Joey 第二批鬱金香成長記

呢批8個球根係bun bun 買的，已經雪咗80日，本來想雪足3個月( 90日) 先種，可以夾到農曆新年開花，但係12月30日拿出來檢查時發覺佢哋有啲發霉，所以要提早種啦! 佢地好大機會係新年前開花。
今次因為有小小發霉，所以都係要浸百菌清半個鐘，泥因為上次唔夠疏水，今次改良用咗蘭石放盆底，中間用培養土、蛭石、真珠石及仙人掌沙質土混合，真係疏水好多!

咁快開Part 2?

支持支持

Melb 發表於 2015-1-9 14:08
咁快開Part 2?

支持支持

Melb, 我本來想一月中先種架! 想夾農曆新年開花! 但係佢哋太早雪，已經開始發霉，有一粒要除一層白色皮先要得，浸咗百菌清好彩都一樣健康成長，呢批雪(80日)真係比雪(42日)長得快好多，10日已經有10cm高啦! 第一批17日先有10cm高，試驗結果係雪2個月(60日)種就最好啦! 雪太久反而會發霉。                                                                
       

joeychan 發表於 2015-1-9 15:13
Melb, 我本來想一月中先種架! 想夾農曆新年開花! 但係佢哋太早雪，已經開始發霉，有一粒要除一層白色皮先 ...

我既實驗就係試緊香港同歐洲的有咩分別

我有一粒1月1雪 2月仲種唔種到 但雪得果30日

你的發芽比我快好多

Joey , 我都有注意你同 melb 既 post ! 多謝分享呀

種咗21日，估唔到咁快就開花!

哇，正到呀!!!!

Maychow 發表於 2015-1-20 21:52
哇，正到呀!!!!

嘩! 原來雪80日，真係成長快咁多，都唔使一個月就開花，快到我都唔信!

joeychan 發表於 2015-1-20 22:11
嘩! 原來雪80日，真係成長快咁多，都唔使一個月就開花，快到我都唔信!   ...

我都係1月1 種, 但無你個D 生得咁快.

darrendarren 發表於 2015-1-20 22:27
我都係1月1 種, 但無你個D 生得咁快.

Darren，我呢批雪80日先快啲，上一批雪6 weeks (42日)最快都28日先開，狗牙品種就種60幾日先開，你啲鬱金香雪咗幾多日後先落盆種架，應該大約一星期都見花苞架啦! 你今年呢盆種得幾靚呀! 重有洋水仙一齊，如果洋水仙夾到新年開就正啦!
因為我呢盆太早開，所以我尋日都要再買多兩個中國水仙，係1月尾浸囉!

我都買咗中國水仙，我買最平那種玩, 第一次玩 , 所以落咗水，成功既話，月尾再買再玩

Maychow 發表於 2015-1-21 01:56
我都買咗中國水仙，我買最平那種玩, 第一次玩 , 所以落咗水，成功既話，月尾再買再玩 ...

第一次浸，都幾靚噃! 肥嘟嘟咁，已經成功有花苞啦! 水仙有太陽曬就得，會好粗壯及短，我見到花墟有重瓣中國水仙賣($38/1個)，可以買個玩下。

joeychan 發表於 2015-1-21 00:12
Darren，我呢批雪80日先快啲，上一批雪6 weeks (42日)最快都28日先開，狗牙品種就種60幾日先開，你啲鬱金 ...

我嗰啲見花苞好似一星期到開，要睇咩品種，一般單瓣都係屬於早花品種，狗牙同有小花邊的屬晚花品種真係有排等，落盆到開花要60幾70日﹐你呢隻種咗20幾日有咁高應該係普通單瓣品種啦! (估計咋!)

今日第23天，重瓣紫紅色鬱金香開啦! 不過冇想像中咁大朵，花長度只有4cm喳!

D花謝左係咪要掉 成盆掉?

kinkinwai 發表於 2015-1-22 23:11
D花謝左係咪要掉 成盆掉?

花謝咗，就掉得，留番啲位新年我地可以浸中國水仙啦! 有興趣可以係新年前18日浸，係老板叫話今年浸18日就得!

我都係BUNBUN買的球，第一批11月種，到宜家都係得10CM高，己經㴬緊，其中一棵見到個好細既花蕾，低到剛剛在泥土上，由頭到未都無你啲咁健康。
第二批雪左都有75日左右，上星期種，到今日都係無反應。
我無浸過百菌清，仲有，泥係普通培養土，見到乾先淋水。

這些都是死因嗎？

ememhk 發表於 2015-1-25 00:15
我都係BUNBUN買的球，第一批11月種，到宜家都係得10CM高，己經㴬緊，其中一棵見到個好細既花蕾，低到剛剛在 ...

第一批你提過話冇雪球根，咁應該會開花不良啦!
第二批有雪75日，而一星期都冇反應，有啲奇怪!

鬱金香種植步驟: (你自己睇吓我啲資料你冇做到邊幾樣就知死因啦，我自己就大部份跟足)

(1) 雪球根4-6 weeks (個人覺得最好雪兩個月)

(2) 除去啡色外皮後浸百菌淸半個鐘

(3) 用培養土、蛭石、真珠石、日本珠石及仙人掌沙質土，自己混合的介質，因為排水性會比較好，鬱金香不可種植於過分潮濕環境，且千萬不能使介質積水，否則容易出現介質發霉或鱗莖腐爛現象。

(4)在種植時，球根尖凸的部分朝上(露出大約1/4)，較扁平的一面朝同一個方向種植，則長出來的葉子方向就會整齊，葉片也比較漂亮。

(5) 球莖栽種之後要充份澆水，可先放在較陰暗的地方，讓根部先伸展，約莫一週之後等其發根，到葉芽抽出表土時就要移到光亮處，需要明亮的光線或部份日照，因此適合種在戶外以半遮陰或間接方式接受光線。若種植於室內容易突長，且植株瘦弱，葉片偏黃。
生長中期每天至少要有5～6小時以上的光照，否則莖葉會徒長，且開花不良。

(6) 落花肥:  (方法1)  自萌芽出土後，可每10天左右施1次稀薄液肥，孕蕾至開花前增施1次磷鉀肥。

           (方法2) 出芽後，待第一片葉散開時，可用復肥追肥。一次促進莖葉生長。孕蕾期結合灌水追施第二次肥，以磷、鉀肥為主，以促進花枝粗壯，花色艷麗。


其實我都係第一次種鬱金香，只要跟住方法不斷改良，一定會成功開到靚花! 希望幫到你啦! 我都係不斷上網睇住啲資料種架喳! 種到開花已經開心囉!