上班族及要去旅遊嘅朋友注意囉!
DIY植物補水器
我今朝用咗手邊嘅材料做咗個豪華型嘅.
材料:
樽一個(乜都得架, 盆, 水桶, 電油桶咁大都得架視乎你嘅需要啫, 你可能去歐洲廿天團架馬! )
養熱帶魚嗰D氣喉 -- 每呎$1(一般用3-5呎就OK嘞!)
養熱帶魚嗰D氣喉出氣調節器(膠嘅, 體旺角金魚街買架$23一組有3粒可分拆獨立用, 維7個零一粒囉!)
嗱! 十幾蚊喎! 梗係豪華啦!
普及環保型又點呀!
材料:
樽一個, 要有蓋架因為個樽要反轉放, 個樽蓋拮個窿插條飲管入去架馬!
汽水飲管駁長咪得囉, 無壓力嘅, 注意接駁為上細下大套入呀!
點樣調節出水大小, 用木衣夾做調節器囉!
其他點做諗吓啦, 唔使乜錢啵!!
求其懶惰型!
樽一個(乜都得架, 盆, 水桶, 電油桶咁大都得架視乎你嘅需要啦!)
揾D類似地拖棉條物體做引水, 將上位嘅水引到植物度.
點調節? 按引水物體嘅粗幼囉!
今朝整嘅豪華型植物補水器! :n4 |