新聞透視: 無心栽花

[複製鏈接]
作者: Melb 发表于 2015-4-19 19:40:49
5407 67
Melb 發表於 2016-4-24 11:16:27 |顯示全部樓層
ChanKwingYin 發表於 2016-4-24 10:25
飛燕草is consolida
delphinium is 翠雀
they loo k  the same d ont mix them up

香港好似好少見...

可能我無留意
Melb 發表於 2016-5-8 21:59:41 |顯示全部樓層
ChanKwingYin 發表於 2016-5-8 21:07
http://greenleaves363.blogspot.hk/p/blog-page.html?showComment=1449242410186

咁睇就幾靚
ChanKwingYin 發表於 2016-5-8 22:03:38 |顯示全部樓層
弘安 發表於 2016-5-14 09:15:52 來自手機 |顯示全部樓層
講綠化除咗政府係邊度種多幾棵樹之外,更應該由鼓勵市民種植盆栽呢類文化教育做起,而你要人種植都要有種植既位置,見好多朋友既舊公屋窗外都有一大個花槽,六七十年代環境唔太好無咁注重綠化改善環境,但八九十年代開始條件好就出現有花槽既公屋,雖然唔係人人種,但至少想種既人有得種,而家既公屋係文化倒退了,而且相同人數既面積比起八九十年代仲細,住都唔夠住,學咩人種花?仲講花槽?加上而家樓價太癲,私樓都越來越細,又有太多人上唔到公屋,出現咗好似仇富咁對上咗公屋既人既仇視,如果講話公屋有咩做得唔好,即刻一大班人嚟插有公屋住仲想點?(好似公屋鉛水咁,網上留言一面倒插公屋居民),好似扯得太遠,我只係想講而家既政府只會考慮實際商業利益,綠化呢d已經唔係政府要考慮既嘢
弘安 發表於 2016-5-14 10:03:15 來自手機 |顯示全部樓層
仲有另一樣係植樹活動,我以前住既地方附近有一個不出名既好大既山頭,係一個好長既半島,最頂係路,路既左右兩邊都係草地或灌木叢向下延伸至下面海邊石灘,係上面行既時候兩邊都可以望到海,環境一流,十幾年都係咁,我仲記得咩位置係一大片草地,有一邊係一大片山稔同野牡丹,山稔多到食唔晒,到大約九十年代我臨搬走前幾年開始,每年都有團體上嚟植樹,當時樹苗仲好細又唔算多,無阻視線唔覺得有咩問題,跟住就搬走咗,點知過咗成十幾廿年再返去,沿路全部變成樹林,可以係上面玩既草地消失咗,山稔同野牡丹就一棵都見唔到,完全消失晒,沿路完全係樹林之中,已經見唔到海,除咗地形高低無變之外,簡直草木全非,這樣既植樹活動,無增加綠化之餘(本身就係綠色地帶,只不過唔係樹林),又令原本喺度生存咗唔知幾多百年既本地植物消失,究竟係咪一件好事?但係植植活動又唔可以係市區或新界已發展既地方種,馬路邊唔種得,係政府土地,最簡單就係去山上種,再繼續咁落去,一百幾十年後會有幾多本地草本灌木消失?香港近年先興起郊遊熱,你唔係對住個山對咗幾十年,你去到郊外行成日覺得好多樹環境好,但你唔會知道嗰度十幾廿年前原來唔係咁樣,有幾多物種消失咗,我因為幾歲大已經對住呢個山頭睇住佢變先發現到原來植樹活動可能帶來既問題,希望大家都思考一下
Bing 發表於 2016-5-14 11:24:08 |顯示全部樓層
弘安 發表於 2016-5-14 10:03
仲有另一樣係植樹活動,我以前住既地方附近有一個不出名既好大既山頭,係一個好長既半島,最頂係路,路既左 ...

非常同意!
好多本土植物係寶,可惜好少人識得珍惜。
其實如果講綠化,只要香港政府唔好打郊野公園同綠化地帶主意,就已經功德無量。
至於普通市民,最基本就係唔好亂採山野動植物,仲有,一定一定一定要小心山火!!
(我住嗰度,今年清明節一過,就燒咗一整面山坡。而家日日望住嗰光禿禿嘅山頭,真係心痛,唔知要幾多年,先會長番一個山林)
ChanKwingYin 發表於 2016-5-14 11:37:25 |顯示全部樓層
弘安 發表於 2016-5-14 10:03
仲有另一樣係植樹活動,我以前住既地方附近有一個不出名既好大既山頭,係一個好長既半島,最頂係路,路既左 ...

非常同意!香港E個重商抑農,只重視經濟而忽視文化-環境嘅地方,要綠化真是引人發笑。
1234
您需要登錄後才可以回帖 登錄 | 註冊

本版積分規則

園藝大師
  • 1120

    主題

  • 130401

    貼文

  • 6

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.