田園種菜編２０１５

不丹辣椒生長到有果，可惜雨水太多宣佈死亡，好傷心。

後補照片

除草後發現大大個老黃瓜冇比果蠅破壞，喜出望外立即採收。


一拼採收木瓜，秋葵，青瓜，節瓜一一 瓜瓜拼盤.

農作物收成 : 一大袋秋葵，木瓜一個，節瓜幾個

每兩日農作物收成 : 吃不完的一大袋近50條秋葵, 已剪左一部分較老不要!

再收一個老黃瓜，生在草叢沒有被果蠅看見。

開始覺得睇人種野都係一種幸福!!

今天收割: 大節瓜， 白豆， 秋葵


趁幾天下雨，唔駛淋水同泥土夠濕，趕插種了一畦番薯渡夏。

今天收割: 近四十棵秋葵 (有一棵紅秋葵)，四個茄子


種左六株枝豆，農友送

每次見到咁多收成,  都覺得好開心和羨慕

師兄太厲害啦,打理甘多地

查查 發表於 2016-7-20 22:06
師兄太厲害啦,打理甘多地

別太抬舉了，打理也有小茄子一定壓力呀。

收左一畦花生，放天台晒乾，部分花生開始從新發芽。冒著暴晒收割，再唔收就發晒芽，仍有三分一畦未收。

打風後，大部分冇事，但三堆蔗近五十棵被風吹倒斷了七枝，用左近二小時才把它們移正固定。

7個月後再睇你既POST, 好驚訝你開田既速度. 你真係好勤力又好快手. 唔講人地一定相信你係全職農夫, 無諗過你又要番工又要打理咁大塊田都卓卓有餘.  見你收過不停都鄧你開心.  加油呀!

YoungFarmer 發表於 2016-7-26 15:37
收左一畦花生，放天台晒乾，部分花生開始從新發芽。冒著暴晒收割，再唔收就發晒芽，仍有三分一畦未收。
...

花生點種

unknownk 發表於 2016-8-8 10:03
花生點種

花生種植期... 春分左右第一造，約三個月左右收，另在秋分前種第二造。

挖坑約2寸，將每粒生花生放入，然後蓋土。現在近最後種植期.

冒微雨冇太陽，除草之餘立刻趕種一畦花生。

之前種左數十棵洛神花在田基上，大部分兩呎多高，另外數十棵香茅都近兩呎多高，部分照片如下。

見C hing D田好靚,  開得好快,  可否教路,  我有10畦田,  這幾個月祇是打草除根,   想晒一星期再翻土,  但一下雨,  D草生得好快, 打不完,  有否好方法或程序賜教下, 贈幾句,  點樣可以有系統開田呢?  謝謝!  

eastyardhk 發表於 2016-8-13 10:57
見C hing D田好靚,  開得好快,  可否教路,  我有10畦田,  這幾個月祇是打草除根,   想晒一星期再翻土,  但 ...

你都有唔少田。理論上開左田係要晒田, 不過我好少晒田，放工做一陣不能做足！

落雨真係成日要除草，我近日忙左成星期先除左三分二草，算好，D草加埋近三座半身高既山。其實我想多雨好過成日忙淋水，但要成日除草。

我通常部分會種一D豆，節瓜廿，蕃薯及秋葵，它們成長左就會蓋到少好多草，另外種D花生，芋頭，薑，唔駛淋太多水，又唔怕有草一同生長。除草時，每次先除D就開花既草，唔好比草落草種，如果好多細小雜草，有時會用厚報紙蓋上，待兩星期細小雜草枯死。區域式除草方案，好天放工後淋完水已經冇時間除草，只有雨天，就算有微雨都去除下草，日子有功，草稀菜盛。

謝謝提點,  這一週不在香港....  讀后得益不小,  特別用報紙方法,  好過我用PP除草布.....  我會試試有心得再同Ching 分享....