本帖最後由 菲愛花 於 2014-7-24 02:23 編輯
我喜歡堆肥種植,當然氮磷鉀都不足,我都會照常加部份有機肥料。有的殼真係好有用,白灼蝦及長腳蟹d殼、蝦仁炒蛋留反d蝦殼烚一烚殺菌、大閘蟹小籠包、賽螃蟹係蒸完隻蟹拆肉,殼會沖洗乾淨放在太陽曬一曬容易弄碎及無甘多蒼蠅佈係周圍否則加網蓋住嚟曬及快些分解、蛋殼焗1分鐘或洗去薄膜、新年常食不停口的開心果殼、我至愛弄的合桃糊及栗子蛋糕的果仁殼…...
大熱天時食完西瓜蜜瓜d皮、批咗皮的菠蘿、捽完塊臉的蕉皮,還有豆漿渣及冷飯,但這兩樣會露地種植時才用,皆因快分解及好臭,再放其他堆肥的殼及果皮菜莢,跟住係放混合一齊的有機肥料,最後蓋泥撒種淋水。
樓上問炒過的殼得吾得,如豉椒炒蜆、薑葱炒蟹、茄汁煎蝦碌、咖哩蟹……油份醬汁較難被沖洗、分解及讓植物吸收養分。
煲完湯的骨頭(要幾耐分解除非廚餘機碾碎骨頭)、中藥渣(製附子,可能被另一種中藥材「製川烏」污染,病人亡。不懂藥性不用為妙。中醫朋友話9成中藥材大陸入口,種植及保存成疑,我買回來的淮山茨實百谷袪濕湯包清補涼等等,係洗完才浸水1小時再洗才用)、炒咸香花生(凡加工處理)都不在我的堆肥list。還可考慮作堆肥,如大暑煲完冬瓜袪濕水渣、五花茶渣(中國貨要洗浸洗吖)
椰土是甚麼?同樣有疏水作用,溝黑泥既可保水又有有機質,加埋沙更加好讓軸根、放射根或儲藏根植物不易倒下,但如果儲藏根生長其間遇著塘泥石頭受阻變成二指三指了,塘泥種蔬菜果類無用過,我無地方種蓮藕及水稻米……嘻嘻………大家切磋交換種植心得,齊享農耕樂 |