不計後果, 不過我種得大先算 哈哈哈哈~

咁Mavis你呢? 我見你都好多幢樓啊, 現時最愛係???

川流不息 發表於 2017-5-13 22:50
Mavis你好~

>> 不過屋企位置有變 , 種得唔好 , 唔可以再買啦~!

如果係真嘅樓就好lu......未瞓都發緊夢
份人貪心無計 , 基本上樣樣植物都覺係靚
不過講到最鍾意都係多肉
可能係第一樣令我開始種植
又或者係佢變化多端....肉騰騰 , 得得意意......有花開仲幾靚.......
最後只得一個字~~>鍾意就係鍾意

sherimavis 發表於 2017-5-13 23:04
如果係真嘅樓就好lu......未瞓都發緊夢  
份人貪心無計 , 基本上樣樣植物都覺係靚
不過講到最鍾意都係 ...

我都想呀, 咁就好多地方種野lu (另一個發夢既人ww

多肉又真係好吸引的, 顏色又豐富款式又多。

不過我今年都最後機會架喇, 再死就只好認命同死心, 俾唔到好環境佢地都冇辦法lu~

到時疊埋心水讓返D位出黎種其他野 (哇哈哈

川流不息 發表於 2017-5-13 23:12
我都想呀, 咁就好多地方種野lu (另一個發夢既人ww

多肉又真係好吸引的, 顏色又豐富款式又多。

香港人嘅居住質素係一個大城市嚟講都算數一數二..................差~!!
呢啲係所有基層市民嘅心聲
講種肉好似有啲灰咁.....
想問吓你個環境係點....啲肉肉有咩問題喔 ~

sherimavis 發表於 2017-5-13 23:21
香港人嘅居住質素係一個大城市嚟講都算數一數二..................差~!!
呢啲係所有基層市民嘅心聲 {:emo ...

係呀......又貴又細......

唔得呢個話題真係好灰, 我地SKIP左佢啦.....



其實我搬過, 未搬前種肉肉的地方有兩個, 一係曬到太陽但空氣唔夠流通, 一係就空氣流通但光線不足.....

咁搬來而家住果度時, 好多肉肉都已經仙遊了....淨返的多數係好硬淨的品種例如係仙人掌仙人球咁.

然後果個時間開始我又迷上左空鳳所以冇再入肉肉貨ww

而家住果度都係得西南向騎樓不過都夠通風既, 光線都足, 唯一唔好就係樓下開冷氣D熱氣都蒸上來....

經過上一個夏天, 發現前年留底的肉肉好多都仲捱到, 所以今年見到跳樓貨又入左D 試下囉~ 就係咁喇

川流不息 發表於 2017-5-13 23:59
係呀......又貴又細......

唔得呢個話題真係好灰, 我地SKIP左佢啦.....

向西南如果前面無遮擋應該都幾夠太陽<~同我一樣
不過夏天就一定會熱…仲要加上係冷氣位
想問吓樓下幾時開冷氣多㗎，會唔會日抖都開~?
冇錯…仙人球，烏魚玉，鸞鳳玉之類，係球體應該問題不大
其他肉肉就要適當收起，或者搵啲高大嘅遮擋一下
其實肉肉都可以好捱得熱，只不過熱得嚟一定一定一定要通風
唔可以比佢又熱又濕……
無論盆，植料，淋水……都要小心同留意
比啲時間佢地適應，粗生嘅適應咗就算半露養都得喔～
以上係我一啲少少經驗，各人地方手法習慣都唔同
睇吓當參考就算喇~!!!

sherimavis 發表於 2017-5-14 12:37
向西南如果前面無遮擋應該都幾夠太陽

係呀! 冬天4點後有太陽射入, 夏天係兩點後......... 好彩既係前面有好大塊"空地"所以好通風的。

通風呢點對唔止肉肉, 好多植物都重要啊

樓下冷氣多數晚上先開的, 星期六日就全開~

我打算一係遮陽布一係收入D, 俾水都會小心

之前換晒D 疏水泥, 希望今年加油好好試下

謝謝Mavis俾意見我呀!!

希望過完夏天有好消息 ^^

川流不息 發表於 2017-5-14 12:52
係呀! 冬天4點後有太陽射入, 夏天係兩點後......... 好彩既係前面有好大塊"空地"所以好通風的。

通風呢 ...

可以遮布問題又可以少啲，真係好喔~
我嗰度咩都攪唔到………
有過之前嘅經驗慢慢就會好，加油呀~!!!!