本帖最後由 hiatus 於 2017-5-23 15:16 編輯
睇到大家都貼相報告，靚靚大合照我就無，因為返到來先去咗gym, 之後黑麻麻先上盆，所以只有全部上盆之後的照片一張。
今日再得閒去整理整理，分類再影咗d相。
首先要感謝此次聚會的貴客和稀客， 遠道而來的老公仔大大師兄
特意準備比我的驚喜禮物--布萊恩玫瑰。
聚會之後又特登送來初戀，真是非常感動！
影多幾張相做記錄先，方便以後交功課比師兄時打分呀~
我應該拎咗“布萊恩玫瑰雙頭成株帶側芽”依盆。
雖然經歷山長水遠，路途顛簸，都仲好靚呀
非常要感謝版主Percy，盡心盡力，帶來熊熊數盆和各種神秘禮物。仲親自交比我，囑咐我要發揚光大。
原本隨性種下玩下既，家下感覺到壓力同責任好大，我都未必完全識得佢地呀。
第一步，要識得名先。。。好驚考試唔過關呀，邊位師兄師姐可以幫我check下張考卷先呢@@
上左：龍舌蘭（具體名叫咩呢？） 上右：火龍果
下左：五色萬代 下右：斑葉紋鳳梨？
、
我貪心拎咗三盆熊熊甘多，係想增加成活率，唔想佢地重蹈覆轍，又消失于人間。
但願出年我都可以拎熊來分享吧。。
仲有水泡兩只， 景天頭兩只（佢叫咩來著？）。 希望可以種到啦。
感謝Claim師姐送積水鳳梨5棵比我，有大有細，好可愛呢。仲有紅脈豹紋竹竽，等等等等。
我拎咗你唔知幾多植物啦，好在我都有乖乖交到功課，嘻嘻。
感謝秋姐送可愛可愛紅蘋果比我。我就甘落泥種啦。過咗一晚佢就探出個頭呢。
感謝AE380師姐送大大象牙和開花球蘭比我，仲有A. Glory蟲蟲大量。
感謝Melb送只火祭，好健康。
感謝vvboy送既超級可愛肉肉，但我唔識得植物名呀。已從蛋殼取出，種落盆啦。係咪藍豆？
感謝DLee師姐送大大盆大岩桐比我，都開緊花呢。已經加入到我個岩桐小天地啦。
仲要感謝pp 大大送既石仙桃，見佢地發緊芽。 落泥先，遲d再學點種好佢。
感謝陳仔送既球根各種，暫時唔識得分，種埋一起先，發芽再分開佢地。
感謝番茄，DLee和Kathryn送玻璃容器比我，非常開心^^ 遲d種好植物再向你地交功課呀。
如有錯漏，還請大家指正 
|
顯身卡
