香港園藝館

 找回密碼
 加入園藝館
樓主: wongcc

[環保茶檔] 我的環保水果酵素做法(17-6-2017)

[複製鏈接]
發表於 2017-6-20 15:41:56 | 顯示全部樓層
wongcc 發表於 2017-6-19 14:20
bal1214花友,
我第一篇的帖子上有說明了很多用法的常用比例,可能你沒留意吧!可詳細再參考一下,我淋花 ...

請問一下, 洗澡:稀釋比例:1份酵素:1份洗浴液:10份水。其實我用浴球,1份洗浴液已夠用一次沖涼,洗衣服及洗髮都同一情況,都要加一份洗髮液/洗衣粉,加環酵目的是什麼, 不好意思, 可能問題較愚蠢, 但是新手的疑惑, 謝謝你抽空解答
 樓主| 發表於 2017-6-26 00:00:37 來自手機 | 顯示全部樓層
bal1214 發表於 2017-6-20 15:41
請問一下, 洗澡:稀釋比例:1份酵素:1份洗浴液:10份水。其實我用浴球,1份洗浴液已夠用一次沖涼,洗衣服 ...

洗菜、洗水果,我用的比例都是與水母大大差不多
稀釋比例為:      1:1000,但我有時會因應葉菜我會加多少許,例如,菜心,通菜,菠菜…………等,如芹菜,豆類我會跟比例用,食用小梳打我有時也有用,但非經常性。
其實,bal1214花友的問題也是問得很合情理,既然平時也是用一份用量,那加多一份酵素那便好像加得多餘了,我的解讀方法是,既然本身清潔劑平時用一份,如我要加一份環保酵素時,我會將原本的一份清潔劑減少為50%-75%,減多少要視乎個人的生活要求作調整,我也是本着那種原則概念,可以省用多少化學物料便省多少,出於自發性去救地球,做得多少救得多少,不是問題,最重要的是,人人都出一分力,這一分半分力可能在目前看不到明顯的效果,但若每人都儘力而為,不去計較效益是否高度,不去計較自己為什麼做得比人多,那地球才有救呀!

點評

多謝分享你的經驗和建議, 齊齊為環保出分力.  發表於 2017-6-26 15:47
發表於 2017-6-26 08:53:00 | 顯示全部樓層
坦白說, 加多少酵素, 我都係隨意, 乜都計住好煩喎, 我來說, 我會在方便和環保中作平衡, 用多用少酵素唔會爆炸, 最多只是影響潔力, 落多落少, 減多少一般清潔劑就用經驗去估, 累積生活經驗, 就唔洗乜都算住咁用時間和功夫.

我慣常做法是, 把用來清潔衣物家居的酵素事先溝水1:100, 洗地時加一兩蓋 (大約10ML-20ML)於水桶中再溝水使用;
製作家事皂時, 溝NaOH 時把一半的水量攺為環酵, 咁就洗碗時同時有環酵既溫和pH及潔力了.  

點評

多謝水母分享,因新手用環酵, 原全沒有概念稀釋多少, 之前完全沒加清潔液, 只用環酵加水, 就是覺得不夠干淨, E家知道原來是減少清潔液的量而已,唔...  發表於 2017-6-26 15:52
發表於 2017-6-27 15:05:45 來自手機 | 顯示全部樓層
bal1214 發表於 2017-6-17 21:23
謝謝你解釋了我一直的疑惑, 咁即是洗碗/衣服, 都仍要加洗潔精和洗衣粉, 只是份量少左, 我理解正確嗎?

...

在製造肥皂過程中加入松香可大大加強去油度
發表於 2017-6-27 15:10:13 來自手機 | 顯示全部樓層
wongcc 發表於 2016-1-30 15:20
我唔識造皂,我都想知呀!要請教jellyfishy大大教教我們了。

環保酵素內嘅醋酸會中和做肥皂嘅醶,影響皂化效果,理論上應該會令番梘更加容易變壞,因為當中有好多油脂未能被醶皂化,油脂就會容易變壞
發表於 2017-6-27 15:12:50 來自手機 | 顯示全部樓層
wongcc 發表於 2016-2-1 17:56
水母大大,其實成功製成酵素後,已沒有糖的味道,只有醣的成分,它已變身成一枝類似酒的液體了,只是在室 ...

理論上最做環保酵素係將糖分轉化成酒精,在轉化為醋酸。轉化過程中所有糖分及酒精會被消耗,所以環保酵素中應該不全有糖分或酒精,如果仲有的話即係醋化過程不完整。不完整發酵的環保酵素對植物有影響
發表於 2017-6-27 15:20:46 來自手機 | 顯示全部樓層
大家小心網上的資訊,我自己做環保酵素都已經有六年,乜都試過,搞到成筒都係蟲又試過,搞到肚瀉皮膚敏感都試過。總之大家要小心,盡量只用作清潔廁所、去味等等就冇問題,如果要接觸皮膚、食用、或者其他用途(我曾經見過有人推薦用來清洗陰道) ,大家就要留意。最近幾年啲人歪曲左環保酵素嘅用意,過分神化左環保酵素,我睇到網上嘅言論都覺得好恐怖。

製造環保酵素其實就係培養細菌,除非你在實驗室有晒所有專業資格及儀器,否則你好難估計你究竟仲咗啲乜嘢菌。醋酸菌唔會殺死其他細菌,只不過佢會dominate. 你啲涉及到微生物學乜嘢你同我都唔會100%肯定。萬事小心為上

如果要達到同一功效又要確保安全,不如買支冇加工嘅天然有機蘋果醋仲好
發表於 2017-6-27 15:25:05 來自手機 | 顯示全部樓層
你諗下,本來我哋食完嘅生果係會落垃圾桶去堆田,現在為咗整環保酵素,會搵啲膠樽、買糖等等。做完環保酵素之後個膠樽會點處置呢?啲果皮又會點處置呢?仲有成個過程其實你係會消耗左幾個膠袋,因為你買糖嘅時候都會有包裝。做咗六年酵素係我反思嘅時候其實我就喺度問自己究竟對環境有乜嘢幫助?成個過程我揼咗好多包糖嘅膠袋。好彩我有做對肥,否則嗰啲果皮最後都係去咗堆填區,只係延遲左去堆填區嘅時間
發表於 2017-6-28 14:59:31 | 顯示全部樓層
本帖最後由 jellyfishy 於 2017-6-28 15:03 編輯
Sumbie 發表於 2017-6-27 15:10
環保酵素內嘅醋酸會中和做肥皂嘅醶,影響皂化效果,理論上應該會令番梘更加容易變壞,因為當中有好多油脂 ...


唔洗理論了, 我實行左2年, 好好用, 哈哈哈~
2年前都有你呢個疑問, 專登留番一件, 最近開出來用, 好好用, 無壞, 無異味 (我無加香油的), 完全唔涰手, 又好泡, 又好潔力, 正!
發表於 2017-6-28 15:03:31 | 顯示全部樓層
Sumbie 發表於 2017-6-27 15:20
大家小心網上的資訊,我自己做環保酵素都已經有六年,乜都試過,搞到成筒都係蟲又試過,搞到肚瀉皮膚敏感都 ...

咁恐怖?!  話明環酵, 當然只用清潔死物, 絶對唔適合清潔皮膚或飲食用, 有人說當護髮素, 我都覺得衛生成疑, 所以唔會咁試.

發表於 2017-6-28 15:21:34 | 顯示全部樓層
我個人想法比較簡單, 環保依我目的是, 把原本用完一次半次要掉的東西活化, 就算個人能力只能把該物活多一次, 都叫盡其責任為地球出分力.
例如我成日打波, 次次在球場都見到很多1.5L水樽用完一次就掉, 若當中有些能再用多幾次, 都叫有D 意義.

發表於 2017-6-28 15:22:05 | 顯示全部樓層
Sumbie 發表於 2017-6-27 15:05
在製造肥皂過程中加入松香可大大加強去油度

噢, 我不懂做皂, 剛學會做液體皂, 都未開始動手做.
松香是否即香蕉水, 味道好刺激的
發表於 2017-6-28 15:28:33 | 顯示全部樓層
松香不刺激的, 是抹小提琴線的樹脂物質.

一般用來入鉀皂以增加潔力和令泡沫穏定, 個人唔會把佢加入冷製皂, 因為打皂時會令皂液稠, 不能靚靚入模, 而且本身皂洗東西已很有潔力, 根本不用加松香.
發表於 2017-7-1 14:14:01 | 顯示全部樓層
Sumbie 發表於 2017-6-27 15:25
你諗下,本來我哋食完嘅生果係會落垃圾桶去堆田,現在為咗整環保酵素,會搵啲膠樽、買糖等等。做完環保酵素 ...

不能認同更多
為左自家生產醋, 要浪費多少糖嘅包裝袋?
網上更流傳用黑糖效果最好, 但黑糖只係煮左好耐好耐嘅糖, 拿來洗地洗廁所效果好在哪裡? 當中又多耗損幾多燃料呢?
如果家中有變質的糖, 拿來製醋也好, 否則真不明白哪裡環保

坊間的蘋果醋大多添加糖份, 容易入口, 還是買最簡單的白醋也好
 樓主| 發表於 2017-7-3 23:57:59 | 顯示全部樓層
本帖最後由 wongcc 於 2017-7-4 00:01 編輯

我非常認同水母大大的想法, 我也是無太多時間去想得太清楚太複習, 總之我抱住用環保酵素可以減少使用化學物質的東西, 對自己不多不少也有益處, 是否環保, 每人的理念也有不同標準, 我尊重其他人的想法, 如果我用7-8元做一瓶環保酵素, 比用十多元買一瓶洗潔精平宜, 那也覺得不錯的了, 環保酵素渣還可以做花肥, 無浪費也可持續環保一番呀!

還有, 食用酵素跟環保酵素的做法明顯有不同的地方, 大家千萬不要混淆.
發表於 2017-8-29 13:30:30 | 顯示全部樓層
/ _ \ 用了菠蘿皮做酵素已經過了三個月,而且做之前忘記清洗 ⋯⋯ 整個要報銷了?

點評

有無相片, 現在是什麼樣?  發表於 2017-8-30 09:01
發表於 2017-9-3 09:38:56 來自手機 | 顯示全部樓層
本帖最後由 ret 於 2017-9-6 09:13 編輯
ret 發表於 2017-8-29 13:30
/ _ \ 用了菠蘿皮做酵素已經過了三個月,而且做之前忘記清洗 ⋯⋯ 整個要報銷了? ...


這個樣子,酵素算是清澈的
CameraZOOM-20170903093517915.jpg
CameraZOOM-20170906071713271.jpg
發表於 2017-9-8 08:59:56 | 顯示全部樓層
ret 發表於 2017-9-3 09:38
這個樣子,酵素算是清澈的

無生毛, 無黑點, 無異常顏色的點浮面叫正常, 不過用膠樽釀食用酵素就唔係咁好, 酵素係酸, 長遠會嗱膠, 下次用玻璃吧.

點評

ret
整之前睇過話玻璃怕會爆先用膠樽 XD  發表於 2017-9-9 10:22
發表於 2017-9-11 08:43:25 | 顯示全部樓層
ret
整之前睇過話玻璃怕會爆先用膠樽 XD  
----
沒錯, 如果無於初期每天開蓋放氣, 係有咁既危機, 所以環酵會用膠樽, 但食用的始終玻璃比較衛生和食用安全.
您需要登錄後才可以回帖 登入 | 加入園藝館

本版積分規則

聯絡園藝館|手機版|Archiver| HKplants

GMT+8, 2017-11-25 06:10

© 2014 hkplants.com

快速回覆 返回頂部 返回列表