蕃茄種植問題

我種左d 幼苗, 而家有手掌咁高, 咁要落d 乜野呢, 我個泥底已經加左好多樣肥料, 有花生夫粉, 竹炭, 開花肥, 古早肥, 之後定植左d 苗仔上去, 好快大, 不過之後點就唔識啦, 之前種左棵苦瓜, 因為唔識種, 死左, 而家好驚蕃茄又死

既然你都落左唔少基肥（基本肥份）,暫時都未需要追肥,免得因為肥太多淹死棵番茄,大約２呎高後才追肥啦！打好個底子才是對的,不要拼命谷肥令植物吸收過多,這亦不是健康的做法啊！
現階段就要留意不要令主幹外的側芽(如不知是什麼,下次俾相你睇)長大,令養份被分薄.一見到有側芽就把它拔掉即可！

我睇書見過, 但係點知果d係唔係側芽, 咁側芽一定係側邊呢

凡見到從主幹長出的葉子之間的"椏差"位另長出細小葉子就是側芽。只有長出1cm的都要立即拔掉，可用手指把它拔掉！不然到它們長得太大就難以拔掉兼已搶去不少養份。平時只需多看看番茄的"椏差"位便可以找到的。每個位置只需拔掉一次便不會再長出側芽的了。努力啊！

我想問蕃茄要生長到什麼情況，側芽就不用拔掉？

THX ,不過幼苗尚未長出側芽, 我之前種既車厘茄就有花蕾, 我都去左側芽, 但開花唔結果, 係唔係要授粉呢

側芽要不斷拔掉,咁番茄先會生長得較好,如果任由側芽長大呢,除會把養份分薄,使主幹變得幼弱外,它長出的葉子更會與主幹的葉容易混亂地摺疊在一起,使葉子之間空氣不流通,容易感染病毒的。除非你所種的地方有足夠空間讓它隨意發展,否則就要記緊控制它的側芽生長啊！

原帖由 eky 於 2007-8-21 22:45 發表
我種左d 幼苗, 而家有手掌咁高, 咁要落d 乜野呢, 我個泥底已經加左好多樣肥料, 有花生夫粉, 竹炭, 開花肥, 古早肥, 之後定植左d 苗仔上去, 好快大, 不過之後點就唔識啦, 之前種左棵苦瓜, 因為唔識種, 死左, 而家好驚 ...

咁多肥..........

我都種梗蕃茄, 今次我係公司種,希望無我上次係地種口既問題,上次全軍覆沒,好似因為有蚜虫

我發現,淋水時,千萬唔好淋到葉,d葉好易有虫

原帖由 elinlcheng 於 2007-8-23 23:12 發表
我都種梗蕃茄, 今次我係公司種,希望無我上次係地種口既問題,上次全軍覆沒,好似因為有蚜虫

我發現,淋水時,千萬唔好淋到葉,d葉好易有虫

好討厭

比大家睇下我種的蕃茄

不過我同時都種左棵車厘茄, 呢盆係買, 結左一次果之後
而家我加肥, 開花, 不過唔結果啊, 大家可以教下我嗎

因為種子商要保持銷售量，聽聞好多番茄品種都只會結一次果,即使可以開第２次果,質素都只會每況愈下。

吓

咁真係奸商, 不過我新種果棵一定唔係,因為係我自己買蕃茄既時候留低

其實有時即使我們在果實中取了種子，種出來的也未必會與當初食的品種味道質量相同，有的甚至只會得個"種"字，分分鐘都不會開花結果呢！
在外國，種子公司也是一門龐大的生意行業。所以都唔係話奸定唔奸既,如果一粒種子就可種一世既話，咁仲邊有人做種子售賣，邊有人仲會研究改良種子品種給我們提供那麼的新鮮樂趣呢？

原帖由 小雲 於 2007-8-27 22:29 發表
其實有時即使我們在果實中取了種子，種出來的也未必會與當初食的品種味道質量相同，有的甚至只會得個"種"字，分分鐘都不會開花結果呢！
在外國，種子公司也是一門龐大的生意行業。所以都唔係話奸定唔奸既,如果一粒種子就可種一 ...

冇錯，因為繁殖既時候可能會雜交而有不同

點解有d番茄葉中有黃點?
和成棵番茄的底葉起黃邊，係一直枯下去的?

嗄, 咁大件事
我仲繼唔繼續呢