我既 夾仔 Collection

呢啲係我既夾仔 Collection
因我比較鍾意紅色系，所以都係訂 Royal Red 同 Akai Ryu 等等
全部係 TC 馴化過嚟，過程用咗唔小心血同錢

全部都係每日最少 4 小時直射陽光，再加燈最少 9 個鐘
(順便等 mwmw1997 兄睇吓，我都係會 T5 光管)

你竟然有玩TC！
我好有興趣想知多Ｄ喎~

Dear Victor9394 兄 ：

TC 真係好煩, 我網上睇話一般需要 1 個月到馴化，但我發覺完全唔係呢回事
先唔提成日好易發霉，啲霉菌味周圍都係，搞到我鼻敏感嚴重發作係咁睇醫生不在話下
就算慢慢哂燈進化到慢慢哂陽光都需要好耐

可能屋企環境其實唔適合種夾仔吧，為了哂太陽成日要搬位
搞到 TC 夾要成日適應，過程中折損不少

雖然夾仔出 TC 巳清洗乾淨， 介質亦巳高溫消毒，盆亦巳用酒精消毒
**日日換新水，日日俾佢換空氣，亦日日用酒精幫小型溫室消毒，都不停發霉，不停折損.........

跟住仲惹埋黑色一點點的不知名害虫，係咁吸食夾苗汁液 (依家仲未完全解決)
Royal Red 啲夾仔未成哂形，葉柄巳吸乾枯死。
我上咗好多外國網站都唔知係咩害虫。
黑色一點點勁細隻，圓形，細到好難睇到，但勁多。 (圖後補 )

最後我忍唔住用好稀既苦楝油，情況先有改善。
唯一缺點係越細棵既 TC 夾苗頂唔住苦楝油，又折損一批，跟住又發霉
仲搞到有褐斑病，跟住又死一批

總括到講，除非設備齊全，環境適合
否則 TC 食虫苗好易因濕度、褐斑病、害虫、發霉、太早或太遲出 TC 瓶等等......因素而死亡
TC 苗係無菌既環境長大，到瓶外後要面對以上種種困難。
上面圖中夾仔係幸免生存落嚟.........

Royal Red 本來有 20 個分棵，現只餘 7 棵
Shark Teeth 本來有 10 大分棵，現只餘 7 小棵
時間與心血既投入同結果唔成正比.......所以我明白點解咁少人玩 TC
除非真係好專業.......不值一試