埃及之旅

2004年12月去了一趟埃及，現在與大家分享一吓旅程。

獅身人面像 (The Sphinx)

獅身人面像曾長期埋在黃沙之下，相傳當第十八王朝的 Tuthmosis IV 王還是王子時，夢見太陽神對他說如果可令獅身人面像重現，他便可當上法老，後來亦真的靈驗了。

因頸部受長年侵蝕，獅身人面像的人頭幾乎掉下來，經各方努力現在才算是勉強地把它保存下來。

[ 本帖最後由 Monse 於 2008-7-10 02:48 編輯 ]

被譽為古代世界七大奇蹟之一，金字塔已成了古今埃及的象徵。

現今存在的古埃及金字塔共有約80座，其中最大和最有名的，首推位於開羅南面約半小時車程的 Giza 的大金字塔。而守衛在大金字塔外的獅身人面像，也成了家傳戶曉的世界級旅遊名勝。

Giza 從東北到西南排列著三座大金字塔。

一般相信金字塔是古埃及法老王的陵墓，但因其工程浩大，建造和計算精確，有很多和天文、曆法相配合的設計，因此也有人推測它有其他如祭祀甚至和外星人溝通等用途。

[ 本帖最後由 Monse 於 2008-7-10 04:16 編輯 ]

又稱為 Temple of Ramesses II，顧名思義，為拉美西斯二世所建。神廟依山崖而建，古時面向尼羅河，對著南方的奴比亞 (Nubia)，用以炫耀拉美西斯二世的偉大。

Abu Simbel 位於埃及南端接近蘇丹的地方，參觀的遊客需另費從 Aswan 坐車/飛機前往，來回需要6小時車程但都無減遊客的興緻。

[ 本帖最後由 Monse 於 2008-7-10 04:21 編輯 ]

這座神廟位處樂蜀西岸的帝王、帝后兩谷之間，神廟依山而建，原本建於第11王朝的王。第18王朝時，古埃及首位女法老把它擴建為自己殉葬用的神廟。

[ 本帖最後由 Monse 於 2008-7-10 04:21 編輯 ]

在進出帝王、帝后谷時，一定會看到一對破爛的石像，它們就是有名的門農石像。
門農石像高約18米，原本是殉葬用的神廟，後來神廟倒塌了，只剩下今天的兩座巨像。




待續.......

[ 本帖最後由 Monse 於 2008-7-10 04:14 編輯 ]

我好鍾意埃及架~以前仲買左唔少關於埃及既書
d專家話大金同獅身人面像都係外星期敎人類建造
特別係獅身人面像,佢對眼啱啱好係對住獅子座.....
以家太多人氣啦,日後未必有得再睇咁完整

好宏偉、好靚

睇金字塔是一生人必做的一件事

有人話:
去到金字塔唔入去睇就一生後悔
入咗去就後悔一生
意思係未入去, 對佢有好大期望, 其實入去都冇乜嘢好睇

不過我都係支持 "唔入去睇就一生後悔"

我認為金字塔的建做比萬里長城更為偉大, 好值得參觀

好不可思意~~~點解古埃及人巳經識計角度,力學,天文等等因數黎去建造,仲可以保存咁多年,而且仲咁好,而社會又......
當時中國古人仲係石器時代既人

可以咁講, 越偉大的建大的建築, 反映當時政府越殘暴, 越奢侈

中國没有秦始皇也没有萬里長城

睇書話,人民為左可以0係尼羅河附近生活,温飽同社會地位,所以佢地自願建造金字塔,而唔係由奴隸建造........
最大金字塔其實係0係中國,不過唔係高大,係面積大,上面好多綠色植物架

去到果度一定好多故仔聽 啦~

好壯觀呀

我過幾日就會出發去果度!

我超級想去埃及

我會相信三座giant pyramids係一萬幾年前冰河末期建造
多過一般歷史學家所講的4000年前

我都有去過埃及, 比你再耐d, 都有十年前
不過淨係去左開羅, 無去到樂蜀

我都想再去多次, 係值得去多次

原帖由 orchids 於 2008-7-11 18:47 發表
我過幾日就會出發去果度!

orchids
決定去嗱，玩得開心啲喇，等你返黎貼相啊。

係果邊小心飲食，唔好係街邊買果汁飲，女士們小心埃及男人博懞 (特別係騎駱駝果陣)，唔好比錢啲埃及小朋友呀！你比開一個小朋友就會突然有幾十個走出黎圍著你，你會甩唔到身架，買野要講價仲要講到低過 1/2 價錢。唔記得係蘆葦草定係紙沙草畫好靚架，真後悔買得三張，全送朋友沒有留一張給自己。仲有好多香料買架、典雅而花款多的香油瓶(約港幣廿零蚊)另外埃及的香油都好出名(導遊帶你地去買既香油超級超級貴)，我當時唔知道貴定平都買左二仟幾蚊吖，回來後才知道自己買貴左好多好多。

好好享受旅程！

原帖由 p@g 於 2008-7-11 22:16 發表
我都有去過埃及, 比你再耐d, 都有十年前
不過淨係去左開羅, 無去到樂蜀

我都想再去多次, 係值得去多次

我都想去多一次架，不過我仲有更多地方未去播 ！

[ 本帖最後由 Monse 於 2008-7-11 23:59 編輯 ]

我好想去，埃及喺我長途旅行其中一個target,但我同老公一直去旅行都喺自由行，唔會跟團，但聽聞埃及冶安較差，喺唔喺跟團會安全啲呀？請去個嘅朋友俾嗰意見我，thx!

原帖由 Fleur 於 2008-7-12 02:01 發表
我好想去，埃及喺我長途旅行其中一個target,但我同老公一直去旅行都喺自由行，唔會跟團，但聽聞埃及冶安較差，喺唔喺跟團會安全啲呀？請去個嘅朋友俾嗰意見我，thx! ...

香港及台灣都有好多人自由行去埃及架，我都認識一個朋友係女仔黎架佢同埋另一位女性朋友自由行去埃及，全程都無事發生，只要你臨去前搜集好資料及計畫好去埃及的行程就OK架啦。當然去啲咁既地方自己都要打醒十二分精神啦。

我呢個朋友都成日一個女仔周圍去旅行架，佢唔會跟旅行團架，我都跟過佢去東歐果次去左三十幾日呀。有次佢一個人去左10個月旅行洗左幾萬蚊咋。雖然都係啲落後國家，不幸既事好少發生係佢身上，有時聽佢講返佢見到一些香港單身自由行既經歷都幾驚心動魄架，但我又好仲意聽咕喎。