關於迷岩命名

記得七八年前開始上園藝館交流時，有這樣一段小插曲。有一位花友出售名叫Sinningia First of May（應該是 May Affaire，謝花友更正）的花苗，有花友質疑，未聽過此品種名稱。幾經查問後，那花友才承認Sinningia First of May是自家雜交而成的植株，沒有於美國Gesneriad Society註冊。那自稱新品種繁殖了多少代，是否已經穩定，會不會返祖？那花友卻答不上來，只堅持有權為自己培植的花花命名。。。。。

我沒有種迷岩好一段日子，最近再種，赫然發現多了很多很多花樣十分類近的「新品種」，其中包括多年前被質疑的Sinningia First of May（應該是 May Affaire）。我不熟悉品種命名的事宜，也不知道這很多新品種的來歷。但如果是個別人士雜交出來，或許只有一代，兩代，沒有穩定基因，也沒有交專業人士審定，就自行推出「新品種」，我覺得是不負責的行為。說實的，很多所謂「新品種」，我看不出和一些傳統，已經註冊品種有何分別。

我純粹是希望提出我的想法，集思廣益，沒有針對任何人的意思。不知大家對大量「新品種」有何想法？

順帶貼一下Gesneriad Society有關苦苣苔新品種註冊的頁面，供大家參考討論：

http://www.gesneriadsociety.org/ir_ges/indexQ-Smith.htm

希媽，係咪搞錯左個名呢？係咪Sinningia May Affaire?
講真，呢樣野好多爭議，當年我地都好嚴格尊行，特別記得曾經到處同人講，種子出來，自交既要在名字後加X Self ，而家⋯⋯⋯
至於自己出品改名，我就咁睇，如果我係留翻自己養或最多俾一兩個朋友，我覺得問題唔大，猶記得早幾年佐治版大好有心想幫我搞註冊迷岩名字，由於覺得頗繁複，我最後都係無搞。
又或者而家風氣唔同左，以前台灣係非常嚴格要求命名的，但而家都⋯⋯⋯

唔，個人睇法，不喜勿插XP
ps：點解我咁大反應係May Affaire，因為希媽妳而家寫個名係我自家出品其中一個既名，但我明明無賣過，而且呢隻出品亦無7、8年咁耐o(^_^)o

至於妳話，好多新品種好類似，呢點我好同意，唔知呢，我個人睇法係，如果我玩配種，我想，如果出來有類似花色，毫無個人特色，我會淘汰囖，睇翻我自家出品記錄，其實真係掉左好多。
又或者d人覺得唔同人配出來，屬於唔同個體，所以就算去掉名牌，放在一起會分不清誰是誰，都依然當不同吧？@@
都係果句，睇返妳自己點搞棵花，好似我隻First of May  其實都唔算有特色，因為當年玩配種，迷岩唔似而家咁流通，用有限既花玩配種，真係出來結果可想而知，係普通花色，似珍珠媽媽，不過就粉紅變帶橙色既粉紅，而我留低係因為有紀念價值，不過我只俾過兩三個朋友，並無出售過，咁我就覺得自己keep，改名無問題囖XP

台灣d迷岩...一堆系列好多都好似樣~少少唔同又一個名
有d其實交果個都冇打算流出街改名黎做乜?

我明白雜交出新品種是很開心的事，但作為一個負責任的培植者，我覺得一定要起碼種五代，確認不會返祖，才可以稱為新品。另外，如果不是註冊品種，在分享時就要聲明，並提供父母系品種名稱。因為即使不是出售，傳下傳下，大家就忘了，後來收到的花友，尤其是新入苦海的朋友，就以為自己收到的是註冊品種，品種穩定性卻沒有保證。

另外，不註冊卻自命新品還有一個問題，就是可能有人重複繁殖，卻以不同名字命名。這問題已經很明顯了，我常常見到不同名，卻是同款的花花，可能就是不同培植者自家命名的結果。ＡＶ品種註冊到現時還是很嚴謹，或者因為本地有個專業協會，大家不會亂來。至於迷岩，就很各師各法了。我覺得這情況長遠不是很健康。慢慢的，我們都不知道自己在種什麼了。

Tony 發表於 2014-5-29 00:26
台灣d迷岩...一堆系列好多都好似樣~少少唔同又一個名
有d其實交果個都冇打算流出街改名黎做乜? ...

第一點我同意
至於你話唔流出去就唔使改名，我個人不認同，如果你有玩配種，當你同一種子開出來可以個樣差好遠，但你全部寫XXXX X XXX，但其實d花樣完全唔同，當無花開時你係唔會分到邊隻打邊隻囖，咁我又覺得有名會方便好多

呢個係我個人意見，歡迎繼續討論^_^

heiheimama
對不起啦May，說錯了你培植的品種。我沒有惡意的，只是想以此作引子討論＂命名問題＂。你記性好，當年出售卻被人質疑的是May Affaire。  發表於 半小時前


XP 唔使介意，我明白的，我之所以記得，係因為我當初都花左錢買左呢隻花嘛！XD

heiheimama 發表於 2014-5-29 09:40
我明白雜交出新品種是很開心的事，但作為一個負責任的培植者，我覺得一定要起碼種五代，確認不會返祖，才可 ...

呢個問題其實都真係幾麻煩，據我所知，唔淨係香港有咁情況出現，國外都有好多，我想都幾難監管@@

haha~ 'May Affaire' 我當初新手既時候都有買到~ 香左好世耐喇~
我記得個花友ID係sinningia丫嘛~

Tony 發表於 2014-5-29 00:26
台灣d迷岩...一堆系列好多都好似樣~少少唔同又一個名
有d其實交果個都冇打算流出街改名黎做乜? ...

有d睇花相係好似樣，但係當睇到實物原來花既size係唔一樣咖~
有d原來係大花，有d就係細花，因為睇相如果無同其他花做比對，好難睇得出size有唔同...
咁你話兩款花個樣好似樣，但係兩款個花size差成個碼，仲算唔算係同一款花呢?

heiheimama 發表於 2014-5-29 09:40
我明白雜交出新品種是很開心的事，但作為一個負責任的培植者，我覺得一定要起碼種五代，確認不會返祖，才可 ...

希媽... 唔淨止迷岩，d花貓都係咁...
分享版成日有花友分享HCY's Venus，但係根本唔係正版...
我提左n次，但一直都係斷斷續續發生哩種情況... 唉...
講到我都就黎斷氣咁濟喇...

heiheimama 唉，所以分享者／賣家真的要說清楚呢！我懷疑有人不知道什麼是x self？  發表於 4 分鐘前
但係最大鑊係連分享者都唔知自己分享緊翻版...
每次有花友問我迷岩既問題，我都會重點提佢地逢係種子繁殖既後代，務必係後面加翻x self或hybrid~
講到我自己都覺得自己有d沉氣~

我其實都唔想起名, 因希媽所說的我很清楚, 也不想為起名而搞穩定優化的繁殖，雜交純為自娛。但貼了圖出來又有人想要，或問我賣不賣，好友們也追問起了名沒有，所以才不得不改。

另外關於技術問題：重瓣品種又如果穩定化呢？子代間又不能互交。

heiheimama 發表於 2014-5-29 09:40
我明白雜交出新品種是很開心的事，但作為一個負責任的培植者，我覺得一定要起碼種五代，確認不會返祖，才可 ...

香港其實都係得好少花友玩雜迷，有玩果d都係好認真好嚴格~

講開台灣新品不妨都係海盜~ 石頭~ Isa~ AQ之類
以我所知海盜果group雜花都係好嚴要求高，經驗豐富，除左花色外，仲追求整株外型，葉形，花形，花性，花量，開花持久度等等既條件~
所以一定係嚴格挑選先安個名落去，放出黎~ ( 聽d花友報料咋，不信勿插  )
係我好放心會買既新品~
至於石頭，聽講係海盜果邊分拆出黎既培育者，石頭一系列大多數都係白香岩為主做親本~
我手頭上既海盜同石頭都無問題，無試過話有返祖情況~

有時d迷岩真係好得意~
好似Sinn. 'AQ's Gypsophila'咁，對光線好敏感，唔夠光會開粉紅色，夠光會開翻原本既紫色，真係好搞野...

其實講起育種 ~ 外國早期有好多迷岩都勁似 ~

美國 Dave 嘅 Ozark Pizazz 同 Scoundrel 有 99% 相似，都係都會開２種花色 ~ 無論葉型、花性、花色，只不過 Scoundrel 花筒比 Ozark Pizazz 較長 ，註咗冊並不代表係新花色， Dave 最近嘅新花我已冇再訂，因為跟本唔係新野，只不過改良咗Ｄ舊品種就當新品種嚟賣

其實海盜~ 石頭~ Isa~ Fu~ AQ~ 佢地Ｄ花好多都冇註冊，一樣流通市面

海盜 (多爺) 曾經對我說 ~ 育種最重要係育新品種，市面上冇嘅，就可以自已改名，當全世界都知道你嘅新品種，未必需要一定註冊

我覺得命名和註冊係兩件事來的,
命名係用來區分不同品種和花色,
也方便交流,
至於話花色相近, 雷同都命名,
我覺得無問題, 純粹是育種者個人喜好和選擇,
可能在育種者眼中那些自育種都是獨特和漂亮的，
所以給個名字, 以作區分.
我個人比較不認同有些人拿一些無名品種,
覺得似某某就強加人家品種的名字上去,
這做法就不能接受.

苦既所謂 TGS 註冊其實都超級兒戲, 註唔註都罷, 先唔評論學術上既原則問題, 淨係我舊年註冊果六個品種, 註冊費就收晨早收左, 到成年後既今日都未有人去 update 個名單

很高興見到這個帖，眾高手的意見相信亦令很多花友溫故知新！我不熟悉迷岩，所以對行情不掌握，但確實現在很多花友不知道雜交品種的迷岩，自交授粉繁殖出來後代，應該註明「x self」，因為花色是不同的！慶幸家中的迷岩，大部分均由熟悉迷岩的好友慷慨送贈，否則狸貓換太子還不知就裏。

容我說多一點，其實是否要命名登記，這問題一樣發生在非洲紫羅蘭上。有註冊的，大家當然較容易找到該品種的特性，而沒有註冊的，其實只要是有特色，一樣風行天下。

命名與註冊是育種者的福利與樂趣..要不要公佈父母本亦是..不然您如何確定它給的資訊無誤..不是造假..交配種蘭花註冊有多少蘭商都是隨便交2張照片就可以註冊了...有誰會去查證..有誰有能力去查證..公信力再哪裡?蝴蝶蘭的基因已經相當複雜豐富了..老前輩也不敢光看朵花就斷定確切的花名..除非是育種者本身...岩桐亦是...我們看花的角度和育種者的想法不見得一樣..青菜蘿柭各取所好...育種..在我的定義就是幫自然界加速進化..就是這樣而已..只要有想法去做大家都是育種家..
註冊..命名..或只是編號誰管的著..有誰有辦法跳出來整合...我想應該沒人有辦法吧.....哈哈哈..
回首看5.6年前的迷岩...和現在的水準....一目了然吧!....
感謝香港朋友對台灣花友的關心.......只是有些言詞不是當事人..體諒一下育種者的心情吧..感謝..