分享片段~護理皮膚獎門人 - 濕疹的外用治療方法

最主要其實我是想分享一下乜野叫薄搽藥膏~
過年前有濕疹~週身痕到訓唔倒~四肢同頸都有丫~
有日忍唔住去左睇樓下個私家醫生
佢話就話我係濕診~
比左三日藥同藥膏我~
盒藥膏得5g....我都唔知點搽~
我仲問醫生,三日得唔得架~
個醫生仲話得~
我返到去第一時間上網查D藥既係醫乜東東~
我發現d藥係大包圍咁醫濕疹、皮膚敏感呢類~

三日後,濕疹一樣無轉好~
去左睇政府醫生(夜診),領佢平~
果日仲睇得好快,約左6:45pm,我7:10pm攞埋藥就返屋企,
當中有100g係藥膏,有兩個300g潤膚膏,仲有細細兩盒for沖涼用既豬油糕。
又上網查藥既資料,就搵到以下段片~
大家留意下,唔好用搽潤膚既方法搽藥膏,否則會皮膚變薄,
留意片段搽藥膏方法,有d似搽粉底液~

多謝收看~

http://www.youtube.com/watch?v=sjooiichkUE

p.s.唔好亂咁自己買藥膏搽,有病就要睇醫生~

我地玩開diy skin care 的花友，絶大部份都唔會亦唔敢用這些西醫處方含類固醇的葯膏．私家醫生發一盒仔呢Ｄ有毒葯膏收百幾元，但又唔說明用法，個人覺得佢地幾無醫德．
或者咁話，我自己已一早唔信大部份皮膚科醫生（自己老豆係醫生都咁話），佢地Ｄ方法只能治標不治本．事實上，早已有醫學證實濕疹或皮膚病源頭來自情緒和飲食，只是控制情緒和飲食不及賣葯快吸金，葯廠賣葯最賺錢，所以點會把事實宣揚出來．

有時間可以入去護理cafe 行下，會發現好多花友玩diy 都因為懷疑西葯的負作用，所以自己學整skin care.

我估你醫生開俾你潤膚膏和豬油膏應該係：Aquarius cream (水性軟膏），和油性（以石油副產品製成的油膏）的oinment.

其實呢２隻野長用也不見得好架．有好多水性軟膏加了SLS，強烈介面活性劑，有刺激性的化學物．
Oinment 似花士寧，封住毛孔讓皮膚水份不會因皮膚呼吸時流走，毛孔長封易塞毛孔‧　
點解Oinment 可以用來洗澡？道理是同性質的東西扣在一起，油脂扣住身體上的油脂，在洗澡時經水流走，起一定程度的清潔作用．　（我估是這樣吧～）

冬天係比較易番發濕疹，一般是太乾燥所致，勤搽body cream 會沒事的．若嚴重到周身痕, 就要想想自己最近有乜困擾，或係咪有人成日向你訴苦？　食埋食埋別人的怨氣而自己沒有好好釋放（relax) 都會有皮膚病架．

貓妹你唔夠休息，也是皮膚病的原因之一架．

記得皮膚係我地身體最大器官，佢有事即係我地身體俾alarm我們呀～　再不注意，內部就可能會有事～　

要介口呢, 係咪壓力大呢,
呀, 我睇下整唔整到紫雲膏比你
今晚再覆你

小野貓, 有冇試過布緯食療?
我家火麻人都有濕疹, 連藥膏都冇搽, 食左佢一個月已有好轉 !

小野貓  老師~我差唔多好返架啦~你有心啦~呢道個個都好好人,我真係好開心,我無入錯館~==>園藝館~
我都覺得! 好似早幾日Cora才送我一盆大大的碰碰香~

小野貓  咁火麻人依家仲有無事丫?
冇乜事~ 皮膚白滑到話佢係濕疹人都冇人信! 你唔信可以問Cora, 早兩日才見過火麻人~

waiting 發表於 2014-2-20 20:20
小野貓, 有冇試過布緯食療?
我家火麻人都有濕疹, 連藥膏都冇搽, 食左佢一個月已有好轉 ! ...

布緯食療係好野來～～～～　　我地講飲講食有介紹．　呢度有花友用來幫她的cancer 爸爸．

布緯食療
http://hkplants.com/forum.php?mo ... 5540&fromuid=36
(出處: 香港園藝館)

我都想食，但未找到cottage cheese~

jellyfishy 發表於 2014-2-21 09:00
布緯食療係好野來～～～～　　我地講飲講食有介紹．　呢度有花友用來幫她的cancer 爸爸．

布緯食療

吉之島都有得賣架!
不過我多數在網上訂, 我在九龍區搵到幾間樓上健康用品店, 可以講你知~